أتصدموا براحتكم بقى من أسعار العربيات الفرنسيه لأنها أرخص ماتتخيلوا

بعد ماشوفت موضوع الهيونداى إلى ناويين يغلوا سعرها
حبيت أوريكم الأسعار برة و جوة
برة طبعا مش هنتكلم كتير عشان منتعقدش و محدش يقولى جمارك و ضرايب و كلام من دة
الموضوع كله سرقة فى شعب مش عايز يفهم
برة اللرينو لوجان بـ7500 دولار يعنى × 5.90 جنيه = 44250 جنيه
طيب لو عايز تتصدم تانى أحب أقولك أن الرينو الكوبيه مش فاكرة أسم الموديل بس فى حلقة توب جير
إلى الازاز بتاعها من ورا بلاستيكى دة و كانوا عاملين تيست درايف هوا و أبو شعر أسود الرفيع
بـ5000 دولار × 5.90 جنيه = 29500 جنيه
أقولكم بقى الصدمه الأجمل و الأجمل
دى أسعار البيع و إلى مش مصدق الكلام دة كان فيه برنامج توب جير لما كانوا بيجربوا الرينو الكوبية إلى أزازها عامل زى البلاستيك دى و جربوا يضغطوا عليه هوا ضد الكسر بس تحس أنه طرى و قالوا سعرها للمشترى و قالوا شوية تفاصيل عنها و على فكرة العربيه كشكل كانت تحفة يعنى لو نزلت مصر هنا هتبقى ممكن أعلى من السيدان كمان زى الكيا و دى من الحاجات الكوميديا فى مصر

تحبوا أدورلكم على حاجات تانيه و أصدمكم ؟

طيب و الجمارك

اقتباس:

---

المشاركة الأصلية كتبت بواسطة minicooper20

طيب و الجمارك

---

اللوجان معفية من الجمارك بنسبة 100 % طبقا لاتفاقية اغادير
بتتحمل ضرائب بس 15% + 3 % حاجة معرفهاش

هنا في الإمارات اللوجان اتوماتيك أعلى فئة بأربعين ألف درهم يعني تقريبا 61 ألف جنيه

دي الروماني

المفروض المغربي أقل

والمفروض أسعار الإمارات أغلى كمان لأن العمالة وإيجارات المعارض غالية جدا

وكمان الإمارات بتحصل جمارك 4 %

والسعر ده شامل خدمات ما بعد البيع لمدة 3 سنوات او 100 الف كيلو ايهما اقرب - وطبعا عارفين الفرق بين خدمات مصر والإمارات

يعني بإختصار اللوجان الروماني أعلى فئة من المصنع حوالى 50 ألف جنيه

لو المغربي نفس السعر ومش أقل يبقى المفروض بعد ضريبة المبيعات وضريبة التنمية وتكلفة الخدمات والذي منه توصل 60 ألف جنيه مصري

شوفوا بقى التوكيل بيبيعها على كام

والدليل إن سعر اللوجان قبل وبعد الإعفاء الجمركي ما فرقش غير حاجة بسييييييييطة

يعني الإعفاء الجمركي مدينه هدية للتوكيل

اللوجان المغربى بتتباع فى المغرب بسعر أقل من سعر البيع فى مصر بما يقارب 8000 إلى 10000 جم

الكلام ده كان من على موقع لوجان المغرب من فترة كبيرة.

العضو manola.....على حسب معلوماتى الأسعار اللى بتتقال فى توب جير بتبقى بالأسترلينى مش بالدولار.

الفلواينس بتبتدى فى الإمارات من حوالى 53 الف درهم......يعنى ما يقرب من 85 ألف جم

حط عليهم جمارك بقى و عيش.

http://www.drivearabia.com/ultimatec...2011-2012-/583

و الله البلد دي عمرها ما تتعدل ( غير لما كل واحد يتقي ربنا )

ميرسى على ردودكم جدا و المعلومات الأضافيه
بس أنا متأكدة يا أحمد من موضوع الدولار دة مش الأسترلينى ولسه فاكرة الحلقة بالظبط و كل واحد طلع القطط الفطسانه فيها و بقيت عمالة أضحك بسبب إلى بيعملوه أمال لو جربوا العربيات إلى بتتقفل فى التوكيلات فى مصر هيقولوا عليها أية ؟
لو حد بجد فاكر الحلقة دى يرد علينا

اقتباس:

