السلام عليكم ورحمة الله وبركاته
انهاردة الحمدلله وبتوفيق الله اشتريت عربية ميجان 2008 سيدان، وبكده أكون انضميت رسمي لأسرة رينو الجميلة جدا، ويارب أكون عضو مفيد في الأسرة الجميلة دي زي ما كنت مستفيد جدا في صمت وعن بعد خلال الفترة الماضية
وأجمل تحية إلى أحلى أسرة في المنتدى :)
أخوكم في الله
عبدالله
مبروك اخي عبد الله، عاملة كام كيلو، و اخدتها بكام... و لونها?
الف مليووووووون مبروك يا اخ عبد اللهاقتباس:
المشاركة الأصلية كتبت بواسطة abdo_2812
ربنا يعطيك خيرها ويكفيك شرها.
:*:satelite: اهلا بيك اخ جديد
الف مبرووووووووووك يا رب
ألف مبروك عليك.........ربنا يديك خيرها و يكفيك شرها.
مبروك عليك وبالتوفيق دايما ان شاء الله
الف مبروك و ان شاء الله تستمتع بيها
مبروك يا باشا ولو قدر الله فيه اي مشكله فيها قولنا واحنا هنفيدك الحمد لله مبروك مليون مره
الف مبروووووك و ربنا يرزقك خيرها و يكفيك شرها و كنت عاوز اعرف جبتها منين و بكام و عامله كام كيلو و اني فئه اصلي اليومين دول بدور و مش عارف اوصل لاي حاجه و محتاج اجيب واحده 2008 او 2009 في اقرب وقت علشان بعت عربيتي و لك جزبل الشكر و جزاك الله كل خير
الف الف مبروك و ربنا يديك خيرها و تتمتع بيها و يبعد عن العين و خلى بالك اليومين دوووووووول بالذات هتتحسد حسد السنين
و مستنيين التقرير منك بقا ايه عجبك فيها و ايه مش عاجبك و يا ريت لو تقولنا هى اى فئة و كام كيلو و لونها ايه و بكام و رقم الشاسية و رقم الموتور ههههههه
اقتباس:
المشاركة الأصلية كتبت بواسطة engtmk
الله يبارك فيك
اللهم آمين
وجزاك الله كل خير على المرور والدعاء :)
الله يبارك فيك يارب :)اقتباس:
المشاركة الأصلية كتبت بواسطة minicooper20
أحمد باشا عبدالمقصود :)اقتباس:
المشاركة الأصلية كتبت بواسطة Ahmed A.Maksoud
الله يبارك فيك ياحبيبي، واللهم آمين
جزاك الله خيرا للمرور
الله يبارك فيك، وربنا يوفقنا جميعا يارب ويجمعنا على الخير :)اقتباس:
المشاركة الأصلية كتبت بواسطة amr_elbazz
الله يبارك فيه ويارب يكفينا جميعا شر عربياتنا ويعطينا خيرها :)اقتباس:
المشاركة الأصلية كتبت بواسطة rs12
الله يبارك فيك، وربنا يكرمك يارباقتباس:
المشاركة الأصلية كتبت بواسطة midohits
أنا فعلا من أكتر الأسباب اللي جرئتني على القرار ده هو وجودكم وروح التعاون الجميلة اللي مابيننا - ماشاء الله - وأنا أصلا كل اللي حواليا محسسيني إني عملت جريمة :_Alshmokh08[1]:
بس ربنا يسترها إن شاء الله :)
اقتباس:
المشاركة الأصلية كتبت بواسطة ugaritian
اقتباس:
المشاركة الأصلية كتبت بواسطة ahmed.badie
اقتباس:
المشاركة الأصلية كتبت بواسطة Rsarabia
الله يبارك فيكم يارب وألف شكر لمروركم وبالنسبة لأسئلتكم:
العربية موديل 2008 الفئة الثانية لونها فيراني غامق، جبتها عن طريق واحد جاري شغال في توكيل رينو وكان قدامه العربية معروضة للبيع وقالي عليها
العربية الحمدلله حالتها كويسة جدا فيما أعلم يعني - إن شاء الله يكون صحيح - وكل صيانتها كانت في التوكيل وصاحبها كان مهندس سنه كبير (مش شاب يعني) فبالتالي استخدامه نظيف ومش مبهدل العربية
بخصوص السعر طبعا العربية سعرها يعتبر قليل خلصت على (65000ج) وده علشان عامله كيلو متر عالي (150000 كيلو) ولكن كلهم سفر (الراجل كان في فترة عنده شغل في شرم فكان بيسافر بيها كتير جدا) إنما الحمدلله ناس كتير نصحتني آخدها بالرغم من العداد العالي ده ولكن هم كان وجهة نظرهم إن العربية حالة وإن العداد ده من الأمور السهل جدا اللعب فيها ولو كان الراجل لاعب في الكيلو متر مكنتش هراجع وراه فعلا لأن العربية حالتها كويسة الحمدلله.
