عرض للطباعة
ده اول موضوع ليا فى المنتدى و أتمنى انكو تساعدونى فعلاً لأنى محتارة حيرة شديدة و مش عارفة أخد قرار
أنا إن شاء الله هشترى عربية جديدو و بصراحة محتارة بين 3 عربيات
1- إلنترا 2012 فيها abs و 2 أيرباج و جنوط 16 و باركنج سنسورز و بلوتوث ب 147 ألف
2- سيراتو كوب 2011 كاملة هاى لاين ب 143 ألف
3- مازدا 3 هاى لاين ب 155 ألف
تم تغيير الكتابة نظراً لأنه أول موضوع لكى بالمنتدى و نأمل الإلتزام بقوانين المنتدى فى المستقبل.
مشرف عام 3
أهلاً وسهلاً بيكي عضوة معانا يا موناليزا ....
1- الموضوع ده مكانه الصحيح قسم المقارنات هناك هنقدر نفيدك بشكل أفضل .
2- بلاش كتابة بالفرانكوا أراب في المنتدى لأنه ممنوع .
3- بالنسبة للمقارنة ال3 عربيات حلوين بالنسبة للقوة والوسع الألنترا أفضلهم بالنسبة للتوكيل السيراتو توكيلها أفضل من غبور وهو توكيل مازدا وهيونداي على فكرة بالنسبة للشياكة ال3 عربيات ماشاء الله زوقك حلو بس بشوف بنات بالكوبية بتبقى لايقه أوي عليهم بالنسبة لقطع الغيار المازدا أغلى سعر قطع غيار فيهم بالنسبة لأعادة البيع الهيونداي وكيا أفضل من المازدا .
Thanks AshTurba for your reply :)
How can I move the topic to the correct section?
and for the franko arabic, i didnt know that it's not allowed..
Can you please explain more why the elantra is better performance wise?
by the way, my name is Ronaliza not Monaliza :)
I think maybe you should take Hyundai IX20 in consideration. it's brand new
المشرف هينقل الموضوع ...اقتباس:
المشاركة الأصلية كتبت بواسطة ronaliza
الألنترا 130 حصان السيراتوا 124 المازدا 105 ... أيه تاني عاوزه تعرفيه
mahmoud_afifi:
I am not into the hatch back cars at all
AshTurbo
why all people are saying that Japanese cars are the best, comparing to any Korean car? regardless the horse power and the options, they prefer the Japanese and that's it...
second question: so the only thing that makes the Elantra the best out of them, is the horse power??
نقطة تفوق الياباني على الكوري دي كانت باينة أوي زمان دلوقتي الفروق بسيطة جداً وفي نقاط كتير بتتفوق فيها العربيات الكوري على الياباني فسيبك من حتة الياباني والكوري متقلقيش والكوري لو مش كويس مش هيملى البلد زي ما بتشوفي وهيونداي دلوقتي ثالث أكبر منتج للسيارات في العالم يعني ناس مش سهلة أبداً .اقتباس:
المشاركة الأصلية كتبت بواسطة ronaliza
ألنترا أحسن من حيث القوة زي ماقلت والوسع صالونها واسع ماشاء الله حاجة مريحة جداً شكل التابلوه عاجبني أحسن من المازدا والسيراتو ودي أذواق طبعاً والشكل الخارجي مش هيختلف أتنين عن أن الألنترا أحلى شكل فيهم بالنسبة للفئة اللي بتتكلمي عليها في الألنترا لو لقيتيها تبقى فرصة لأن مش هتنزل تاني قبل 4 شهور ودة كلام التوكيل نفسه أي نعم في أوفر برايس بس هنعمل أيه قدرنا بقى .... بالنسبة للمازدا الهاي لاين عربية جميلة طبعاً هتتفوق على العربيتين سيراتو وألنترا في نقطة الثبات علشان نظام التعليق الخلفي متعدد الوصلات (ملتي لينك) وده بيدي ثبات أكتر على السرعات العالية بعد 160 وخاصة في المناورة .
:)) Thanks AshTurbo so much for the comprehensive reply bgd
Actually, I adore the elnatra, exterior and interior... and you are right, it will take around 3 months till Ghabour has this class, and also the color i want is red (nebeety), and this is also not available :((
العفو ده واجب الضيافة وأحنا بنحبوا نخدموا أي حد جديد والخدمة هنا خمس نجوم مش هتلاقيها في أي حته تاني ولفي وشوفي بردوا p: ..... أتمنالك التوفيق في أنك تلاقي العربية اللي أنتي عاوزاها في أقرب فرصة .. تحياتي .
hehehe... I just go to know that you are alexawy from your accent :D
=) Thanks dear again
I'm afraid you're mistaken about "hatch back" part, I was talking about IX20 not I20 and there's a way big difference. IX20 is a category like Kia Carens but a little bit smaller. Try to check it out sometime and you'll like itاقتباس:
المشاركة الأصلية كتبت بواسطة Ronaliza
Good Luck!
you may also take the veloster in considreation
mazda 3 احسن نظام تعليق فيهم
المازدا فيها متعه جميلة فى سواقتها دة غير ثبات غير عادى فى المناورات و المنحنيات و الغرز و أحسن نظام تعليق فيهم عيوبها و أفضل أعتمادية فيهم برضة و على فكرة كونها 106 حصان مابيأثرش عليها خالص و لا التكيف بيأثر على السحب و لكن عيوبها هى قطع غيارها الغالية و الكنبة الخلفية ضيقة نسبيا
الألنترا عربية موتورها قوى فعلا بس هى من جوة سقفها واطى شوية
السيراتو أكتر عربية شكلها مناسب لبنت فيهم
دلوقتى بالنسبة للمقارنة اللى حضرتك كاتباها فكل عربية ليها ميزة وليها عيب بس معلش مع احترامى المازدا 3 تكسب كل دول ماعدا نقطتين فقط لاغير
1- المساحة الداخلية المازدا 3 ضيقة بس بالنسبة لحضرتك كبنت مش هتفرق معاكى النقطة دية اوى لان اغلبيتكوا مابتبقوش طوال فأى عربية بتبقى مريحة ليكوا جدا حتى لو هتاخدى اصدقأئك بردة هيكونوا مستريحين
2- قوة المحرك بردة اضعفهم فى التسارع بس بعد كدة المازدا بتبقى سريعة ومتهيألى حضرتك مش هتعمل drag race مع حد او هتعدى سرعات فوق ال140 كم
غير كدة العربية ثبات وهمى , شكل احسن منهم على فكرة وليها اللون الاحمر الخفيف بتاعها منتشر فيها جدا زى ماحضرتك طالبة , العربية مليانة اوبشن , اعطالها قليلة
بالنسبة للفرق مابين الكورى واليابانى موجود طبعا واكيد اليابان افضل بكتير وعلى رأسهم ( هوندا - سوبارو - مازدا - تويوتا - ميتسوبيشى ) بس المشكلة اللى بتحصل ان اليابان ماسكين شوية فى موضوع التصميم الخارجى والاوبشن بس فى مقابل بيديكى ( ثبات - عمر محركات طويل الاجل - جودة تقفيل وخامات بعكس الكورى اللى كلة بلاستيك وثبات ضايع - كمان ميزة اليابانى انة عندة عوامل الامان مهمة جدا زى ال abs - air bag بقت حاجة اساسية عندهم
ومعلش هقول تانى عمر ماكان الانتشار السريع دليل على جودة السيارة بس دة بيدل على حاجة واحدة عدم وعى المستهلك المصرى لانة فعلا فعلا بيشترى للشكل فقط ليس إلا قبل اى حاجة تانى او حتى يعرف اية مميزات العربية وعيوبها
المازدا 3 عربية حلوة ثبات عاااااااالى عمر افتراضى اطوول
والمبلغ دة بردة يجيب كرولا
وعند هوندا سيفيك الفئة الاولى
سيراتو كوبيه
السيفيك اول فئة ب160 الف
أولاً: أنا متفق معاك تمام فى النقطة الثانية، بس مختلف معاك شوية فى النقطة الأولى علشان مقياس الهورس باور اللى الكوريين بيقيسوه grossاقتباس:
المشاركة الأصلية كتبت بواسطة semsem kane
ثانياً:
أنا عارف ان اللى حاقوله دة حيزعل ناس كتير ..