---

المشاركة الأصلية كتبت بواسطة manola

بعد ماشوفت موضوع الهيونداى إلى ناويين يغلوا سعرها
حبيت أوريكم الأسعار برة و جوة
برة طبعا مش هنتكلم كتير عشان منتعقدش و محدش يقولى جمارك و ضرايب و كلام من دة
الموضوع كله سرقة فى شعب مش عايز يفهم
برة اللرينو لوجان بـ7500 دولار يعنى × 5.90 جنيه = 44250 جنيه
طيب لو عايز تتصدم تانى أحب أقولك أن الرينو الكوبيه مش فاكرة أسم الموديل بس فى حلقة توب جير
إلى الازاز بتاعها من ورا بلاستيكى دة و كانوا عاملين تيست درايف هوا و أبو شعر أسود الرفيع
بـ5000 دولار × 5.90 جنيه = 29500 جنيه
أقولكم بقى الصدمه الأجمل و الأجمل
دى أسعار البيع و إلى مش مصدق الكلام دة كان فيه برنامج توب جير لما كانوا بيجربوا الرينو الكوبية إلى أزازها عامل زى البلاستيك دى و جربوا يضغطوا عليه هوا ضد الكسر بس تحس أنه طرى و قالوا سعرها للمشترى و قالوا شوية تفاصيل عنها و على فكرة العربيه كشكل كانت تحفة يعنى لو نزلت مصر هنا هتبقى ممكن أعلى من السيدان كمان زى الكيا و دى من الحاجات الكوميديا فى مصر

تحبوا أدورلكم على حاجات تانيه و أصدمكم ؟

---

مع حضرتك طبعا خاصة الاسعار برة باليورو حتى اقل بكثير ولاكن ليا تعليق للتوضيح اى سعر بيتقال فى برنامج توب جير بيبقى بالجنية الاسترلينى 1gbp بيعادل 9 جنية مصرى

يعنى سعر السيارة بما يعادل 46.400 جنية مصرى انا عاوز اوضح ان الاودى 2012 ِA1 تباع فى الخارج ب 19.900 يورو بالاضافة ان سعر الجنية فى النازل امام العملات الاجنبية بشكل

عام ودة بالاضافة للسرقة فبيؤدى ان اسعار السيارات فى ازدياد لانة بيحط هامش ربح خاص لية مش بيستورد ويبيعها بنفس السعر بعد الجمارك طبعا و مع تقليل الكماليات حتى ادنى مستوياتها فبيؤدى انة بيكسب اكتر

حضرتك بتتكلمي بس من وجهة نظر السعر
وماجبتيش سيرة الكماليات

اعتقد الرينو الكوبية الي في مصر بزجاج امان او د/ جريش

انا من اسبوع ركبت مع عميل عندي في الشركة فولكس جيتا جايبها من دبي مخصوص عشان الكماليات وكمان بيقولي انه مش جايب اعلي فئة فيها واللهم صلي علي النبي عليها وعلي الكماليات الي فيها الي ابسطها الطارة الي بجد مالتي فانكشنز (بغض النظر عن الطارة الي فيها كلاكس بس عندنا) ولفتيس ال7 غيارات مش 6 بس عندنا والكاسيت الفول تاتش المزود بشريحة sim

احنا بجد غلااااااااااااااااااااااا ابة في مصر جدا

الله المستعان
،
،

برنامج توب جير أسعاره بالأسترليني إلا لو كان بيعمل تجربة في أمريكا
غير كدا أسعاره كلها بالاسترليني و أحيانا بيقول أسعار باليورو لو العربية اللي بيجربها مش بتتباع في أنجلترا .


الحاجة المهمة بقى

العربيات الفرنسية مش رخيصة و لا حاجة
و الرينو اللي بيتباع في مصر مش فرنسي زي الشيفروليه الأوبترا مش أمريكاني

الرينو اللي حضرتك ذكرتيه رينو روماني و متجمع في المغرب و مش بيتباع في فرنسا
العربيات الفرنسية غالية جدا علشان تكلفة التصنيع في فرنسا غالية .

اسعار العربيات في أوروبا تقريبا مشابه لأسعار العربيات في مصر ما عدا العربيات اللي أعلى من 1600 سي سي

الجين 2 بتتباع في مصر ب 90 ألف جنيه أعلى فئة أوتوماتيك و في أنجلترا بتتباع ب 10 الاف أو 11 الف جنيه استرليني و قيسي على كدا عربيات تانية كتيرة زي الهيونداي و الياباني و الأوروبي .

الأهم من كل ده

أن الشعب المصري ملوش عربيات ......... أحنا المفروض نركب عربيات كاروا بحمير ده آخرنا إنما عربيات بمواتير ....نسبها لغيرنا المتحضرين اللي بيسوقوا في حارات و بيقفوا في الاشارات و مش بيركنوا صفوف تانية و تالتة و رابعة و يسدوا الشارع .

