جماعو انا معايا 65 الف و مش عارف اشتري ايه ارجو المساعدة... انا عايز عربية صغيرة هاتش باك و بفكر في بونتو او سيريون فارجو الساعدةةةةةة
عرض للطباعة
جماعو انا معايا 65 الف و مش عارف اشتري ايه ارجو المساعدة... انا عايز عربية صغيرة هاتش باك و بفكر في بونتو او سيريون فارجو الساعدةةةةةة
والله انا برشحلك الرينو الساندرينو جميلة جدا وعالية و واسعة
من الاخر هقولك اشتري توكيل يريحك
شوف انهي انضف توكيل واشتري عربيته
جديد واللا مستعمل يا باشا؟!
بلاش فيات ابعد عنها و عن اوماترا
السيريون عربية جميلة وواسعة و توكيلها نضيف
عندك الجين 2 عربية برده اداء كويس لكن التوكيل مش قد كده و معرفش فى حد كويس بيشتغل فيها ولا لا برة التوكيل
المبلغ اللى معاك يجيبلك الاتنين دول مستعمل مش جديد
لو جديد اعتقد مفيش قدامك غير الصينى فى الرنج ده الا لو هاتقسط
نوبيرا مستعملة حالتها حلوة و واسعة
جمد قلبك وصلى ركعتين استخارة
واشترى صينى
1- byd-f3
2-اسبرانزا 516
هتاخد عربيه مقاربة لفئات اعلى وبسعر اقل
ولو فيها اى مشاكل - لاقدر الله - ادخل على اى منتدى
اكسنت او سيراتو او حتى كرولا وغيرهم
وهتلاقى العربيات دى وزيرو وبرضه فيها مشاكل
Renault Sandearo :)
الحمد لله على كل شىء اولا
اخوك متعقد من العربية و مش لاقى مكان كويس اصلحها فيه غير التوكيل اللى بيبوظ اكتر ما بيصلح ( ده اذا صلح اصلا )
بالنسبة لقطع الغيار لو هيا بالنسبالك اقتصادية و متوفرة و عندك حد امين بيفهم كويس جدا فى الفيات (برة التوكيل ) و عندك استعداد للمخاطرة توكل على الله و هاتها غير كده الاختيارات التانية كتير زى ما الاخوة اقترحوا علي حضرتك
بالتوفيق
بص يا باشا
انا هجيب لك من الاخر و الله
انا لسه شاري عربية لواحد صاحبي يوم الجمعة من السوق بس مفيش بعد كده
هي هوندا سيتي 2006 كاملة اعلى كماليات
فابريكة اي بي اس - إي بي دي
2 ايرباج - مرايات كهرباء - زجاج كهرباء
فتيس ستيبترونيك بتحكم في النقلات من الطارة
كاسيت سي دي بلت ان
طبعا تكييف و باور خمسة جنط
الموتور 1500 سي سي في تك
بص مش عايز اقولك انا هتجنن بالعربية دي
و طبعا سحب و ثبات على الطريق وهمي
خلصناها ب 67500 جنية
استخر ربنا و توكل على الله و مش هتندم ابدا و الله
انا اشتريت عربيه بيكانتو 2006 مستعمله اوتوماتيك ب53 شوف حاجه نفس الرنج او اعلى فى الموديل
بس خدها اوتوماتيك وتكييف لان ده اساسى فى العربيه دلوقتى
وفى مودلات حلوه فى رنج الفلوس دى فى نيو اكسنت او فيرنا مستعمل طبعا وفى جين تو جامده وممكن نيسان صنى عندك اختيارات كتير بس دور على عربيه حالتها نضيفه
وربنا يوفقك