أستاذ أحمد بديع:
بخصوص سؤال حضرتك تجيب منين، هو أكتر موقع تقدر تجيب منه كونتاكت كارز والموقع ده بينزل فيه عربيات كويسة وممكن ربنا يوفقك لحاجة جميلة في وقت مش كبير إن شاء الله
لكن أهم نصيحة إنه يكون معاك واحد تاجر فاهم وثقة وبعد ما يوافقلك على العربية تاخدها وتطلع على التوكيل علشان تاخد تقرير عن العفشة والموتور والعداد إذا كان ملعوب فيه ولا لأ :)
والأهم من كل شيئ ركعتين استخارة قبل أي قرار تاخده
وربنا يوفقك لكل خير إن شاء الله ونسمع عنك أخبار جميلة قريب جدا
أستاذ Rsarabia :
ياباشا ربنا يسترها، والله أنا مرعووووووووووب ... دعواتك معانا والله أنا لسه ماشغلتش فيها غير قرآن ويارب ربنا يقدر الخير ويكفينا وإياكم شر كل ذي شر.
وبخصوص أسئلتك الصعبة دي ... إن شاء الله لما الراجل يبعتلي شهادة المخالفات هصورلك الرخصة وأرفعهالك يا حبي ... أي خدمة :D :D :D
اولا الف الف الف شكر علي ردك وزوقك و احترامك و اخلاقك العاليهاقتباس:
المشاركة الأصلية كتبت بواسطة abdo_2812
و ربنا يباركلك فيها و يديك خيرها و يكفيك شرها و يرزقك ان شاء الله
و الف مبروووك
بس اولا الاستخاره دي اهم و قبل اي شي تاني
بس موضوع حد يجي معايا بيفهم دي انا بيني و بينك ماعرفش اي حد خااااالص و الموضوع ده قالقني و انا قدامي واحده تاني فئه ماشيه 51 الف كيلو و موديل 2009 ب 87000 ايه رايك بيني و بينك انا حاسس انها غاليه قوووي و انا رايح اتفرج عليها بكره اشوفها تستاهل ولا لاء و لو حاتقل عليك هوه صديقك اللي في توكيل رينو ده ممكن يساعدني في حاجه زي كده بيني و بينك الكشف علي الموتور و العفشه و ككمان الشاسيه يشوفها مخبوطه ولا لاء كله ب 400 جنيه انا حاسس انه كتير شويه فا لو تعرف اي حد يساعدني في فحص العربيه يبقي جزاك الله كل خير واسف علي الاطاله و ازعاجي و الف شكر لردك المحترم
أنا أعرف واحد بإذن الله ممكن يفيدك في كل حاجة إلا موضوع العداد ملعوب فيه ولا لأ
وبخصوص السعر اللي حضرتك كاتبه ده مبااااالغ فييييه، العربية دي لو حالة شااااذة جداااا تخلص مثلا على 78 - 80 بالكتيييييييييير أوي أوي أوي، والله أعلم يعني لكن ده من خلال اللف والتدوير اللي شفته في الأيام القليلة اللي فاتت
حضرتك من منطقة ايه؟ علشان أعرف مدى سهولة إني أوصلك بالراجل ده
طيب انا نفسي الاقي حاجه والله في حدود ال 80000 تقريبا ده كل اللي معاييا اساسا
و الاراجل راكب دماغهعلي 87000 و اتكلمت معاه لحد ماعنيا طلعت و انا ساكن في مدينه نصر و بشتغل في المهندسين يعني القاهره كلها قريبه مني :)
ولله انا اسف علي تعبك معايا بس انا نفسي حاجه 2009 تكون حالتها حلوه و مش ماشيه كتير و مش فارقه معايا الفئه الاولي ولا التانيه بس التانيه احسن علشان الجنوط بس و اسف علي ازعاجك ياباشا
و جزاك الله كل خير يارب و يعوضك عن تعبك معايا
بص ياسيدي
مبدئيا السعر اللي انت حاطه كويس جدا، بشرط إن العربية تكون حالة شاذة زي ما بتقول
وخلاص مادام الراجل مصر يبقى ربنا كاتبلك الخير في غيرها