ده كويس ان العربيات غالية في مصر ... طيب لو كانت رخيص و كل واحد بقى معاه عربية كنا هانعمل أيه في بعض ؟؟؟
أعذروني على المقطع الآخير و لكن من كتر غُلبي و خنقتي :_Alshmokh08[1]:

لازم يبقى لينا وقفة مع التوكيلات و النصب اللى بتعمل علينا

طيب أية رأيكم فى الصدمه الأجمل بقى
فاكرين أرخص سيارة فى العلم و قالوا سعرها هيكون 2500 دولار و لو نزلت مصر هتكون 25 ألف جنيه و دا خلى واحد زى رضا غازى النصاب كمان يستغل الموقف ويجب توك توك تانى خالص غير أرخص عربيه فى العالم
طلعت ولا بـ2500 دولار ولا بتاع دا السعر بتاع المستهلك إلى كانوا ناويين ينزلوها فى الدول الاوروبيه بيها

دا أعلان رسمى هندى لتاتا نانو بـ60 ألف روبيه هندى
و لما جيت حولتهم للمصرى كانت صدمه بقى لأنهم عملوا 7 ألاف جنيه مصرى هههههههههههههههههه
دا الأعلان عشان تعرفوا أننا مش بجيب كلام من دماغى
http://www.youtube.com/watch?v=5hCnz...eature=related


طبعا أنا مش بتكلم عن أن يكون عندنا عربيه بالسعر دة
بس لو عملنا عربيه ضعفها و كانت أقوى مرتين منها ممكن تعمل 15 ألف جنيه مصرى
بس طبعا فيه ناس مصحلتها أن ميكونش فيه عربيات رخيصه فى البلد عشان التوكيلات و السبوبة


و بالنسبه للرد بتاع الزحمه و الكلام دة مش ذنب الشعب دا سوء تخطيط عمرانى و طرق يعنى شغل الحكومة
شوف خريطة السويد و طرقها و شوف خريطة مصر و الطرق
خريطة السويد خطوط مستقيمة و خريطة مصر عبارة عن شخبطة
و مفيش حد هيمشى بعربيتين فى وقت واحد

العربية التاتا ديه لو جت من الهند وادفع ليها الجمرك هتعمل كام تقريبا؟؟

اقتباس:

---

المشاركة الأصلية كتبت بواسطة MaNoLa

طيب أية رأيكم فى الصدمه الأجمل بقى
فاكرين أرخص سيارة فى العلم و قالوا سعرها هيكون 2500 دولار و لو نزلت مصر هتكون 25 ألف جنيه و دا خلى واحد زى رضا غازى النصاب كمان يستغل الموقف ويجب توك توك تانى خالص غير أرخص عربيه فى العالم
طلعت ولا بـ2500 دولار ولا بتاع دا السعر بتاع المستهلك إلى كانوا ناويين ينزلوها فى الدول الاوروبيه بيها

---

لو سعرها كان هيبقى 2500 دولار فى أوروبا يعنى حوالى 14000 جم
نحط عليهم 55% تقريباً جمارك و ضرايب مبيعات يعنى 21700 جم

لو المكسب فيها 3300 من إجمالى سعر العربية اللى هو 21700 يعنى تقريباً 15%

كتير شوية بس مش كتير قوى.....

بس هو أيه علاقة التاتا بالعربيات الفرنسية ؟ :bounty:

النانو سعرها من مواقع هندية من 150-200 ألف روبية
ال 60000 اللي حضرتك شوفتيهم في الاعلان غالبا مش السعر
انا معرفش هندي بس شكلهم بيقولوا 4 سنين ضمان أو 60000 كيلو

اقتباس:

---

المشاركة الأصلية كتبت بواسطة moshaks

العربية التاتا ديه لو جت من الهند وادفع ليها الجمرك هتعمل كام تقريبا؟؟

---

لأ منصحش طبعا دا الـ127 أفضل منها ههههههههههههههه
على الأقل هتلاقى قطع غيار

اقتباس:

---

المشاركة الأصلية كتبت بواسطة ahmed a.maksoud

لو سعرها كان هيبقى 2500 دولار فى أوروبا يعنى حوالى 14000 جم
نحط عليهم 55% تقريباً جمارك و ضرايب مبيعات يعنى 21700 جم

لو المكسب فيها 3300 من إجمالى سعر العربية اللى هو 21700 يعنى تقريباً 15%

كتير شوية بس مش كتير قوى.....

بس هو أيه علاقة التاتا بالعربيات الفرنسية ؟ :bounty:

---

أهى جت فى دماغى و خلاص مش عارفة بقى الهند دخلت جوة فرنسا أزاى ماعلينا
بس أنا قولتلك بس على النصب إلى بيحصل و على فكرة سعرها إلى كانوا ناويين عليه فى أوروبا 2500 دولار بس طبعا يتهئ لى مدخلتش ولا هتدخل و لو دخلت ممكن تلاقى أطفال إلى راكباها لتعليم السواقة بس
و لو تفتكر برضة فيه توكيل بس ناسياه لما الناس أشتريت العربيات و لقيتها مصديه من جوة بعد فتره و قالوا أصل العباره كانت غرقت برة لو الموقف دة حصل العربيات دى بترجع المصنع تانى دا إذا كان مشاكل فى الوسائد الهوائية شركات كتيرة دفعت غرامات بالهبل رغم أننا فى مصر مش بنهتم حتى بأمان العربية والفرامل بقيت كماليات

اقتباس:

---

المشاركة الأصلية كتبت بواسطة m_elkhishin

النانو سعرها من مواقع هندية من 150-200 ألف روبية
ال 60000 اللي حضرتك شوفتيهم في الاعلان غالبا مش السعر
انا معرفش هندي بس شكلهم بيقولوا 4 سنين ضمان أو 60000 كيلو

