الموضوع: سعر المازدا 3 نزل

انهارده علي موقع كنتاكت كارز لقيت ان سعر المازدا 3 نزل بنسبه كويسه مش عارف ايه السبب وراء نزول السعر بس دي حاجه كويسه لاني اتمني اني اشتريها وربنا يسهل اخر السنه بس ممكن يكون سعرها نزل عشان الشكل الجديد
كانت بتبتدي الاسعار 3 موديلات من 139 الف لغايه 156 الف
الاسعر الجديده
مازدا 3 A\T 1.6 2008 14000
مازدا 3 F\O\A\T 1.6 2008 145000
مازدا 3 sport 1.6 2008 125000
انا عندي سؤال يا ريت اللي يعرف الاجابه يقولي هما كلهم اتوماتيك مفيش مانوال بس الاخيره سبورت ممكن تكون مانوال...
الرابط من كنتاكت
http://www.contactcars.com/NewCars_All.asp

انا مستعجب جدا من قسم المازدا ده بالرغم من وجود التحفه المازدا 3 و انتشارها بالرغم من بعض المشاكل زي التوكيل بس مفيش حد في المنتدي كله مهتم خالص بالعربيه دي مش عارف ليه علي العموم انا كتبت الخبر و حرام وتوبه اكتب في القسم ده

لا لا متحرمش و لا حاجة أنا برضه بحب المازدا ..
و أول موديل فيها مانيوال ..اللي هو اسمه SPORT في القائمة ..
و هو أرخص موديل طبعاَ
:):)

اخيرا يا مرحب بيك يا باشا والله رديت فيه الروح و شكرا علي ردك
بجد الاسعار كده بقت تنافسيه جدا لان كل موديل نزل 10000 جنيه و السبورت المانول يا ريت يكون مانوال نزل 15000 جنيه
بس ده سعر الوكيل اكيد غبور لازم الخليجي يرخص عشان ينافس ولاا ايه

وانت من اهله يا نادر ان شاء الله لو جبت المازدا 3 هديك لفه

بس أنا لما كنت بتابع إعلاناتها في الجرايد كانت فعلاَ نازلة في سعرها عند المعارض يعني النسخة الأعلى اللي اسمها AERO كانت بتوصل لنص الأربعيتات و ساعات كنت بلاقيها 139 بس مش عارف الحاجات دي خليجي و لا إيه .. ؟!
بس عموماَ الأخ CASBER ممكن يدلنا على سعرها لأنه لسة شاري واحدة ..
:):)

كاسبر شاري من الامارات و هو هناك اصلا اكيد مش عنده فكره عن الاسعار هنا في مصر

بس الموديل الجديد نازل فعلا 2009 ؟؟؟؟؟؟؟؟؟؟؟؟؟؟؟؟؟
في دليل على كده ؟؟؟؟
و للا غبور هايسيب التوكيل و للااا ايه ؟؟؟