الموضوع: نفسى اشترى عربيه الفاروميو بس خااااايف

اسف جدا يا جماعة لعدم وجودى و على فكرة انا لم اكن اقصد الناس هنا فى المنتدى انا كنت بقصد احنا عموما الشعب المصرى :) ,,, و الموضوع اللى انا كنت عمله دة كنت عامله لان فى واحد فى اسكندرية اسعاره رخيصة جدا و مكنتش عارف اجيب رقمه لكن الناس اللى عندهم قطع الغيار كتير
محل كريستين و اشرف ياسين و خالد غازى و عادل روكسانا و الكيلانى و مجدى البيومى و اللوا فى الحرافيين و فى واحد فى الدقى مش فاكر اسمه ولله و فى 2 فى اسكندرية سامع ان الاسعار عنده ببلاش و انا الحمد لله مغيرتش حاجات كتير فى العربية لكن مثلا التيل الاصلى ب 190 جنية
طرمبة بنزين كاملة ب 500 جنية , كب هولدر 147 150 جنية , فانوس خلفى 147 اعتقد كنت سالت عليه 450 او حاجة زى كدة , موتور 156 5000 جنية
و بعتذر للمرة التانية و انا مكنتش اقصد حد هنا انا بتكلم المشكلة فى البلد ان الناس كتير بتتكلم و هى مش عارفة و يظلموا عربيات كتير , انا اخويا كان معاه اودى a3 حاجتها رخيصة جدا زر الجولف 4 بالضبط لكن الناس تقولك ابعد عنها دى حاجتها غالية و الناس مش عارفة ... بس و ياريت اكون افدتكوا و لو عايز رقم اى حد من الناس دى الارقام اغلبها معايا انشا الله

يا باشا مفيش حاجة
و لو محتاج حاجة من كريستسن قولة انك تعرفنى قولة هشام الى معاة التمبرا الى فيها فرامل abs جارك و هو حا يعمل الواجب معاك
بص العربيات دى برة رخيصة بس هنا قطع الغيار مبالغ فيها شوية دة لندرتها
و على فكرة محل كريستسن بيبيع لبعض التجار فى عزبة شلبى برضو
انا عارف المحل بتاعة دة محل و لة مخزن تحت الارض كبير على فكرة و عندة عفشة كتير جدا و عندة مواتير و عندة جنوط و عندة شكمانات و فوانيس و طارات دريكسيون
و قولة هشام و مايكل بتاع الانشيا بيسلمو عليك كتير جدا

على فكرة العربية من ايطاليا ال 146 تمنها من اول 150 يورو الى 300 يورو و 400 يورو
دة سعر المستهلك مش التجار الى بيشحنو لمصر و يقطعو
بص اللينك دة كدة و أتفرج
Search Results: Cars on mobile.de

دى مثلا ب 295 يورو

دى ب 395 يورو تقريبا

mr hesham , يااااااه اسعار العربيات هناك رخيصة جدا دول بيكسبوا مكاسب مننا!! هو كريستين دة عنده قطع 156 الجديدة؟؟؟ و مكانه فين لانى اتقالى عليه 100 مرة لكن الحمد لله ولا مرة احتاجتله ولا كلمتوا حتى و عزبة شلبى دى اللى هى الوكالة ولا اية؟

المشاركة الأصلية كتبت بواسطة mego_100

mr hesham , يااااااه اسعار العربيات هناك رخيصة جدا دول بيكسبوا مكاسب مننا!! هو كريستين دة عنده قطع 156 الجديدة؟؟؟ و مكانه فين لانى اتقالى عليه 100 مرة لكن الحمد لله ولا مرة احتاجتله ولا كلمتوا حتى و عزبة شلبى دى اللى هى الوكالة ولا اية؟

بص مش متأكد بس محل كريستين دة من الخارج شكلة محل صغير عادى جدا بس لة مخزن من داخل المحل كبير جدا فعلا تقدر تقول بمساحة العمارة كاملا بس تحت الارض و هو عارفنى كويس جدا قولة هشام بتاع التمبرا
و عزبة شلبى دى فى المطرية غير الوكالة
و لو قارنت لك بين اسعار التمبرا الاستيراد كقطع غيار و اسعار قطع غيار الالفا حا تلاقى السعر مضروب فى 2 او 3 اضعاف
و العربية من الخارج بنفس السعر و يمكن اقل لان مفيش عليها طلب كمان
لوحابب ممكن تجيب عربية نصين كاملة فى حدود 10 الاف جنية بسلطاتها ببابا غنوج كمان بس حا تتشحن ليك اعرف حد فى العزبة ممكن يجيبها لك و هو المحل الى كل رابطة التمبرا تقريبا بتشترى من عندة مش متأكد اذا كان السعر 10000 جنية و لا ازيد شوية
زمايلنا فى رابطة التمبرا مرة 2 اشترو عربية نصين تقريبا وقسموها على بعض ههههههههههههههههههههههههه ههه
منهم مايكل باشا تقريبا