---

ممكن برضة بس 60 ألف كيلو أية دى لو مشيت 10 الاف كيلو هيتغيرلها كل حاجة دا الماروتى مع واحد قريبنا من أول كام مشوار كان بيعمل صيانة و بيغير حاجات فيها

الأخت مانولا
أنا مش بتكلم عن تخطيط طرق

أحنا عندنا الطرق السريعة مش وحشة

أنا بتكلم عن سلوكيات ناس مش تخطيط

و مينفعش تقارني السويد اللي القاهرة عدد سكانها مثلها ثلاثة مرات ) بدولة كبيرة زي مصر في المساحة و عدد السكان .


و أسعار العربيات مش بالضرورة رخصها يكون حاجة حلوة للبلد
و مفيش عربية على فكرة جديدة بتتباع في أوروبا بأقل من 60 ألف جنيه مصري ( بما يعادل يعني )

لازم كل حاجة تندرس كويس

اليابان مش بيعطوا ترخيص سيارة إلا إذا وفر طالب الترخيص مكان دائم لركن السيارة (يتم تطبيق القانون ده في طوكيو )

ملاحظتي لأسعار السيارات في الخارج

لقيت ان سعر السيارة واحد او بيختلف حاجة بسيطة مع اختلاف ما يكتب بعده سواء ستيرليني او يورو او دولار

اقتباس:

---

المشاركة الأصلية كتبت بواسطة tutankhamoun

برنامج توب جير أسعاره بالأسترليني إلا لو كان بيعمل تجربة في أمريكا
غير كدا أسعاره كلها بالاسترليني و أحيانا بيقول أسعار باليورو لو العربية اللي بيجربها مش بتتباع في أنجلترا .


الحاجة المهمة بقى

العربيات الفرنسية مش رخيصة و لا حاجة
و الرينو اللي بيتباع في مصر مش فرنسي زي الشيفروليه الأوبترا مش أمريكاني

الرينو اللي حضرتك ذكرتيه رينو روماني و متجمع في المغرب و مش بيتباع في فرنسا
العربيات الفرنسية غالية جدا علشان تكلفة التصنيع في فرنسا غالية .

اسعار العربيات في أوروبا تقريبا مشابه لأسعار العربيات في مصر ما عدا العربيات اللي أعلى من 1600 سي سي

الجين 2 بتتباع في مصر ب 90 ألف جنيه أعلى فئة أوتوماتيك و في أنجلترا بتتباع ب 10 الاف أو 11 الف جنيه استرليني و قيسي على كدا عربيات تانية كتيرة زي الهيونداي و الياباني و الأوروبي .

الأهم من كل ده

أن الشعب المصري ملوش عربيات ......... أحنا المفروض نركب عربيات كاروا بحمير ده آخرنا إنما عربيات بمواتير ....نسبها لغيرنا المتحضرين اللي بيسوقوا في حارات و بيقفوا في الاشارات و مش بيركنوا صفوف تانية و تالتة و رابعة و يسدوا الشارع .

ده كويس ان العربيات غالية في مصر ... طيب لو كانت رخيص و كل واحد بقى معاه عربية كنا هانعمل أيه في بعض ؟؟؟
أعذروني على المقطع الآخير و لكن من كتر غُلبي و خنقتي :_Alshmokh08[1]:

---

1111111111111111+:x1[1]:

علي فكره اللوجان الي بتنزل في الخليج فيه منها مانيوال و اوتوماتك استب ترونك
اعلى فئه نازله في السعوديه استب ترونك ب 36 الف ريال و روماني
اما اقل فئه ب 26 الف ريال مانيوال و تكيف و باور

اما تقيسو علي الي بتيجي مصر من غير جمارك بردو هتلاقو ان فيه حاجه مش مفهومه


احنا الشوارع بتاعتنا اشتكت خلاص من قله الصيانه اذا فيه صيانه اصلا
انهارده علي الدائري 4 حوادث في الحته بين الجيزه و كرنيش المعادي !! امال بقيه الطريق فيه ايه !!!

مفيش فايدة

ياجماعه موضوع جمارك اللوجان ده عامل تخفيض فى تمن العربيه بس مش كتير يعنى حاجه بسيطه
والباقى فى جيب التوكيل
اصل برده مش مقتنع ان العربيه تتباع فى مصر بتمن اللادا
حظهم حلو بقى بتوع التوكيل

معلش مقدرتش أرد على كل الناس بس أنا جايه أحرق دمكم تانى بس الرد إلى جاى عشان هجمعلكم كام سعر عربيه مستعمله من بره حاجة تجيب شلل فى الأطراف الخمسه :arab:

اقتباس:

---

المشاركة الأصلية كتبت بواسطة tutankhamoun

الأخت مانولا
أنا مش بتكلم عن تخطيط طرق

أحنا عندنا الطرق السريعة مش وحشة

أنا بتكلم عن سلوكيات ناس مش تخطيط

و مينفعش تقارني السويد اللي القاهرة عدد سكانها مثلها ثلاثة مرات ) بدولة كبيرة زي مصر في المساحة و عدد السكان .


