ماذا أفعل وأنا أستلمها من المعرض - سيراتو sx 2011

**histfox_2** · 09-10-2011 08:34 AM

السلام عليكم أعضاء المنتدى الكرام.

دفعت حجز سيراتو sx 2011 بالأمس فى معرض المهندس ، وهو موزع معتمد لكيا بالسادس من أكتوبر ، سأقوم باستلام السيارة بإذن الله خلال يومين تقريباً والسؤال هو: مم يجب أن أتأكد أثناء إستلام السيارة ، ماذا أفحص ، وماذا يجب أن أستلم مع السيارة كأوراق أو غيرها.

خبرتى فى مجال السيارات تتلخص فى ثلاث سنوات مع سيارة إكسيل موديل 96 .. لذا أرجو التفصيل فى الإجابة لأن أخوكم بطيخة فى الجديد.

وبجد شكراً للمنتدى ده اللى إتعلمت منه كل حاجة تقريباً ليها علاقة بموضوع العربيات ، ناس كتير ساعدتنى بخبرتها ومعلوماتها هنا وأنا بشترى مستعمل من ثلاث سنوات ، وكمان وأنا باخد قرار شراء الجديد حالياً ..

**احمد المصرى** · 09-10-2011 10:01 AM

الف مليون مبروك وربنا يعطيك خيرها ويكفيك شرها يا رب

**histfox_2** · 09-10-2011 03:35 PM

شكراً أحمد المصرى جزاك الله خيراً ..

متشكر جداً أخ خالد على المعلومة .. أنا هاكتب كل كلامك فى ورقة وأنا رايح .. بخصوص مستويات الزيوت أنا معرفش غير زيت الموتور هوا اللى بقيسه بالمقياس .. زيت الفتيس كنت بشوفه فى البنزينه (خبرة أكسيل قديمة) .. فيه زيوت إيه تانى وأشوفها إزاى؟

يا ريت لو باقى الأعضاء عندهم إضافة يساعدونا برضو ..
إن شاء الله أبقى أعملكم تقرير عن إنطباعى بعد ما أمشى بيها شوية .. أنا أصلاً حاسس إن العربية كبيرة غير إنى مش بسوق أوتوماتيك (هاخد حد معايا يروحهالى) .. الواحد بطنه مقلوبة بجد .. ربنا يستر .. :d: D: D

**tarek_rcc** · 09-10-2011 03:49 PM

ضيف للأخ kmatrex ورق السيارة والافراج الجمركى

**pirlo2000** · 09-10-2011 07:48 PM

انشالله تتهني بيها و تبقي وش الخير عليك

الورق: الافراج الجمركي + شهادة بيانات مختومة من المرور(تقريب اسمها شهادة بيانات هي عامة ورةقة كرتون صغيرة فيها مواصفات السيارة و مختومة من المرور) + ورقة الاستلام من المعرض مختومة

خلي بالك برضه من الرفايع زي وصلة الايبود + ولاعة السجائر + الكوب اللي في الكونسول + الكتالوج + الضمان ..... الخ..... و توكل علي الله...

**histfox_2** · 09-10-2011 11:28 PM

أشكركم جميعاً أيها الأخوة الفضلاء على المساعدة القيمة .. أسأل الله أن يبارك لكم فى سياراتكم ويرزقكم جميعاً بكل خير .. وأن يبارك لى فى هذه السيارة.

**ahmedamir78** · 10-10-2011 11:56 PM

المشاركة الأصلية كتبت بواسطة pirlo2000

انشالله تتهني بيها و تبقي وش الخير عليك

الورق: الافراج الجمركي + شهادة بيانات مختومة من المرور(تقريب اسمها شهادة بيانات هي عامة ورةقة كرتون صغيرة فيها مواصفات السيارة و مختومة من المرور) + ورقة الاستلام من المعرض مختومة

خلي بالك برضه من الرفايع زي وصلة الايبود + ولاعة السجائر + الكوب اللي في الكونسول + الكتالوج + الضمان ..... الخ..... و توكل علي الله...

إيه ده ، هو بييجي معاها الوصلة بتاعة الأيفون أو الأيبود يعني؟؟؟
عشان انا لسة حاجز واحدة اناهرده Ex فيها فتحة أيبود و USB وكده، بس ماكنتش عارف ان ممكن يكون معاها الوصلة دي، فياريت لو تأكدوا علية إذا كان معاها أم لا ؟؟وشكراً جزيلاً

**pirlo2000** · 12-10-2011 01:46 AM

وصلة الايبود لازم تيجي مع العربية (ده بالنسبة للخليجي عشان العبدلله جاب خليجي).... معرفشي الوكيل ايه نظامه..... اسمع انها ب 300+ جنيه في التوكيل

**masterzmind** · 12-10-2011 05:10 PM

الف الف الف مبروووووووك

الموضوع: ماذا أفعل وأنا أستلمها من المعرض - سيراتو sx 2011

LinkBack

أدوات الموضوع

عرض

-

المواضيع المتشابهه

مساعدة.. سيراتو 2011 وكيل او سيراتو 2012 خليجى ( سعودى )

-....||| ميدان التحرير يوم الأربعاء 13-07-2011 ظهراً وأنا مراسلكم من هناك |||....-

ما حدش يشتري سيراتو خليجي 2010 تاني !!! ...سيراتو 2011 نزلت (تقرير مصور)

ماذا أفعل مع eit

ماذا أفعل عند تعليق الكلاكس !!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة