كنت هعمل حاااادثة على طريق راس البر ..... ربنا ستر

**ahmadmidop** · 08-10-2011 02:56 AM

كنت راجع من راس البر من شوية ومعايا 4 اصحابي واحنا كلنا اوزاان يعتبر المهم ... زي الصورة اللي انا حاططها توضح ده كوبري راس البر هوا رايح وجاي انا بطلع من تحتو وبعدين اطلعو انا رقم 2 في الصورة ورقم 1 ده اللي نازل من الكوبري بسرررررعة .. المهم حصلت غلطتي بقى اولا اخدت الملف او الكيرف ده على الضييق اوووي عشان اطلع الكوبري وكمان كان فيها حفرة والحمل ده معايا في العربية .. طبعا جيت اطلع لقيت عربية روحت وااقف ووش العربية لبره الحمد لله كان نااازل بسرعة اخد باله وفرممممممل .... طبعا العربية رجعت منبي لورة ورايا عربيات شديت الهند (طبعا كل ده في اللفة اللي انا رسمها لسه مطلعتش على الكوبري المشكله حصلت عند السهم رقم 2) شديت الهاند اجي اطلع مش عارف العربية ترجع مني اازود بنزين مش عارف اظبطها خااالص وكنت هخبط في اللي ورايا اريح عليه ... لحد ما اتنين نزلو وعرفت اطلع من الحته دي .... الحمد لله ربنا ستر طبعا انا غلطتي اني اخدتها على الضييق .. هل المشكله دي مني اني مش عااارف اطلع مع الاخذ في الاعتبار :
اخدت الملف ده على الضيق خااالص - العربية فيها5 اوزاان - ومطلع - وانا في حفرة - والهاند حسيت انها لازم اشد على الاخر

الحمد لله ربنا ستر

**ahmadmidop** · 08-10-2011 02:59 AM

رقم 3 الوضع اني المفروض كنت اخدها على الوااسع ... وعلى فكرة اني امشي زي السهم 2 ده حتة اوطي من الكوبري وديه اللي حصل عندها المشكلة

**أبو صلاح** · 08-10-2011 03:01 AM

المنطق والنظام بيقول ان مفيشطلعة كوبري تتصمم بالشكل الغبي ده

ده مش غلطتك لو كان هو ده السبيل الوحيد

لكن في حل انا بفضله لو صادفني كوبري زي ده امشي قدام شوية في نفس اتجاهي وآخد u ترن من مسافة مناسبة علشان اعرف اخد سرعتي وانا طالع الكوبري وبرضه علشان اتفادى نزول اي حد من على الكوبري زي ما حصل معاك

**yoko** · 08-10-2011 11:54 AM

فنت غلطتك نسيت إن موتور العربيه مش قد كل الحمل ده وكمان في حفرة وطالع مطلع

**SheNo0o** · 08-10-2011 03:25 PM

المشاركة الأصلية كتبت بواسطة أبو صلاح

المنطق والنظام بيقول ان مفيشطلعة كوبري تتصمم بالشكل الغبي ده

ده مش غلطتك لو كان هو ده السبيل الوحيد

لكن في حل انا بفضله لو صادفني كوبري زي ده امشي قدام شوية في نفس اتجاهي وآخد u ترن من مسافة مناسبة علشان اعرف اخد سرعتي وانا طالع الكوبري وبرضه علشان اتفادى نزول اي حد من على الكوبري زي ما حصل معاك

حضرتك الي بتقوله مينفعش ف المكان ده لان الطريق ده يعتبر ضيق جدا من قبل الكوبري ومن بعد الكوبري
فبالتالي صعب جدا تمشي قدام شويه وتاخد اليوتيرن
علشان كله ف الطريق ده بيحسسوني انهم ع الدولي طايرين

**SheNo0o** · 08-10-2011 03:25 PM

ومعلومه كمان الكوبري ده من قبل الساعه 6 مساءا الطريق ده بيبقا رايح جي
وانت لو رايح راي البر وهتطلع الكوبري يفضل انك تاخد اليمين مش الشمال علشان بيبقا في راجع

والطريقه الوحيده والحل ف الموضوع ده انك تاخده بالشكل ده وبس تستنا وتامن الي جي والي راحه او تاخده علي الواسع جدا وتامن نفسك برضه جدا قبل ما تدخل

ممكن اعتقد يكون الديسك والاسطوانه فيهم مشكله ؟؟؟