و أسعار العربيات مش بالضرورة رخصها يكون حاجة حلوة للبلد
و مفيش عربية على فكرة جديدة بتتباع في أوروبا بأقل من 60 ألف جنيه مصري ( بما يعادل يعني )

لازم كل حاجة تندرس كويس

اليابان مش بيعطوا ترخيص سيارة إلا إذا وفر طالب الترخيص مكان دائم لركن السيارة (يتم تطبيق القانون ده في طوكيو )

---

سبحان الله يا توت عنخ أمون هوا المفروض الدول الكبيرة إلى تبقى منظمة و أخده راحتها أكتر و لا الدول الصغيره !؟ هتقولى عدد السكان هقولك بص على الخريطة إلى كلها صفرا و مفيش غير فتله معديه فى النص يعنى دولة زى السويد دى بنت أمبارح زى مابيقولوا منظمة و متظبطة و أحنا بقالنا 7000 سنه مش عارفين نعمل حاجة !!؟ طب دا أنت حتى أسمك فرعونى يا راجل
و بالنسبه لأوروبا أنا مقولتش أن النانو دى دخلت فيها لأن دى صعبه و واسعة أوى محدش هيسيب اللوجان إلى تعتبر أقل حاجة عندهم و يبص لدى
و بالنسبه لموضوع الجراج دة ماهو أكيد أى عمارة هيكون فيها جراج و مش مطلوب منه يعنى يشترى لكل عربيه محل زى عندنا جراج هتبقى صعبه أوى فأكيد بيلجأ لجراجات الحكومة والأدوار إلى بتحط عربيتك جوة حاجة كدة و بتطلع منها و هيا بتترفع و بتمشى على سير و تتحط فى رقم مش دة برضة شغل حكومة و بتاخد عليه فلوس برضة ؟ بس فى مصر هنا الحكومة مكانتش عايزة تعمل الحاجات دى كلها عشان الشعب دة ميتعودش أنه يرتاح بعد كدة وميرسى على الكومنت بتاعك و المعلومه الجديدة بتاعة اليابان
بس برضة كل حاجة متوقفة فى أيد الحكومة بالنسبه للمواضيع دى و متقوليش دى فى أيد الشعب لان الشعب مش هيهرب طرق يعنى أو هتلاقى واحد بيقول أتبرعوا من أجل بناء طريق جديد أو جراج أدوار

اقتباس:

---

المشاركة الأصلية كتبت بواسطة saadelden

علي فكره اللوجان الي بتنزل في الخليج فيه منها مانيوال و اوتوماتك استب ترونك
اعلى فئه نازله في السعوديه استب ترونك ب 36 الف ريال و روماني
اما اقل فئه ب 26 الف ريال مانيوال و تكيف و باور

اما تقيسو علي الي بتيجي مصر من غير جمارك بردو هتلاقو ان فيه حاجه مش مفهومه


احنا الشوارع بتاعتنا اشتكت خلاص من قله الصيانه اذا فيه صيانه اصلا
انهارده علي الدائري 4 حوادث في الحته بين الجيزه و كرنيش المعادي !! امال بقيه الطريق فيه ايه !!!

---

أة دا غير أن الكماليات فى مصر أساسيات فى أى دولة فى العالم
دا ساعات بيزلونا عشان العربيه فيها فرامل و أيرباج و زجاج كهربا
لدرجة أننا قبل كدة كنت بقرأ الجرنان و لقيت أعلانات مكتوب فيها كاسيت مجانا مع السيارة حسيت أن الكاسيت دة مثلا ماتور ولا حاجة

اقتباس:

---

المشاركة الأصلية كتبت بواسطة MOUSTAFA_SAAD

ياجماعه موضوع جمارك اللوجان ده عامل تخفيض فى تمن العربيه بس مش كتير يعنى حاجه بسيطه
والباقى فى جيب التوكيل
اصل برده مش مقتنع ان العربيه تتباع فى مصر بتمن اللادا
حظهم حلو بقى بتوع التوكيل

---

و متقتنعش ليه يعنى هوا دة مش التكلفة بتاعتها و هيا أساسا بالسعر دة ولا هما هيعطفوا على الشعب دة مثلا ماهو دة حق أى مواطن مصرى زيه زى أى مواطن فى أى دولة محترمه أو حتى لو دولة غير محترمة بس بتعامل شعبها بأحترام

حضرتك بتتكلمي في وادي و أنا بتكلم في وادي تاني

محدش أختلف أن الحكومة لها دور أساسي في ضبط و تنفيذ القوانين على الجميع في الشوارع
بس أنا بتكلم عن سلوكيات و حضرتك بتتكلمي في تخطيط .

