تجربتى مع البتلز و الميكانيكيه ؟؟؟؟؟؟؟؟؟؟؟؟؟؟؟؟؟؟

الاول الحمد لله على كل شى
ثانيا اشكر استاذ محمد سالم
و استاذ احمد على اهتمامهم بمشكلتى

انا حبيت اكتب المووع ده علشان الكل يستفاد
اولا انا اشتريت العربيه مش كملت شهر و مش عند ايه خبره بالعربيه

اول ما اشتريتها عطلت و كانت بتوقف لوحدها قلت اروح لصاحبها دلنى على ميكانيكى اسمه عبد الرحمن فى العمرانيه
راجل كبير و خبره المفروض يعنى

كل اللى اقدر اقوله حسبى الله و نعم الوكيل الراجل بيجرب فيا و مش بيشتغل بايده اصلا بيخلى الصبيان هما اللى يشتغلوا و لعربيه العطل فضل فيها و كلفنى موبينه و اتنين كوندسر و بوجيهات و كل مره غسيل كربرتير و اصلا الموبينه كانت شغاله و الكوندسر شغال

حتى الفتيس كان فيه عضه فك الموتور علشان يغير الجراب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

و عرفت بعد كده ان ممكن الجراب يتغير من غير فك للموتور

بس طبعا هو بيلم فلوس و خلاص و بيجرب و انا اللى بادفع

يعنى ببساطه استغلال لقله خبرتى

منه لله

طبعا من خلال المنتدى لقيت الكل بيشكر فى الحج محمد على
قلت اروح له

رحت له و الراجل محترم جدااااااااااااااااااااااا اااااا سيبت له العربيه و روحت

كل ما اتصل اطمن على العربيه ابنه اللى يرد عمرو باشا و طبعا مش هاقول غير ان الفرق بين محمد على و عمرو ابنه زى الفرق بين السماء و الارض

المهم روحت استلم العربيه
لقيت الباشا عمرو هو اللى شغال فيها تمام

ايه الاخبار يا حج زى الفل غيرت ابره الكاربرتير و خراطيم البنزين و سلك الفراميل و كشفت على الاسطوانه و غيرت الجراب

زى الفل
نجرب العربيه
اسمع صوت تخبيط فى العجله اللى وراء من ايه ده يا عمرو باشا قالى انه غسلها بالصابون و يومين و الصوت يروح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

طيب

ايه اخبار الكاربرتير و التاكيهت زى الفل و تمام هو قال كده

طيب

بكام يا حج الكلام ده ب 430 يا راجل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

اه البتاعه و الابره و الجراب و المصنيعه

طيب
الحمد لله اتفضل
بصيت على العربيه لقيت زيت منقط تحتها
من ايه ده يا باشا

قال ده تعريق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

طيب انا طبعا مش فاهم

روحت البيت و الحمد لله و مرتب الشهر تقريبا اتصرف على عبد الرحمن و على محمد على

ماشى
جى الباشا عمرو قبل ما امشى قالى هاديك سلك دبرياج و فرامل و سير خليهم معاك

شكرا بكام ب 60 جنيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

و كده عامل واجب

ماشى

صحيت النهارده يوم الجمعه لقيت ايه ؟؟؟؟؟؟؟؟؟؟؟؟؟؟؟؟؟؟
العربيه غرقانه زيت
؟؟؟؟؟؟؟؟؟؟؟؟؟؟؟؟؟؟؟؟؟؟

و بابص على السلك و السير بتوع الباشا عمرو فى النور لقيت انهم قدام و بايظين ههههههههههههههههههههههههه ههههههههههههههههههههههههه ههههههههه


طبع اتاكد انى مغفل عادى الحمد لله

امهم باتصل بالباش عمرو مش بيرد ؟؟؟؟؟؟؟؟؟؟؟؟؟؟؟؟؟؟

و العربيه بتنقط زيت
قلت اعدى اتصل بمحمد سالم علشان فى فيصل جنبى اتصلت بيه و كتر خيره وصف ليا الشيخ ياسر قلت اروح له
اشوف ايه حكايه الزيت
و انا رايح سامح صوت تخبيط عالى اوى فى العجله

