شباب الاوبل

كنت عايز رايكم فى السرفيس اللى لسه عامله للعربيه عشان اصفر كل حاجه بما انى مشتريها جديد

انا كنت غيرت زيت و فلاتر من كام اسبوع

المره ديه غيرت التالى:

- سير كاتينه جيتس ب 75 جنيه
- بوجيهات جى ام ب 110 جنيه
- سير الدينامو طلع مقاسه غلط فمتغيرش !
- جوان وش تاكيهات ميلى ب 20 جنيه
- مكنه مرشدير عشان القديمه كانت بايظه فيبى ب 40


الهدف الاصلى كان تصليح تانك البنزين عشان كان بينقط لما يتفول .... الميكانيكى قاللى هنزله و هنخلى اننا نجيب واحد تانى الحل الاخير ... قاللى انه لحمه و كله تمام ... انا افتكرت انه لحام اكسجين ... طلع استخدم انبوبتين ابوكسى!! هو ده كده تمام؟ علما بانه فعلا بطل ينقط بعد ما فولت عالاخر

الغشوميه بقى انه كمان حط من الابوكسى عند فتحه الاورنج اللى فيها الطرمبه ... هو غيرها المره اللى فاتت و الظاهر انه لقاها لسه بتسرب ... ما علينا

كنت برضه قلتله يشيك على الموتور عشان صوته فى الدواره كان بيغشلا فرجعت لقيته نضف البوابه و فعلا صوت الموتور بقى تمام

المهم ااموضوع خادله بتاع 3 ساعات و المصنعيه 180 جنيه .... كده قليل و لا كتير؟ فك تنك و لحام و سير كاتينه و الافلام ديه كلها

السخيف بقى انى و انا راجع حاسس ان الفتيس بيعض عند الاول و التانى و العربيه ماشيه ... اى حاجه شمال يعنى ... مش عارف ديه تهيؤات و لا فعلا فيه حاجه

رايكو ايه؟