أستشارة فى شراء شقة

**punisher** · 08-10-2011 07:53 PM

الحمدلله كتبت أمبارح عقد شقة تمليك وكان عقد نهائى ... دفعت جزء وكتبت على نفسى شيكات بباقى المبلغ .

عندى استفسار من أهل الخبرة ... دلوقتى العمارة دى 13 دور .. الشقة فى الدور ال 10 ... وترخيص العمارة ل 4 أدوار .. فا دلوقتى صاحب العمارة قالى ان مينفعش أسجل العقد فى الشهر العقارى ... وقالى ان ممكن أعمل حاجة اسمها صحة توقيع ونفاذ وان المحكمة بتحكم من أول جلسة بالملكية ...

فا هل الكلام ده كويس ولا فى حاجة غلط .. انا بس بحب امشى فى كل حاجة قانونى ..

وهل دا يعملى مشاكل لو فكرت ابيع الشقة فى المستقبل ؟

**khaled_yassin** · 08-10-2011 08:12 PM

بص انا مش عارف التفاصيل بس هقولك الى اعرفوا
انت دلوقتى تعتبر بناء مخالف ودة ممكن يعملك مشاكل مع الحى , وممكن الحى يتصالح معاك وتدفع غرامة تقريبا
بالنسبة لموضوع صحة التوقيع دى حاجة بتتعمل فى المحكمة بتفرع قضيه ومش عارف خطوتها بالظبط بس بتكلف بتاع 1000 جنيه وانا عملتها فى شقة ولدتى والحياه زى الفل
بس موضوع البناء المخالف دة ممكن يعملك مشاكل مع الحى

**Al-Farooq** · 08-10-2011 08:13 PM

مش هينفع تنقل الملكية بأسمك فى الشهر العقاري ، لأن البائع اصلا مش معاه سند ملكية الأدوار المخالفة ، لكن هينفع تبيع عادي ، واللى هتبيع له مش هيعرف ينقل الملكية بأسمه وهكذا ، يعني مش هتسجل حاجة فى الشهر العقاري هيبقي معاك عقد البيع ، وبعد ما تاخد العقد هتعمل دعوي على البائع بصحة التوقيع ، وبالتالي إمضائه على العقد مش هيقدر ينكره ، اى محامي يعملها ب 150 - 200 جنية تقريباً والدعوي بتخلص في اقل من 3 شهور تقريبا ، والدعوي دي بتخلص بسرعه وبسهوله و إجراءاتها بسيطة، وفى دعوي صحة ونفاذ بردو " يعني صحة البيع ونفاذه وليس مجرد صحة التوقيع " يعني تقدر تعتبرها زي التسجيل بس دي بتطول ممكن تكون 6 شهور ومعرفش أتعاب المحامين فيها كام بالضبط ، جايز تكون هي الألف جنية زي ما الأخ khaled_yassin قال ، ومنتظر رد باقي الأعضاء للتعقيب أو التصحيح :) .

**punisher** · 08-10-2011 08:41 PM

شكرا على سرعة الرد ... انا شايف من كلامكم ان الوضع ده منتشر وانا مش أول واحد يعمل كده ... عموما انا هشوف صاحب العمارة وافهم منه ايه اللى هيتعمل بالضبط وابلغكم ... وياريت لو حد من الأخوة عنده رأى أخر يبلغنا بيه

**M_Marwan** · 08-10-2011 09:05 PM

وليه بس يا عم القلق ده ؟؟؟!! ما الشقق على قفى ميين يشيل

**punisher** · 08-10-2011 09:22 PM

أكيد مش على قفا مين يشيل فى كل المناطق

دى فى سموحة وصاحب العمارة صاحب والدى فا فى واجب فى السعر والقسط

**ahmad--ezzat** · 09-10-2011 07:50 AM

ياريت تخليك فى المضمون لان ممكن يحصل اى حاجه
خليك فى السليم بالله عليك

**M_Marwan** · 09-10-2011 11:48 AM

المشاركة الأصلية كتبت بواسطة ahmed_nubira

ياريت تخليك فى المضمون لان ممكن يحصل اى حاجه
خليك فى السليم بالله عليك

يا عم بيقولك الشقه لقطه وفى واجب فى السعر والقسط !!!!!!!

**Yarisawy** · 09-10-2011 04:00 PM

المشاركة الأصلية كتبت بواسطة m_marwan

يا عم بيقولك الشقه لقطه وفى واجب فى السعر والقسط !!!!!!!

هو مش هايدفع فيها فلوس برضه ولا هايخدها ببلاش .... ارجوا كذلك التأكد من الرسومات الهندسيه ان الاساس يستحمل كل هذه الادوار ....

**punisher** · 09-10-2011 07:19 PM

بالنسبة للأساسات فا هيا ما شاء الله يعنى .. هى معمولة ان العمارة تكون 15 دور .. العمارة أصلا قدام بيتنا فا انا متابعها خطوة بخطوة ... وبكره ان شاء الله هعمل صحة التوقيع والنفاذ وبعد كده تركيب عدادات المياه والنور والغاز ... وهبلغكم بالتطورات ان شاء الله ...

شكرا على ردود الأخوة المحترمين
yarisawy
ahmed_nubira
Mount
Khaled_yassin

الموضوع: أستشارة فى شراء شقة

LinkBack

أدوات الموضوع

عرض

أستشارة فى شراء شقة - انشر الموضوع فى :

-

-

-

-

-

-

-

-

المواضيع المتشابهه

طلب أستشارة فى ال a 113

أستشارة فى شراء سيارة

أستشارة من الماروتية

أستشارة فى شراء عربية لانوس 2008

أستشارة

الكلمات الدلالية لهذا الموضوع

المفضلات

المفضلات

ضوابط المشاركة