روحت له و راجل محترم طبعا
لقى غطاء التاكيها بايظ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ و الباشا عمرو كان بيقول ده تعريق ؟؟؟؟؟؟؟؟؟؟؟؟؟

الشيخ ياسر قال هابص على التاكيهات بص لقيها مش مصبوطه؟؟؟؟؟؟؟؟؟؟؟؟؟؟؟؟؟ طيب محمد على و عمرو صبطوا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

و العجله قلت له يبص عليها
بص و فكها لقى ايه "؟؟؟؟؟؟؟؟؟؟؟؟؟؟؟؟؟؟؟؟؟؟؟؟� �؟؟؟؟؟

لقى السوسته و المسمر بتوع التيل مش مربوطين ؟؟؟؟؟؟؟؟؟؟؟؟؟؟؟؟؟؟؟؟؟؟؟

يعنى عمرو باشا كان هايموتنى ؟؟ الحمد لله

المهم فتح غطاء الموتور و بص على الموتور و هو بيصط التاكيهات لقى ايه ؟؟؟؟؟؟؟؟؟؟؟؟؟؟؟؟؟؟؟؟؟؟

لقى الخراطيم الجديده مش راكب لها كوليه ( افيز يعنى ) الحمد لله
يعنى لو لا قدر الله زودت بنزين و لا حاجه و نطر من الخرطوم كانت العربيه ولعت

الحمد لله

طبعا باكلم عمرو مش بيرد
شكراااااااااااااااااااااا ااااااااااااااااااااااا عمرو

و دلوقت الشيخ ياسر صبط تاكيهات
و غير غطاء التاكيه
و صبط الفرامل

و لسه راجع من عنده وكلها يومين و يبان نتجيه الشغل


اللى عايز اقوله فى الاخر


هو الميكانيكه سوا عبد الرحمن
او محمد على او ابنه عمرو باشا الى باع ليا قطع غيار مستعمله و بايظه ده غير الخراطيم بدن افيز وربنا موجود
او غيرهم

عايزين ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

يعنى هما ليه بيستغلوا عدم معرفتنا بالعربيه ؟؟
و ليه الطمع ؟؟

و ليه الكذب ؟؟
و ليه الجشع ؟؟

و ليه خيانه الامانه ؟؟؟

يعنى اروح لعبد الرحمن تلات مرات بنفس العيب و كل مره الشى الفلانى
و اروح لمحمد على ارجع بالعربيه بدون فرامل و الخراطكيم بدون افيز و ابنه ينصب عليا ؟؟

يعنى يا اخوانى يا اصحاب ورش الميكانكه هل انتم فاكرين انى وارث مثلا ؟ او مليونير ؟
او فلوسى حرام ؟
او انى كافر فعايزينى اموت علشان كده العربيه بدن افيز و العجل مش مربوط ؟؟

انا واثق ان محمد على مالوش ذنب و ان الحكايه كلها من ابنه عمرو و مش عندى كلام له غير انه نصاب
و حسبى الله و نعم الوكيل

محمد على محترم بس مشكلته انه سايب الشغل لعمرو ابنه و ابنه مع الاسف هايسوء سمعه الورشه بتصرفاته و بشغله البايظ


اخر واحد روحت له الشيخ ياسر فى فيصل

بيشتغل بنفسه و بايده فى العربيه
بس هو راجل كويس و عنده ضمير و بيجرب اكتر من مره قبل العربيه ما تمشى