السلوكيات السيئة اللي الشعب بيفتكرها حاجة صحيحة و لا يصح غير الصحيح

أن الخطوط اللي في الشارع دي زينة و لا يجوز السير عليها (خطيئة كبرى )
أن السرعة يجب أن تتعدى 120 لكل الطرق في مصر و اللي يتجرأ يمشي على سرعة 80 أو 90 تبقى أمه داعية عليه لأن السواقين مش هاتسيبوا في حاله و هاتك يا غرز يمين و شمال و هاتك يا كلاكسات و تزنيق لمجرد أنه ماشي منضبط .
الناس اللي بتركن صف تاني و تالت في مدينة زي مدينة 6 أكتوبر لسبب واحد ووحيد و أن الباشا مش عايز يركن 100 بعيد عن المحل علشان مش عايز يمشي !
الناس اللي بترمي من شباك العربية (سجاير - كانز - علب عصير - أكياس شيبسي .... الخ )

=========
نرجع للموضوع بتاعك
في أنجلترا تقريبا أسعار العربيات متقاربة جدا من مصر و هي العربية جديدة
الفرق في المستعمل

المستعمل هناك رخيص مش غالي
و لكن أقتناء سيارة غالي جدا
طيب هاتقولي ازاي ............ أنت مجنون ؟ أزاي العربية رخيصة و أقتناء سيارة غالي ؟
أنا هاقولك يا ستي :

مثال صغير
عربية بونتو موديل 2004 .... تقريبا ثمنها هايكون حوالي ألف جنيه أسترليني

تأمين أجباري (مع شركة تأمين ) حسب نوع العربية و حسب تاريخ السواق و سنه و نوعه
يعني لو سواق كبير في السن و أنثى و تاريخه أبيض (مفيش مطالبات مع شركات تأمين )
تأمينه بيبقى رخيص نسبيا و ممكن يوصل لحوالي 500 جنيه أسترليني في السنة
ضرائب السيارة (علشان دي عربية صغيرة ) ضرائبها قليلة ...... حوالي 150 جنيه أسترليني في السنة .
بالاضافة طبعا لثمن البنزين المرتفع جدا اللي تقريبا ثمنه واحد و نصف أسترليني
و كمان أماكن الركن (الحكومة ملهاش دعوة بأماكن الركن )
مفيش حاجة أسمها ركن في الشارع إلا للشوارع المخصصة لكدا و دي قليلة جدا في المدن الكبيرة يعني لازم تركني في مركن مُخصص للركن و ده غالي جدا يعني ممكن تركني طول اليوم في مكان ركن بحوالي 15 أو 20 جنيه أسترليني (و ده مبلغ كبير هناك )
بالاضافة طبعا لمصاريف دخول المدن الكبيرة (بوابات لتحصيل مصاريف دخول ) زي لندن كدا .

العربيات في مصر أرخص بكتير
لأن هاتحسب ده قصاد ده علشان تعرف أيهما أرخص .


علشان كدا الناس هناك أغلبها بيبقى عنده عربية صغيرة للمشاوير (السوبر ماركت و الفسح )
و الشغل بيروح بالمترو أو بالأوتوبيس .

في سويسرا بيشجعوا الناس ما يشتروش عربيات (مع أن الناس هناك غنية جدا و تقدر تتحمل مصاريف العربية ) و لكن عندهم البيئة و الخضرة من الأشياء المهمة اللي يجب الحفاظ عليها (هنا بنقطع الشجر و العيار تحرق فيه في الشتا علشان تدفى في قعدة حشيش حلوة بالليل )

أنا مع قرارات رفع أسعار السيارات و تفعيل بجدية المواصلات العامة خصوصا القطارات و الأوتوبيسات العامة و الترام .

بالنسبة لدولة السويد
اللي أعرفه أن السويدين شعب ميال جدا للنظام
و احنا العكس (أحنا من أشد أعداء النظام و الأنتظام و بنموت في الهرجلة و عايشين في الطراوة )

=========
أما مسئولية الحكومة و الفساد المستشري فده معلهوش أختلاف نهائي

وصلنا لمرحله شلل الست أطراف مع السيارات المستعمله بره

و على فكرة دى ماركات متنوعة جدا يعنى محدش و النبى يقولى لأ أصل دة منتج الدولة و كمان لو تركزوا يعنى مشوفناش العربيات الكحيانه إلى ماشيه فى مصر زى اللادا و الفيات الموديلات القديمه و طبعا محدش هيقدر يسأل هيا العربيات دى بتكييف ولا لأ و التكييف مشحون ولا لأ لأنها تكون جاهزة من كل حاجة و كل الكماليات , و طبعا دى بالنسبه ليهم موديلات قديمه لكن أسعار موديلات مافوق الـ2004 هتكون أغلى من كدة لأ و الأجمل أن كل حاجة أنا مظبطاها فى الرد دة بحيث أن كل واحد يرد عليا يقولى أية إلى بيجرالنا دة و الحكومة شايفة شعبنا دة عبارة عن اية

مش أنتوا كنتوا مستغربين من أننا بقول عربيه بألفين و نص دولار و الكلام دة !!؟
خدوا بقــــــــــى الأسعـــــــار دى

