الموضوع: سؤال للخبراء وإلا هاحدف شمال زي عربيتي نيسان

المشاركة الأصلية كتبت بواسطة walidadel

والله يابباشا بص سيب موضوع الكاوتش ده اخر حاجه طالما بتقول عليه جديد
بس انت قولت عمود الشمعدان عايز يتغير و دي حاجه علشان الزوايا من الاساس يعني
فانت تروح لوحد بتاع زوايا متخصص يكشفلك علي الزوايا بتاعة العربيه الاول قبل اي حاجه علشان نشوف محتاجه شمعدان ولا لأ لو مش محتاجه هايعرف يظبطها علي الجهاز و العربيه هاتظبط لو ماعرفش يبقي هايقولك الشمعدان معوج بقي ولا في حاجه مش مظبوطه المهم هو هايتصرف يعني
ياريت تقولنا بتاع الزوايا اللي كشفت عنده فين و لو ممكن اقولك احسن واحد بتاع زوايا حاليا
عندنا واحد هنا معاه عربيه 2011 بدون ذكر اسماء لف علي 12 واحد بتوع زوايا علشان يظبط طارة الدركسيون يخاليها في النص (كلام في سرك بقي علشان الكلام مايتنتورش يعني)
بالنسبه لعلبة الدركسيون تقريبا و الله اعلم في شارع شمبليون في وسط البلد بيعملوا كل الشغل اللي فيها
العربيه بلاش تجيبلها حاجه مش اصلي علشان تحس بحلاوة العربيه و ماتزهقش منها ..... نصيحه يعني

أولا : أشكرك على المشاركة
- هو بالنسبة للشمعدان ده إيه أنا ماعرفش وماعرفش عمله إيه بالضبط ولا هو فين في السيارة (التوكيل هو اللي قالي عليه)
- بالنسبة للزوايا أنا متزوج و بصلح في المنوفيه فأفضل واحد قيل لي عليه كان في شبين الكوم وهو مش كمبيوتر بيصلح بالمسطرة واللمبه، وشكله فاهم فعلا (هو قالي بعد تغيير الطنابير الكاوتشات كانت مقفوله بعض الشيء من الأمام ولكن الزويا زي الفل والطاره مش هاقدر أعملها عشان هي إير باج) أ.هـ
- هو قالي برده على الكاوتشات إنها كده هي اللي فيها مشكلة ..

بناءا على كلامك هذا أنا فعلا كده مضطر لحاجه من اثنين

* أضبط زوايا في التوكيل وأنا لي معرفه هناك ممكن يضبط الطاره في النص هي كمان
أو
* لي زميل في العمل قالي على واحد في شبرا على ما أظن وبيقول انه ولد

فما رأيك دام فضلك ؟؟

المشاركة الأصلية كتبت بواسطة fbiahmed

اولا لو شمعدان بتاع الزوايا هايقولك على كمية العوجه بالزبط و في انهي ناحيه من قراية زاويتي الميل الراسي و الميل الافقي للشمعدان camber و caster و لو فيها زوايا هايزبطهالك من الرجلاش بتاع العلبه بتاع toe يمين و شمال و جرب لو فيها حدفه على طول تبقى من الكاوتش اوكيه

بتاع زوايا كويس اعرفه موجود في مدينة نصر ابعتلي ع الخاص و اقولك عليه

بالنسبة للشمعدان بتاع الزوايا اللي أثق فيه قاللي الزوايا زي الفل والطاره تتظبط بس ما عرفش عشان إير باج، أما الشمعدان وعلبة الدريكسيون والحاجات دي ماجبش سيره لهم

وأشكرك على المشاركة

وأنا كما سألت أخوك وليد على الاختيارين
إما التوكيل أو واحد، واحد زميلي يعرفه في شبرا
وبعد كده بناءا على كلامهم هايكون كاوتش وأمري إلى الله

بس أنا بكرر السؤال ياجماعه ؟؟؟؟؟؟؟؟؟؟؟؟
هل فعلا الكاوتش الياباني مش موجود، ولو فعلا ففي السوق كوري وتركي وأندونيسي وتايلاندي
أيهم أفضل لو كده فعلا ؟!!

أنا نويت على ضبط الزوايا والطارة في التوكيل
فأرجو إنها تتظبط أو يقولو لي المشكلة في إيه بالضبظ

لكن يا جماعة أرجوكم حد يدلني بسأل للمره الثالثة
أي كاوتش أفض لو لم أجد الياباني ؟؟؟؟؟؟؟؟؟؟؟؟

المشاركة الأصلية كتبت بواسطة fbiahmed

اسئل بريدجستون عباس العقاد 0222609115

انت برنس وأنا بشكرك شكر خاص حتى تستغيث
بس لي تعليق، وأرجوك ماتزعلش منه
((ربنا يتوب عليك من التدخين))

المشاركة الأصلية كتبت بواسطة ZALABANY

أنا عندي نفس المشكلة ظبط الزوايا 3 مرات والعربية بتحدف ولما بجيب الكوتش اللي ورا قدام اتجاه الحدفه بيتغير غالبا كاوتش

هو لو الكاوتشات اللي ورا فيها مشكلة ممكن تسبب خلل في الزوايا كده ؟؟
ولو العملية رسيت على كاوتشات يكون إيه أفضل حاجة أجيبها لو لم يوجد ياباني ؟؟