و ان العربيه اتصبطت كده ان شاء الله هاكمل معاه

يا اخوانى الميكانيكيه

كلنا مسلمون
و كلنا بنتعب فى القرش و الوقت و حرام عليكم اللى بتعملوه فينا

ربنا موجود
و حسبى الله و نعم الوكيل

اسف للاطاله

و شكر خاص لاستاذ محمد سالم
و استاذ احمد

جزاكم الله كل خير

باشمهندس ادهم اخبارك ايه
اولا الحمد لله انها جت سليمة والموضوع خسارة فلوس وبس
لان موضوع ان السوستة ومسمار التيل يبقوا مفكوكين وكمان العجل الخلفي دى كارثة
وخراطيم البنزين اللى من غير كوليهات دى خطر جدا
بس الحمد لله انك بخير

ثانيا الحجات القديمة اللى ادهالك عمرو لازم ترجعها وتسأل على سعر الحاجة اللى جبهالك وتعرف المصنعية ايه وسعر قطع الغيار
ومتسبوش غير لما تاخد حقك منه خصوصا انه كان سايبلك الفرامل مفكوكة وكسل يراجع عليها لما سمعت الصوت وخراطيم البنزين من غير كوليهات

احنا فعلا كلنا رشحنا لك محمد على لانه فعلا كويس وعنده ضمير فى شغله ومعملش مشاكل مع حد مننا قبل كدة
لكن زى ما انتا قلت ابنه عمرو هيضيع سمعة ابوه بالاسلوب القذر بتاعه

اما بالنسبة للشيخ ياسر فهو بصراحة الوحيد اللى اتعاملت معاه عنده ضمير وشاطر وانقذنى كذا مرة عطلت فى الطريق ومن ساعة ما اتعاملت معاه وانا مرتاح
هو صديقي مش تعاملي معاه شغل وبس

انا عارف انك اكيد زعلان منى انى مقلتلكش عليه من الاول
بس اعزرنى لان الشيخ ياسر كان عضو معانا هنا فى المنتدى بس حصل خلاف على قوانين المنتدى
واتحزفت عضويته
فانا لو كنت كتبت رقم تليفونه كان ممكن يحصل ليا وقف لانى باعمل دعاية ليه
فاحنا لازم نحترم المنتدى وقوانيه

وانتا الحمد لله قدرت توصل ليه وتكلمه فى التليفون قبل ما اقولك عليه عن طريق صفحته على الفيس بوك

على العموم اتمنى ان مشاكل العربية كلها تتحل
وان شاء الله ربنا هيعوضك خير

الحمد لله انك بخير يا اخ ادهم
قدر الله وماشاء فعل وان شاء الله العربيه هتبقى كويسه

اشكرك استاذ محمد جزاك الله كل خير

و الله انا مش عارف ليه كل ده

الحمد لله على كل شى

بس لازم كل انسان يعرف ان ايه عمل بيعمله ايا كان نوعه بيكون من خلاله سمعه و شرف
و لازم نعمل اللى يرضى ضميرنا و نكون عارفين ان ربنا هايجزى كل انسان عن عمله

هى مش دنيا بس في اخره كمان

و الحمد لله على كل شى

عمرو ده منه لله بوظ سمعه والده و غير كده هو مش عارف انه بيلعب بارواح الناس
مش موضوع فلوس بس
لا لما يسيب الفرامل بايظه
و الخراطيم بايظه
كده بياذى الناسو منه لله ده غير النصب
و حسابنا موجود و ربنا بردوه موجود

الى اقدر اقوله انى مش هاتعامل مع محمد على تانى
و لا مع عبد الرحمن تانى

الاتنين كده انتهوا بالنسبه ليا

و يارب العربيه تتصبط و تكمل معايا على خير
لان بجد صرفت عليها كتير و كله كان نصب


و الحمد لله
و انا متفائل بالشيخ ياسر
هو راجل محترم و يعرف ربنا و بيقدر ظروف الواحد
مش بيعاملنى كسائح او مليونير زى الباشوات التانين

ربنا بس يسهل و العربيه تتستمر كويسه

اشكركم جميعا

و كلها دروس ليا و تجارب علشان اعرف من كويس و من وحش

و الحمد لله على كل شى