بالصلى على النبى دى شوية سيارات مستعمله من بره من هنـــــــــــــا او من هنــــــــا
الهوندا سيفيك Ex 1993 سيدان و أربع أبواب بسعر 500 دولار
شيفروليه كرسيدا موديل 1996 ب400 دولار
تويوتا باسيو أول مرة أسمع عنها أساسا موديل 1992 و بسعر 650 دولار
دودج نيون جريت السبور 2 باب موديل 1996 بـ700 دولار
أولديس موبيل موديل 1999 إلى أحنا لحد دلوقتى فرحانين بموديلات السبعينات بسعر 800 دولار
Plymouth الفان موديل 1997 إلى يعتبر فيها كل حاجة من الأبرة للصاروخ بسعر 900 جنيه
فورد أكسبلورار موديل 1993 بكام بقى !؟ بـ900 دولار
تويوتا كامرى موديل 1996 بسعر 950 دولار

طيب ماتيجى نعلى شوية كدة و ندخل على الألف دولار !
بونتياك Grand Am green 4 Door Sedan بسعر 1200 دولار
شيفروليه Cavalier موديل 1997 بسعر 1200 دولار
نيسان Pathfinder 4 Door SUV موديل 1997 بسعر 1400 دولار
فورد موستنج موديل 1991 بـ1500 دولار
خد عندك الهيونداى سوناتا موديل 2001 بسعر 1500 دولار
لو لسه متصدمتش خد الكمارو المعدله بالكامل دى موديل 1987 بـ1500 دولار
فورد 1998 Explorer بسعر 1500 دولار
دودج Durango 4 Door SUV موديل 200 بسعر 1500 دولار
جيب جراند شيروكى موديل 1996 بسعر 1600 دولار
شيفروليه سيلفارادو موديل 1999 بسعر 1700 دولار
أوعى حد يشتم لأن الكرايسلر الـTown & Country موديل 1998 بسعر 1400 دولار

طيب ماتيجى نعلى أكتر و نسيب شوية العربيات المعفنه دى إلى اكبر عربيه فيهم متكملش 10 ألاف جنيه دول إلى يا دوب يجيبوا فيات 127 هنا
نشوف الحاجات الفخمه برضة إلى تليق بمقام المصريين

كيا سيراتو مستعمله بـ120.000 جنيه مصرى
دوجان بسعر 30 ألف جنيه مصرى
كرولا 2007 بسعر 75 ألف جنيه مصرى

أية رأيكم فى المقارنه بقى ؟ مش دى الحاجات العاديه برة إلى سعرها مزادش عن 10 ألاف جنيه مصرى و دى برضة الحاجات الفخمه للمصريين إلى سعر الواحدة منهم يجيب السطور إلى فوق دى كلها

اقتباس:

---

المشاركة الأصلية كتبت بواسطة tutankhamoun

حضرتك بتتكلمي في وادي و أنا بتكلم في وادي تاني

محدش أختلف أن الحكومة لها دور أساسي في ضبط و تنفيذ القوانين على الجميع في الشوارع
بس أنا بتكلم عن سلوكيات و حضرتك بتتكلمي في تخطيط .

السلوكيات السيئة اللي الشعب بيفتكرها حاجة صحيحة و لا يصح غير الصحيح

أن الخطوط اللي في الشارع دي زينة و لا يجوز السير عليها (خطيئة كبرى )
أن السرعة يجب أن تتعدى 120 لكل الطرق في مصر و اللي يتجرأ يمشي على سرعة 80 أو 90 تبقى أمه داعية عليه لأن السواقين مش هاتسيبوا في حاله و هاتك يا غرز يمين و شمال و هاتك يا كلاكسات و تزنيق لمجرد أنه ماشي منضبط .
الناس اللي بتركن صف تاني و تالت في مدينة زي مدينة 6 أكتوبر لسبب واحد ووحيد و أن الباشا مش عايز يركن 100 بعيد عن المحل علشان مش عايز يمشي !
الناس اللي بترمي من شباك العربية (سجاير - كانز - علب عصير - أكياس شيبسي .... الخ )

=========
نرجع للموضوع بتاعك
في أنجلترا تقريبا أسعار العربيات متقاربة جدا من مصر و هي العربية جديدة
الفرق في المستعمل

المستعمل هناك رخيص مش غالي
و لكن أقتناء سيارة غالي جدا
طيب هاتقولي ازاي ............ أنت مجنون ؟ أزاي العربية رخيصة و أقتناء سيارة غالي ؟
أنا هاقولك يا ستي :

مثال صغير
عربية بونتو موديل 2004 .... تقريبا ثمنها هايكون حوالي ألف جنيه أسترليني

