الموضوع: خلاص على وشك اغير الزيت احط زيت اية ؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة mustafavet

فيسكو 5000 تخليقي
هيقعد معاك 20 الف كيلو
وننسبة البخر ضعيفة جدا وهيحافظلك ع الموتور
ومفيش منه مغشوش

تمام ياباشا بس 20 الف كتير عاليا
انا متعود على 5000ك واغير على 4000او 4500 بالكتير اوى لو شايف الزيت شغال
لأن استخدامى للعربية مش منتظم ممكن كل يوم تمشى الصبح وبليل ممكن تقعد فترة باليل بس او العكس سعات بركنها فترة ومش بستخدمها لو معايا عربية تانية .
فا اصلا ال5000ك بيقعد معايا بين6 او 5شهور او 4 وشوية مش منتظم حسب استخدام العربية
الفيسكو ال5000 او 10000 سعرهم كااام واكيد ال10000 مميزاتة اكتر مش كدة . ( بس معدنى او معدنى واضافات تخليقية عشان المكنة عندى اتعودت على المعدنى خلاص .....
انا ليا صحبى لسة بيقولى انا بستخدم فيسكو ال10000 وبقلبة على 5000 او6000 ولسة فية يشتغل وبيقولى كويس افضل من الموبيل .
.................................................. ..

المشاركة الأصلية كتبت بواسطة mohmswailam

انا كنت بستعمل موبيل 1 بس قبل ماكمل ال10000 لقيته تعبان وصوت الموتور حاد جدا (انا سواقتى هادية فى الغالب ونادرا لما اقرص على الغيار)
بعد ماقريت كل المواضيع العادية والدعائية عن الزيوت قررت احط فالفولين لحد دلوقتى عملت بيه 200كم بس الصوت احسن كتيير و اهدى من الاول وهقولكم الاخبار اول باول.......

فعلا يا كبير الموبيل بقى سىء جدا عشان كدة هغيرة
هو باين علية نظيف وجودتة عالية بس لحد دلوقتى مش لاقى بديل الموبيل والشيل ال 5000ك
هو اقل حاجة 10000 ك ولا اية وحضرتك حاطط اى نوع واسعار زيوتهم لو تعرف
اسف على الاطالة

المشاركة الأصلية كتبت بواسطة haytham_felica

انا كونت عايز اقول حاجة ان موبيل وان بيكون كويس بس فى عمر المكنة الاولانى يعنى و العربية زيرو و عن تجربة انا كان معايا فل الاول سكودا فليشيا بس كان ماتورها حالتو كويسا اوى و حطاطت موبيل ال ب 250 و لاقت فعلن ان الزيت بيتبخر فى 3000 كم الاولنين مع العلم ان بابا معاة لانسر زيرو 1600 موديل 2007 و مش بيحصل معاة الكلام دة خالص و انا و هو بنحط نفس الزيت

فعلا الزيت التخليقى احسن حاجة للمكن الزيرو وحرام تستخدم معدنى مع مكنة زيرو
لو اتعودت على المعدنى مش هتعرف تحط تخليقى تانى
واكيد عمر مكنة الانسر اقل بكتير من عمر الفليشيا وطبعا المكنة اللى اشتغلت خصوصا فترة طويلة عمرها ماهتكون زى الزيرو مهما كانت حالتها كويسة عشان كدة هتلاقى الاسكودا نسبة البخر اعلى او فية حرق زيت وحالة المكنة معاك اية كبسها تمام ولا خفت لاقدر الله عموما لو المكنة بتحرق زيت وانت بتقيس الزيت على المقياس هتلاقى لونة زى مايكون معكر كدة وفية عرق اسود بطول المقياس عكس المكنة لو مفهاش حرق هتلاقى الزيت على المقياس لون واحد سواء لسة فاتح لسة جديد او اسود من الاستخدام هتلاقية لون واحد . ممكن تجرب تستخدم زيت نص تخليقى وتشوف اية الكلام . انا بقولك كدة عشان فعلا واحد صحبى معاة تويوتا عيون من الزيرو وبيستخدم موبيل 1 ومعاهم لانسر 2006 تقريبا بردو وشغالة موبيل 1 ولاحظ الموضوع دة بس هو سواقتة حرق وشد دايما والمكنة 4 غيار فا الطبيعى الزيت لازم ينقص معاة حاجة بسيطة نتيجة الحرق والقرص بالزات هو بيفضل يحرت بالتالت والرابع على طول فعلا الخامس بيريح المكنة جدا وياسلام على السادس بيريح المكنة جدا جدا جدا .

