السلام عليكم ورحمة الله و بركاته
مشكلتي أن العربية صوتها بيعلى جداً و كأني مركب ديفل بس الصوت من قدام
وكمان مش بتسحب خالص لما أجي أشد جنب حد صوتها يعلى و مش بتشد خالص
غير أني سامع صوت زي الالتروس كدة
معرفشي من أية
السلام عليكم ورحمة الله و بركاته
مشكلتي أن العربية صوتها بيعلى جداً و كأني مركب ديفل بس الصوت من قدام
وكمان مش بتسحب خالص لما أجي أشد جنب حد صوتها يعلى و مش بتشد خالص
غير أني سامع صوت زي الالتروس كدة
معرفشي من أية
عدي على حد بتاع شكمانات
شكل عندك خرم في الشكمان
مش مظبوط طبعا أنا بكتم الشكمان بأيدي و مفيش تنفيس ثن أني بقول العربية مش بتسحب الكلام دة لما أكون ماشي بيها و أحاول اجري مرة واحدة صوتها يعلى كأني شايل فلتر الهوا و مش بتسحب خالص غير لما أضغط بنزين واحد واحد و تشد على راحتها بعد مدة كبيرة
البوجيهات أخبارها ايه وفلتر البنزين و الهوا !!
الدبرياج
انا بس هسألك كام سؤال اسطوانت الدبرياج اخر مرة غيرتها امتى و البوجيهات اخر مرة غيرتها كان امتى و نوعها اه و انتا واقف العربية بتبطل منك ولا لأ و الصوت البتسمعه عبارة عن اه بالظبط
شكرا جزيلا على الإهتمام يا جماعة
أما بالنسبة للأسطوانة أنا مغيرها من سنة و كانت الأصلي + بلية الدبرياج أما فلتر البنزين بقالو فترة كبيرة و البوجيهات 2 شمعة njk بقالهم يجي 6 شهور بس أنا إستعمالي للعربية خفيف جدا دا حتى عدادها عامل 100 ألف كيلو من يوم ماجيبتها مبمشيش كتير و أغلب الوقت في الجراج
بس كان واحد صاحبي بيقولى ركنة العربية كتير غلط الحساسات بتضرب هل هذا صحيح
أما بالنسبة للعربية فهى مش بتبطل و هي واقفه بس دلوقتي أحينا بتكركر خفيف على الغيار الثالث و كمان و هي واقفه بحس برجة أور رعشة خفيفة كدة وهي دايرة متقطعة أما فلتر الهواء نظيف و في حاجة كمان العربية بقيت ألاحظ أنها كل أسبوع أزودها كدة يجيى كباية مية و على فكرة أنا مغيرلها زيت موبيل وان
هتلاقيها حاجة من اتنين
يا علبة فلتر الهوا مش مظبوطة
او جوانات الفرن خلصت
طيب انتا بتحط بنزين كام؟
بحط بنزين 90 على طول و أحيانا 92
طيب جوانات الفرن أسمع منها الصوت العالي ده وهي بتتغير بسهول وكمان ممكن هي تأثر على سحب العربية قوي كدة
برجاء التأكد من سير الكاتينة وكذلك ترس عمود الكردان او ترس الكاتينة طالما ان الدبرياج متغير
علبة البيئة اخبارها اية
عندى نفس الجوار فى الرايسر لما اكبس بنزين اسمع صوت شبة الديفيل جى من المكنة و العربية تتكتم انما لو شعرت بنزين العربية تطير
طيب اكشف على البوجيهات و الصوت دة من شداد سير الكتينة و راجع زيت الدبرياج
راجع على سير الكاتينة ممكن يكون مأخر.. لو مأخر ميخليش العربية تسحب
فرن شكمان أو جوان الفرن
أنا شاكك أن المشكلة من الرشاشات
طيب في ميكانيكى كويس يشوف الموضوع ده يكون قريب منى أنا من بنها
لأ أنا أعتقد فعلا إنه المشكلة من فرن الشكمان لأن الموضوع ده حصلي قبل كده في عربية نوبيرا
وخد بالك لو سبته أكتر من كده العربية صوتها هيبقى عالي دائما كما لو كان الشكمان مخروم :(
شكراً لكل من أهتم بالموضوع و رد عليا أنا بكرة الصبح هروح لميكانيكى و خلية يجربها و يقولى أية الموضوع و هحاول أعرفة بأرائكم يمكن تفيدة وربنا يستر أصلى مش واثق من الميكانيكة بتوع اليومين دول أغلبهم حمير