بس المازدا 3 خارج المقارنة دى لأن الحاجة الوحيدة اللى مشتركة بين 3 عربيات هى تقارب السعر... أنما هى فئة أعلى
كفاية العفشة اللى تعتبر أغلى أنواع العفشات لأنها أفضلها طبعاً (multi link)
بينما (torsion beam) اللى فى الباقى دى أرخص أنواع العفشات، غير جودة الخامات اللى فى الصالون، غير أنطمة الفرامل والسيفتى.
يعنى عربية تكلفتها على المصنع أكبر بكتير من الاثنين.
السؤال بقى "أزاى عربية تكلفتها أعلى منهم وسعرها نفس السعر؟؟!!!!!!"
الإجابة: هى الجملة اللى فوق بتاعت semsem .. السوق المصرى (الغير واعى تماماً)
بيزود الطلب على العربيات الثانية، وبالتالى السعر يرتفع (ماهو ليه الوكيل مايعملش أرباح خيالية من مستهلك مستعد يشترى باى سعر علشان كدة مثلاً الالنترا اللى هى اصلاً overprice سعرها زاد من حوالى شهر كمان)
ليه بقى الطلب بيزيد كدة !!!!!!!!!
علشان المستهلك المصرى "الواعى" بيفضل الشكل والاوبشينز الكتير على حساب الاساسيات، وان كان الشكل دة اذواق (أنا مثلاً شايف ان المازدا شكلها أحلى من الاثنين).
يعنى مش مهم ABS ولا EBD ولا BAS.. ومش لازم Airbags (دة الستاندرد فى المازدا بغض النظر عن هاى لاين ولا بيس لاين).. الشركات المحترمة بتعتبر السيفتى أهم حاجة فى العربية، ودى قاعدة فى الالمانى واليابانى (مش اوبشينز زى الالنترا اللى مفصلنها واقصى نظام فرامل فيها هو ABS بالفئات العالية بس)، الالمانى واليابانى حاليا بقوا بيقفلوا السرعة القصوى، المازدا مقفولة على 180 والكورولا الجديدة، بردوا
الجولف 6 مقفولة على 185.. (يعنى مش جرى وخلاص وكمان من غير سيفتى) .. لأ فى limits علشان السيفتى.
مش عارف هو دة الكورى اللى تفوق على العالم كله.. ولما يدخل فى اى مقارنة فى المنتدى لازم يكسب!!!!!!!!
أحنا بنشترى عربية، يعنى ماتور + عفشة (ودى طبعا مع شوارعنا الجميلة أهم حاجة) + فرامل + امان+ اعتمادية (ودى من البراند فى حد ذاته)+ شكل+ مراكز خدمة
مش بنشترى كاسيت تاتش وبلوتوث ومفتاح بصمة و باركينج سنسورز
أنما بمقياس "نجاح العربية بانتشارها"..............
يبقى باردوا المازدا خارج المقارنة :))
أولا مسألة ان الياباني بقى أسطورة فاشلة كلام عاري من الصحة و المواد المستخدمة فالياباني عامة أعلى كفائة و التقفيل الياباني لن يقارن أبدا بالتقفيل الكوري
ثانيا كمقارنة تقنية فرق الهورس باور بيختفي تماما لما يكون عندك العربية فيها جيربوكس أفضل و أمان أكبر بكتير لإن العفشة بتاعت المازدا لن تقارن بالعفشة الي فالإلينترا 2012 بأي حال ... و الصالون وجهة نظر شخصية ولن تؤثر فالإختيار بس انا شايف الالينترا صالونها شكله أجمل كعدادات و كونصول ... ولكن المازدا كراسي أفضل بكثير و العدادات simple خالص و انا بأميل ليها الى حد ما ...