أولًا شيل الأصفر ٣٠٠٠ كيلو وليس ٥٠٠٠ كيلو ودا من فم واحد صحبي من شل نفسها
الفيسكو جربته مرتين وكان زي الزفت ... مكنش بيكمل ال ٥٠٠٠ والاقيه طار من المكنة
حاليا أنا شغال بكاسترول وبصراحة رائع جدًا ولغاية لما بغيره بيكون محتفظ بلزوجته بدرجة لا بأس بها
مع العلم أني بستخدم زيت ال ٣٠٠٠ كيلو وسعره ٦٠ جندى

المشاركة الأصلية كتبت بواسطة jam

أولًا شيل الأصفر ٣٠٠٠ كيلو وليس ٥٠٠٠ كيلو ودا من فم واحد صحبي من شل نفسها
الفيسكو جربته مرتين وكان زي الزفت ... مكنش بيكمل ال ٥٠٠٠ والاقيه طار من المكنة
حاليا أنا شغال بكاسترول وبصراحة رائع جدًا ولغاية لما بغيره بيكون محتفظ بلزوجته بدرجة لا بأس بها
مع العلم أني بستخدم زيت ال ٣٠٠٠ كيلو وسعره ٦٠ جندى

لا والله وبيبعوة على انة 5000ك ولا الناس اللى مش فاهمة كويس بس انا اول مرة اسمع الكلام دة الصراحة انا اعرف ان الجركن الاحمر هو ال3000 وميصلحش للمواتير دى عايز مكن قديم زى اللادا ..... عموما انا اتقفلت من الشيل خلاص .
الفيسكو مجربتهوش الصراحة كنت على وشك مرة هجربة بس جة معاد تغيير الزيت وكالعادة مكنش فية قدامى غير الموبيل والشيل وتوتال وكاسترول والحاجات اللى سهل تلاقيها فا غيرت موبيل زى ما انا شغال .....
بس بوجة عام انا شايف ان رأى الناس على الفيسكو متناقد جدا ناس تقول زى الفل وناس بتشتكى منة وغالبا اللى بيشكر فية بيستخدم تخليقى او ال10000ك واللى بيشتكى منة بيستخدم ال5000 وال10000 مش عارف لية
انا اللى اخدت بالى منة ان اللى بيستخدم توتال وكاسترول بيشكروا فيهم وحتى اللى بيجربهم بيعجبهم وبيستمروا عالية ...... وشكلى كدة هرسى على حاجة منهم طلب من الناس اللى بيستخدموا سواء توتال او كاسترول يوضحوا الانواع بالاسعار وبيمشى كام كيلو وتخليقى ولانص تخليقى ولا معدنى والارقام ان وجد عشان تعم الفائدة ونستفاد ولو حتى النوع اللى بيستخدمة لو مش عارف اكتر من كدة .

دلوقتى عرفنا ان الكاسترول ال3000ك ب60 ج هل ال5000ك افضل كمان وبكام ؟عشان هو دة المناسب ليا اكتر وهل فية نص تخليقى كاسترول ولا لأ وبكام؟ والكاسترول ايدج التخليقى بكام ؟
معلش انا بطول عليكم بس متعرفوش الموضوع دة شغلنى قد اية خلاص المفروض هغير كدة و مش هستخدم الموبيل تانى خلاص ومش عارف هحط اية المرادى خصوصا الزيت روح المكنة ومش محتاجة مجازفة .................... وشاكر لجضرتكم

الكاسترول ال5000 ب100 جنيه وممكن 110 تقريبا ,كاسترول معدني باضافات تخليقية 10000كيلو اسمه كاسترول ماجناتيك وهوب 200جنيه علي مااتذكر,وايدج التخليقي ب250 برضه علي ماافتكر وفي موضوع هنا فالمنتدي عن زيوت كاسترول وفي برضه زيت من شركة جديدة اسمه فالفولاين

المشاركة الأصلية كتبت بواسطة windsofchange

الكاسترول ال5000 ب100 جنيه وممكن 110 تقريبا ,كاسترول معدني باضافات تخليقية 10000كيلو اسمه كاسترول ماجناتيك وهوب 200جنيه علي مااتذكر,وايدج التخليقي ب250 برضه علي ماافتكر وفي موضوع هنا فالمنتدي عن زيوت كاسترول وفي برضه زيت من شركة جديدة اسمه فالفولاين

تمام اوى الكلام دة كدة عرفنا اسعار الكاسترول
طيب حضرتك بتستخدمة وهل مبسوط منة انا كدة هفكر فى ال5000ك وربنا المستعان