حسبى الله ونعم الوكيل بنزين مغشوش

**nicolass** · 10-10-2011 10:06 PM

فى كذا بنزينه بتعمل الحركة القذرة دى
وفى الى عند كوبرى الطاهره تحت الكوبرى كدا يمين فى بنزينه غالبا تعاون حطيت فيها مرة واضطريت بعدها اروح انضف الكاربراتير
لو حد قريب من بنزينات توتال يحط منها نضيفة جدا..(يمكن عشان لسة جديدة هههههههههه)

**yoko** · 10-10-2011 10:13 PM

وهو فيه حد يحط من التعاون حرام عليكم
هو أنا محطش غير من 3 بانزينات
موبيل بس تكون كبيره مش الحاجات الصغيره
شل
الوطنيه
توتال

**=ISLAM=** · 10-10-2011 11:10 PM

المشاركة الأصلية كتبت بواسطة hokajaja

والله يا اسلام انا زيك بالظبط وعمال ادورلهم على حجه او حاجه تبرئهم لإنى فعلا مكنتش بتعامل الا مع البنزينة دى وفعلا لما سألت حد مصدر ثقة ومتابع موضوع البنزين ده قالى البنزين ممكن يكون جايلهم مخلوط من المورد نتيجة ازمة البنزين بس اللى مش فاهمه مش المورد ده المفروض يكون هو نفس الشركة مبقتش فاهم حاجه ده غير ان استحالة بأى شكل من الأشكال ان عربيتى تعمل كده لوحدها ولما افك الكربرتير اكتشف مية على جوان الكربرتير واقول يمكن غسيل الجيران هو اللى نقط عليه بس انا هجازف عن قريب واروح اجرب تانى علشان اقطع الشك باليقين خصوصا انى بفك الكربرتير بنفسى ومش بروح لحد .. مش عاوز اخسر البنزينة دى جمب شغلى وبيتى ومتأكد انها كانت كويسة

بس غريبه برضه اشمعني المره دي اللي عربيتك حصل فيها كده ؟؟ مع انك بتقول انك بتفول علي طول منها

المشاركة الأصلية كتبت بواسطة ahmed_mido1889

كلمه السر موبيل

انا فولت ليله العيد من موبيل مصر حلوان الزراعي بنزين مضروب

خلي العربيه تشتغل 2 سلندر

والبوجيهات قطعت

والرشاشات اتسدت

ربنا يطمنك

**l0new0lf** · 10-10-2011 11:13 PM

المفروض كنت نزلت التانك كمان و فضيته و نضفته

**ahmed_mido1889** · 10-10-2011 11:16 PM

والله العظيم الموضوع ده حصل

وروحت اتحانقت مع مدير المحطه
بعدها بفتره قولتله انا هشمعها قالي هات التموين بكره وتعالي

قولتله هجيبه وقت ما تتطق في دماغي هجيبهم واجي

**hokajaja** · 10-10-2011 11:17 PM

المشاركة الأصلية كتبت بواسطة l0new0lf

المفروض كنت نزلت التانك كمان و فضيته و نضفته

انت بتقول فيها والله فكرت فى كده بس موال وضياع وقت وقولت ربنا يستر ولما افول على المية اللى فى التانك تظبط الواضح ان المية الحمد لله كانت يدوبك جركن على الخزان ههههه

**hokajaja** · 10-10-2011 11:22 PM

[quote==islam=;3873860072]بس غريبه برضه اشمعني المره دي اللي عربيتك حصل فيها كده ؟؟ مع انك بتقول انك بتفول علي طول منها

علشان ازمة البنزين الموجوده يا باشا الطبيعى بتاع البنزينة دى انهم كويسين بس فى ظل اللى احنا فيه مفيش حد كويس وانا برده فكرت زيك كده وقولت يا واد ما جايز العربيه بتدلع عليك بس لما فكيت الكربرتير لقيت على الجوان مية لا بأه ده بجد ومفيش على فكرة اى تفسير للمية الموجوده على جوان اى كربرتير غير ان البنزين مغشووووووش ولو لقيتلى اى سبب تانى حتى لو ضعيف والله هصدق علشان ابرئهم وبعدين انا عارف ان موبيل فيها مهااااازل ومصايب سودة بس دى مكنتش متخيل انها تكون كده

**Elawany13** · 11-10-2011 12:32 AM

تقريبا كل المحطات بتغش وبتلعب فى العدادات ياعنى غش من كل الجوانب
الاضافات مياه وتينر ونفتالين
وفوق كل ده وده طوابير طويله عريضه
تقف بالساعه على ما يجى دورك وانت وحظك
وتدفع بقشيش زى الباشا
بدل النص جنيه اللى كانوا بيخادوها وبيشكروك عليها
بيطلبوا 2 جنيه على الاقل وبغتتاته منقطعه النظير