الموضوع: مطلوب تسعير ورائي في نيسان صني 2000

مطلوب تسعير ورائي في نيسان صني 2000

السادة الأعضاء .... معروض عليا نيسان صني موديل 2000 فابريكا بره وجوه ملك شخص ع المعاش مبيركبهاش كتير فالعربيه عامله 71000 كيلو بس هي مانيوال ومش راشه خالص
عايز بعد اذنكم اعرف تساوي كام وهل صيانتها غاليه ولا رخيصه وقطع غيارها غالييه ولا رخيصه ومتوفره ولا لأ مع الشكر ويا ريت لو حد عنده صورتها لأني لسه هتفرج عليها بكره

بص يا ريس انا كنت راكب العربيه دى وكانت معايا من سنتين

العربيه محترمه جدا واسعه من الداخل علشان اكس صالون وفخمه جدا وثبات عالى على الطريق

التكيف بتاعها ممتاز وكمان عربيه ناشفة جدا يعنى متخفش وانت جواها لان العظم بتاعها ناشف اووى بمعنى الكلمة وعن

تجربة وكمان قطع الغيار غالية لو هتجيب الاصلى لكن التركى والباقى فى العادى

من اهم عيوبها ان العربيه واطيه على الارض يعنى لو مركب معاك اوزان هتلقى العربيه بتلمس كل مطب فى وشها

اما بخصوص العربيه الى انت بتتكلم عنها تعتبر حالة شاذة لان مرشتش لا جوه ولا بره وكمان عاملة 71000 كلام فاضى

بنسبه لعربيه بقالها اكثر من 11 سنه ولو انت زى ما بتوصف اكيد سعرها مش هيقل عن 47000 وانا اعتقد انه مناسب

ليها

على العموم انا قلت من واقع خبرتى اقولك وربنا يوفقك يا باشا ويكون ليك فيها خير