أخيرا ليا نصيحة ليكي هتبقى شبه فيصل في الشراء
تعالي على نفسك يوم وانزلي الثلاث توكيلات او اقرب معرض ليكي وشوفي الثلاث عربيات و اقعدي فيهم وحبذا لو تدفعي فلوس test drive و تختاري الأفضل ليكي و تبقي تصلي صلاة استخارة
وأنا ركبت سيراتو كوبيه و مازدا 3 و هيونداي الينترا بس القديمة
حقيقي المازدا أقوى و افضل منهم كلهم بمراااااااااحل ثابته جدا جدا على الطريق و متجاوبة بطريقة غير عادية مع اي طريقة قيادة .... والسيراتو كوبيه من جوة شكلها جميل و من برة مميزة قوي قوي قوي بس مش قوية ولا ثابته مقارنة بالمازدا و هيه متقاربة مع الالينترا ... وللعلم الالينترا ما اتغيرتش كتير من جوة قد ما اتغيرت خارجيا
وربنا يوفقك ان شاء الله :)
المازدا متفوقه فى العفشه والهاندلينج
السيراتو شكلها جميل ومميز عشان كوب
الالنترا برده شكلها جديد و ماتورها قوى
دى تقريبا ابرز حاجه فى كل عربيه
وعموما ال 3 عربيات انتشروا جدا وحققوا مبيعات عاليه ونجاح ومفيش شكوى محدده من اى عربيه
فانا شايف ان اختيارك هيبقى على اساس راحتك النفسيه لكل عربيه
انا معاك فى كل كلمة حضرتك قولتها بس احب اوضح نقطة المحركاقتباس:
المشاركة الأصلية كتبت بواسطة ayman_a1
المازدا 3 وزنها مناسب جدا لمحركها عشان كدة عمر طلعتها ماهتكون زى طلعة الكورى اللى بيعتمد على محركات اقوى من بودى السيارة وعشان كدة انا قولت كدة
انا مجرب الهيونداى والكيا ومجرب المازدا واللى اقدر اقولة بصراحة والقول النهائى
1- الشكل :
1- سيراتو كوبية
2- مازدا 3
3- هيونداى النترا
2- المحرك : ( يشمل قوة وتسارع حتى فوق ال100 + الهدوء )
1- المازدا 3
2- سيراتو كوبية وهيونداى متعادلين والفرق هيبقى سواق
3- الثبات :
1- مازدا 3
2- سيراتو كوبية
3- هيونداى مع انها عريضة بس للاسف ثباتها مش حلو خالص
4: الرحابة :
1- الهيونداى
2- المازدا 3 ( طبعا كانت هتبقى فى اخر الترتيب لو السيراتو كانت سيدان
3- سيراتو كوبية بس من قدام كويسة جدا
5: النعومة على الطريق والاحساس بالمطبات
1- المازدا 3
2 - سيراتو وهيونداى الاتنين ناشفين جدا بصراحة وغير مريحين
دة اخر الكلام فى العربيتين
الكوبيه بنات كتير اوي راكبها :)..... بتدي البنت كده ستايل... :)
بس بصراحة خليكي في المازدا .... ناعمة و مريحة و تتفوق في رأيي علي الكوبيه و الالنترا..
طبعا المازدا أتظلمت في المقارنة دي لأن في أمريكا و أوروبا تقارن بالفولكس جيتا و الفورد فوكس و الأوكتافيا
لكن و زي ما الأخوة الأفاضل تفضلوا بالشرح ده حال بلدنا و مضطرين نتعايش معاه و رأيي و الله أعلم :
أولا المازدا 3 ( عن تجربة لموديل 2008 عاملة 120000 كم تقريبا حتي تاريخه ) عربية لا تقارن مع الكوري لأن جودة خاماتها المستخدمة أكيد أفضل ( بغض النظر عن الشكل لأنه نسبي ) + أداء مينفعش يتوصف و عفشة تحفة و أمان علي الطريق يغريك علي زيادة السرعة و فتيس بأستجابة رائعة حاضر معك علي أي سرعة يسعفك علما بأن موديل 2008 اللي مع صاحبي الأنتيم بنجيب بها سرعة 180 و 200 كم بسهولة و ثبات ممتاز حتي الجين تو اللي مشهورة بثباتها كانت بتوصل معانا لحد معين و تهدي في الملفات و أحنا مكملين بسرعتنا و سيبك من حكاية القوة الحصانية لأنها تسويقية أكثر منها عملية + عربية معمرة و صيانات محدودة و مافيهاش مشاكل و كاتينة الموتور جنزير لا تحتاج تغيير مثل معظم الياباني ( كل الكوري كاتينة كاوتش تتغير كل 40 أو 60 ألف كم )
السلبي في المازدا هو فقط ضيق ( نسبي ) للكنبة الخلفية ( و ده مش فارق معك لأنك حاطة في المقارنة العربية الكوبيه ) و قطع غيار أكيد أغلي نسبيا من الكوري لأنها ياباني !!
