الفيرنا بتسحن بعد تشغيل التكييف

**shtaher2368** · 09-10-2011 04:38 PM

بالأمس كنت فى طريقى للقاهرة من السويس بسيارة والدى الفيرنا وكنا رايحيين نزور مريض فى مستشفى المقاولون العرب المهم طول الطريق ماشي وفاتح التكييف ومفيش أى مشكلة وعداد الحرارة بين النقطتين أول مادخلت زحمة القاهرة وتقريبا عند أشارة سيتى أستارز وأنا واقف بضرب عينى لآقيت العداد مقرب من الأحمر قفلت التكييف العداد رجع فى ثوانى بين النقطتين والكلام كان الساعة تلاتة فى عز الظهر... بالليل وانا راجع والجو كان كويس جدا وماشى ضد الهوا والعربية ماشية كويس من غير تكييف وأول ماأفتح التكييف الحرارة تطلع فى الحال تقفلة يرجع العداد فى ثوانى مكانة ... ياتري حد قابل المشكلة دى وياتري أية حلها ...العربية موديل 2007 وعاملة 40 ألف كيلو فقط لاغير

**loshabih** · 09-10-2011 06:50 PM

ممكن يكون في مشاكل في كهربه العربيه او الكباس عامل حمل كبير اوي علي الموتور

**HOSSAM99** · 09-10-2011 07:21 PM

فيه مشكله في سرعات المروحه (مبتشتغلش علي السرعه التانيه) ممكن تكون مشكله حساس حراره أو المروحه نفسها

**shtaher2368** · 11-10-2011 09:53 PM

ياجماعة الموضوع طلع غطاء الرادياتير أنا فعلا لاحظت أن فى تسريب مياة واضح على زور الرادياتير وفعلا غيرت الغطاء ب 50 جنية من توكيل هيونداى السويس والحمدللة المشكلة أنتهت تماما وجربت العربية والتكييف شغال على 3 مشوار حوالى 30 كيلو والعداد ماتحركش من مكانة والحمدللة حبيت أطمنكم وشكرا لكل الأخوة اللى قالوا أرائهم