بصراحة .. انا مش مستعوب والله من امبارح لغاية النهاردة
بصراحة احلى مفاجاءة واحلى يوم فى عمرى
كان نفسى حد يسجلوا فيديو .. بس هو اتسجل واتحفر فى دماغى وعمرى ما حنساه ابدا
اجمل حاجة بجد واللى اسعدنى لما لاقيت اصدقاء عمرى كلهم كانوا موجودين .. وشوفتهم وهما جايين عليه وانا فى العربية
فرحت جداااا .. وانا مش عارف لسه موضوع الجنوط .. اللى خالانى فرحت وجودهم .. ولقيت اللى جى من اكتوبر والهرم واسكندرية ومن المنوفية ومن كل الاماكن البعيدة عشان يشوفونى
لان بكون سعيد دايما بتجمع الناس الحلوة اللى زيهم
وفجاءة عرفت ان الجنوط اللى كنت بختارها لبسام انها ليه انا
بصراحة انا عمرى ما شوفت تقدير زى تقديركم الغالى ده بجد .. وهو ده اللى بيخلينى اخدم بقلب .. اخدم ناس تستاهل كل خير بصراحة .. وصدقونى لو طلبتوا ما طلبتوا منى عمرى ما حوفيكم حقكم عليه ابدا
كل انسان منهم يا جماعة ليه طباع مختلفة عن التانى .. بس السمة المشتركة فيهم كلهم
انهم ناس ولاد بلد جدعان .. وبيعرفوا معنى التقدير فى زمن قل فيه الكلام ده .. غير ان قلوبهم كلهم واحدة ماليانة حب وخير .. وهو ده رمزنا كلنا
وربنا يديم المحبة يارب
شكرا خاص لكل اللى فكر فى الموضوع الجنونى ده .. شكر خاص لكل واحد تعب وجه من اخر الدنيا عشان يحضر برغم الظروف الصعبة للسفر وظروف اى حد
شكر لوليد المخطط العبقرى واللى تعب فى جمع ولم الناس واللى بعتبره اخى ليه بمعنى الكلمة .. وانسان بمعنى الكلمة .. وانسان ابن بلد بجد .. لما تعرفه وتقعد معاه تحس انك تعرفه من زمان
.. وشكر خاص الى حبيبى حسين .. اخويا الصغير .. واجمل هدية طلعت بيها فى الزمن ده صدقتى ليه .. ويارب تفضل بينا ومفيش حاجة تفرقنا ابداااااااااااا
شكر خاص الى بسام حافظ .. على تبعه مع وليد ونزوله ولفه على المحلات كلها عشان يختار ويتاكد ايه المكان اللى عنده اشيك حاجة .. بجد والله يا بسام انتو مش ممكن وانت ملكش حل
يعنى حتى بتجيبه الهدية بقب ورب زى ما بيقولوا .. بصراحة مش عارف اقولكم ايه وتسلم على تعبك وعلى كل حاجة بجد .. مش عارف اقولك ايه .. غير انت فنان القسم بصراحة
شكر خاص لبيشوى .. صديق الكفاح .. وحبيبى .. اللى بوجوده معايا وبمساعدته معايا تالق قسم نيسان ووصل الى الحالة الجميلة دى .. تسلم على تقديرك يا بيشوى وعلى مجئيك من المنوفية مخصوص يا حبى
وبكون سعيد جدا كل ما بقابلك ونفسى تقعد معانا على طول فى مصرررر عشان اشوفك على طول
وقريب لازم اجيلك المنوفية باذن الله .. قريب جداااااا
شكر خاص الى حبيبى واخويا اسامة على تقديرك ومجئيك مخصوص من اسكندرية وكمان بالمواصلات عشان تقعد معانا وتكون موجود فى اللحظة دى وتشارك فيها بكل المعانى .. وفرحت انى شوفتك والله وكنت منورنا
وقريب لما اجى اسكندرية باذن الله لازم نقعد مع بعض .. عشان نشوفك .. وكل الناس بتشكر فى محبتك .. ويارب تبقا معانا دايما وربنا يزيد المحبة بينا
شكر خاص الى محمد الشناوى حبيبى اللى جه من اخر الدنيا من اكتوبر وبالمواصلات بردوا .. وتقديرك الغالى ده يا محمد .. اللى كبير عندى والله .. وبكون فرحان جدا كل ما بشوفك بجد والله .. تسلم على التقدير الغالى يا غالى
شكر خاص الى اسامة .. على اخر يوم كانت عربيته عاملة حادثة .. وتخيلوا ساب عربيته فى الحرفين .. وراح الهرم بالمواصلات .. وجاب التورتة من هناك .. ورجع اتجمع مع الناس وفضل معايا لغاية باليل .. لالالا ياجماعة .. اسامة راجل بجد وجدع جدا والموقف ده ميخرجش الا من انسان ابن بلد فعلا .. تقديرك ده غالى عندى جداااا
بصراحة مش عارف اقولك ايه
شكر خاص الى حبيبى احمد السيد .. اللى فوجئت بوجوده .. ووجوده افرحنى كثيرا .. لانى بعزه جدااا .. ومكنتش مصدق عنيه لما لقيته قدام عنيه .. تقديرك كبير عندى يا بوحميد وربنا يديم المحبة بينا على طول
شكر خاص الى احمد ابراهيم fbi .. بصراحة شم عارف اقولك ايه بجد .. بصراحة بكون سعيد جدا جدا لما بشوفك يا بوحميد .. ويارب دايما نشوفك على خير .. وتسلم على التقدير الغالى ده يا بوحميد بجد
يارب اقدر اجبلك انا بقا هدية وهو اغيرلك الصنى بمورانو باذن الله
شكر خاص الى حبيبى واخويا احمد فؤاد على تعبك وتقديرك الغالى عندى جدا .. فعلا انت من الناس المحترمة جدا واللى بعزها جدا جدا فى الوصف بجد .. ولما بكون قاعد معاك بكون مستمتع جدا بالقائك يا احمد والله
وربنا يوفقك للخير وتجيب حتة قاشقاى باذن الله قريب .. تسلم على تقديرك الغالى ده يا حبى
شكر خاص الى باسم سعيد ومحمد فوزى .. على تقديركم الغالى برغم انكم مكنتوش موجوين .. واشتركتم فى الهدية والتقدير .. بس كنتم حاضرين فى قلبى والله .. وانا عارف ان عندكم ظروف كبيرة منعت وجودكم
بس الموقف اللى عملتوه ده تقديره عندى كبيرررررررر جدااااا .. ولازم باذن الله قريب اشوفكم ونقعد مع بعض
لان تقديركم ده غالى عندى جداااا .. وربنا يديم المحبة بينا يارب .. وانتوا بالنسبالى اخوة بجد ومعزتك كبيرة عندى
التكرريم ده كان غالى عندى جدا وشوفت فيه
اشجع الرجال .. اطيب الرجال .. اقوى الرجال .. اصدق الرجال .. انبل الرجال .. اكرم الرجال
وتكريمى كان بتجمعكم وبتجمع الناس اللى بتحبنى وده الاهم وتقديره كبير عندى
صقور نيسان نايل موتورز
يارب يديم بينا المعروف والحب والود والصداقة والاخوة اللى هى شعارنا كلنا
تحياتى ليكم جميعا ..