بالنسبة للموديل ... ليه حضرتك مصر على 2009 ؟
فيما أعلم يعني إن الموديلات من ملحق 2007 لحد ما بطلت تنزل هم اخوات، فبلاش تزنق نفسك وتقلل الخيارات المتاحة وأهم حاجة حالة العربية مش الموديل خالص :)
تابع إعلانات كونتاكت وربنا ييسرلك الخير وماتقلقش إن شاء الله وماتستعجلش كمان خااالص
أنا بصراحة مقدر إن مش معاك عربية وربنا يعينك، لكن برضو الإستعجال مش في مصلحتك خالص
أنا كنت شفت إعلان على كونتاكت وكنت مكلم الراجل إني هاروح أشوف العربية لكن الحمدلله كنت خلصت في واحدة
خليني أدخل أشوف الإعلان وأجيبلك صورة منه وكلم الراجل وإن شاء الله لو فيها خير ربنا يكتبهولك
اتفضل ياباشا :)
العربية دي كانت شخصيا عاجباني بس طبعا ماشفتهاش، لكن هي أعلى فئة نزلت مطلقا في الميجان ولونها جميل جدا وشكلها كده استخدامها نظيف، أنا كنت كلمت الراجل في التليفون وهو شكله شاب مؤدب ومحترم - وده طبعا مايمنعش إنك تكشف على العربية كشف جيد جدا وماتستخسرش في الكشف ده أي فلووووس و400ج ولا 500ج مش كتير خاااالص قصاد إنك ماتتدبسش في ألوف - وأنا كنت هروحله لكن سبحان الله كان ربنا وفقني للعربية اللي معايا قبل ما أقابله ومكنش ينفع انتظر أشوفها وأقارن فصليت استخارة وتوكلت على الله وخلصت.
انت كلمه وأعتقد إنك لو هاتقابله هايكون في الشيخ زايد وزي ما قلتلك حاول قبل ما تروح التوكيل يكون معاك حد فاهم علشان يطمنلك على أساس العربية (البودي والحوادث ورشة قبل كده ولا لأ والذي منه) وبعد ما يطمنك إن العربية سليمة تطلع على التوكيل علشان تطمن إن العداد زي ماهو.
أسيبك بقى مع الصورة اللي فيها البيانات
http://da3oa.org/up//uploads/images/...028116fdfa.jpg
الف الف الف شكر ياباشا و بجد جزاك الله كل خير عن معلوماتك القيمه
و لو تعرف حد يقيملي في واحده قدامي موديل اخر 2009 و ماشيه 43000 و لونها فضي و حالتها حلوه و نضيفه فيها بس خبطه من ورا الرفرف الي فوق العجله بس هوه عامله عند واحد غشيم
و حالتها مرضيه الصراحه ماتعرفش اوصلها لكام بحيث يكون سعرها حلو؟؟
ألف ألف مبروك وربنا يباركلك فيها
ويديك خيرها و يكفيك شرها
العفو ياحبي على ايه بس؟؟ ... المهم في النهاية توصل لأفضل الحلول بإذن اللهاقتباس:
المشاركة الأصلية كتبت بواسطة ahmed.badie
بخصوص تسعير العربية اللي بتقول عليها فانت محتاج تاجر يكون بيفهم ... بيفهم = شاطر ويقدر يفرز حالة العربية صح وفي نفس الوقت مايبخسش العربية حقها :)
وعلى الأقل أيا كان السعر لو مافيش تاجر ثقة فتشوف سمكري شاطر ولو عن طريق حد من قرايبك أو أصحابك علشان يتأكدلك إن العربية سليمة وبعدين تطلع بيها على التوكيل وربنا يعملك اللي فيه الخير
الله يبارك فيك يارب، وجزاك الله كل خير على المرور والدعاءاقتباس:
المشاركة الأصلية كتبت بواسطة abo_abdullah
اللهم آمين
الف مبروك ياباشا
وربنا يبركلك فيها
اقتباس:
المشاركة الأصلية كتبت بواسطة alrays
الله يبارك فيك ياباشا :)
و1000 شكر للمرور الجميل :)