ثانيا الهيونداي إلنترا شكل مميز جدا ( و إن كنت شخصيا مش عاجبني ) صالون واسع تابلوه شكله حلو و حركات و جودة الخامات جيدة بس مش بجودة المازدا علما بأن موتور و شاسيه و عفشة الألنترا هي بتاعة السيراتو ( و الله أعلم لأنهم شركة واحدة ) بس أنعم من السيراتو + العربية في المجمل ممتازة ( كسيارة عائلية ) متطلبش منها أداء مبالغ فيه و من مميزاتها الفتيس ال6 سرعات بيريح الأداء لكن العفشة المبسطة جدا قنطرة في الخلف ماسكة العجلتين مش حتديك فرصتك تستفاد من أداء الموتور و الفتيس ( لكن شايف السعر مبالغ فيه جدا لعربية في النهاية كوري و بتتباع في أوروبا و أمريكا بسعر أقل من الياباني لمجرد انها كوري )
ثالثا السيراتو الكوبيه عربية جميلة و شبابي جدا بس رأيي تنفع لشاب أكتر منها لفتاه لأن برضه قصة العفشة بتاعتها ناشفة جدا و بلدنا مافيهاش طريق مافيهوش مطبات يعني اللي راكب حيتضايق بمرور الوقت من أحساسه بكل المطبات هي عايزة طريق طوالي بس برضه المازدة تتفوق في الثبات
انا بعشق الهيونداى ومعايا النترا 2010 ومريحه جداا وناعمه جداا وسريعه وثابته بس ساعه الجد مش هتسعف الفرامل زفت الزفت و يتزحف و بتترجرج يمين وشمال لكن ممتعه جداا فى القياده
الصاج خفيف جداا اى حاجه بسيطه بتبان فيه نقر من الطوب على الطريق و الاكصدام الامامى دايما منقر من الطريق
رأيى لو عايزه عربيه تقعد معاكى 5 سنين على الاقل و تستحمل وتكون جامده بس هتخسرى فى سعرها جداا يعنى هتشتريها ب 150 هتيجى تبيعيها مش هتجيب 70 بعد 5 سنين
لو عايز شكل و نعومه و قياده سلسه بس انسى الامان وبعد سنتين هتزهقى منه وهتكرهى شكلها ولازم تغيريها هيبقى الانترا بس لو بعتيها هتجيب 120 على الاقل خسارتها قليله
هو فعلا اقصي سرعه في المازدا 160 لان ده الي باين علي العداد في الشكل الجديد
اقتباس:
المشاركة الأصلية كتبت بواسطة shadow84
حضرتك اللي باين على العداد ده 160 ميل في الساعة مش كيلومتر في الساعة
160 ميل في الساعة = 257 كيلومتر في الساعة
لكن اللي موجود في مصر ان العداد مقفول على 180 كيلومتر في الساعة (مع ان العربية ممكن تجيب اكتر من كده بس هما قافلينها على كده مش عارف ليه )
اعتقد بالنسبة للاسعار انك بتقارني بين اعلى فئة في الالنترا واقل فئة في المازدا
والفرق حوالي 10 الاف تقريبا
الالنترا فخامة واوبشن وشكل جديد وعربية جميلة وهيونداي يعني اعتمادية يعني اعادة بيع يعني قطع غيار متوفرة يعني انتشار .. المازدا ياباني يعني الاداء ( مع ان موتورها لا يقارن بموتور النترا الجبار ) بس برضه عربية ياباني وفيها وسائل امان وراحة .. اركبي الاتنين وشوفي انتي مرتاحة لايه .. انما انا لو مكانك هاخد النترا هاي لاين لاني شايفها عربية تحفة بكل المقاييس
If the comparison is exclusive between these 3 cars, may choice would be
1- Mazda 3
2- Cerato
3- Elantra
Why don't you consider other models, like Chevy Cruze topline 145K or Renault Fluence Highline 150k
Or even better, wait for the new Civic.
معلش عندي ملاحظة : الفرامل بتاعة الالنترا كويسة جدا واسعفتني من حادث من يومين مع انها مش abs بس قوية بصراحة .. حضرتك ممكن دي مشكلة عندك بس انا بالنسبة ليا شايفها حلوة جدااقتباس:
المشاركة الأصلية كتبت بواسطة Medicalist