تأمين أجباري (مع شركة تأمين ) حسب نوع العربية و حسب تاريخ السواق و سنه و نوعه
يعني لو سواق كبير في السن و أنثى و تاريخه أبيض (مفيش مطالبات مع شركات تأمين )
تأمينه بيبقى رخيص نسبيا و ممكن يوصل لحوالي 500 جنيه أسترليني في السنة
ضرائب السيارة (علشان دي عربية صغيرة ) ضرائبها قليلة ...... حوالي 150 جنيه أسترليني في السنة .
بالاضافة طبعا لثمن البنزين المرتفع جدا اللي تقريبا ثمنه واحد و نصف أسترليني
و كمان أماكن الركن (الحكومة ملهاش دعوة بأماكن الركن )
مفيش حاجة أسمها ركن في الشارع إلا للشوارع المخصصة لكدا و دي قليلة جدا في المدن الكبيرة يعني لازم تركني في مركن مُخصص للركن و ده غالي جدا يعني ممكن تركني طول اليوم في مكان ركن بحوالي 15 أو 20 جنيه أسترليني (و ده مبلغ كبير هناك )
بالاضافة طبعا لمصاريف دخول المدن الكبيرة (بوابات لتحصيل مصاريف دخول ) زي لندن كدا .

العربيات في مصر أرخص بكتير
لأن هاتحسب ده قصاد ده علشان تعرف أيهما أرخص .


علشان كدا الناس هناك أغلبها بيبقى عنده عربية صغيرة للمشاوير (السوبر ماركت و الفسح )
و الشغل بيروح بالمترو أو بالأوتوبيس .

في سويسرا بيشجعوا الناس ما يشتروش عربيات (مع أن الناس هناك غنية جدا و تقدر تتحمل مصاريف العربية ) و لكن عندهم البيئة و الخضرة من الأشياء المهمة اللي يجب الحفاظ عليها (هنا بنقطع الشجر و العيار تحرق فيه في الشتا علشان تدفى في قعدة حشيش حلوة بالليل )

أنا مع قرارات رفع أسعار السيارات و تفعيل بجدية المواصلات العامة خصوصا القطارات و الأوتوبيسات العامة و الترام .

بالنسبة لدولة السويد
اللي أعرفه أن السويدين شعب ميال جدا للنظام
و احنا العكس (أحنا من أشد أعداء النظام و الأنتظام و بنموت في الهرجلة و عايشين في الطراوة )

=========
أما مسئولية الحكومة و الفساد المستشري فده معلهوش أختلاف نهائي

---

معاك فى كل كلمة قولتها بس على فكرة بالنسبه للجديد و المستعمل لأن الرد إلى فات هتلاقينى ممكن أكون أتكلمت عن كدة فى المستعمل
بس عايزة أقولك برضة أن المرتبات هناك عاليه جدا جدا جدا لدرجة مبالغ فيها
يعنى موضوع التأمين و الكلام دة مش هيأثر بالدرجة إلى أنت متخيلها
بس مشكلة المصرى إلى بيسافر برة بيبقى عامل حسابة أنه مش مقيم و دا بيخليه يحاول يحوش أكتر قرش يوصله و دا إلى بيدخل فى دماغنا أن العيشه بره صعبه لكن لو جربت تكون مقيم بره و يا دوب بتدخر فلوس ليك فى المكان دة هتعرف أن الحياة منعنشه بره ههههههههههههههههههههه
بالنسبه للبنزين بقى و دا الأهم فى الليلة دى كلها لو تركز أن الديزل أرخص مليون مرة من البنزين بره و دلوقتى إلى بيحب يشترى عربيه كبيره بيشتريها ديزل من بنزين عشان يوفر الموضوع دة كله زى الشيفروليه بليزر كدة
فهمت بقى وجهة نظرى !؟

اقتباس:

---

المشاركة الأصلية كتبت بواسطة manola

معاك فى كل كلمة قولتها بس على فكرة بالنسبه للجديد و المستعمل لأن الرد إلى فات هتلاقينى ممكن أكون أتكلمت عن كدة فى المستعمل
بس عايزة أقولك برضة أن المرتبات هناك عاليه جدا جدا جدا لدرجة مبالغ فيها

مين قال كدا ؟؟؟؟

يعنى موضوع التأمين و الكلام دة مش هيأثر بالدرجة إلى أنت متخيلها

أنا مش متخيل أنا مجرب
بس مشكلة المصرى إلى بيسافر برة بيبقى عامل حسابة أنه مش مقيم و دا بيخليه يحاول يحوش أكتر قرش يوصله و دا إلى بيدخل فى دماغنا أن العيشه بره صعبه لكن لو جربت تكون مقيم بره و يا دوب بتدخر فلوس ليك فى المكان دة هتعرف أن الحياة منعنشه بره
ههههههههههههههههههههه

أنا كنت عايش في أنجلترا !!!!!

بالنسبه للبنزين بقى و دا الأهم فى الليلة دى كلها لو تركز أن الديزل أرخص مليون مرة من البنزين بره
البنزين و أنا أخر مرة كنت هناك
لتر البنزين كان 95 بنس ....... و الديزل كان 91 بنس
أرخص مليون مرة فين ؟؟؟؟؟
اللي بيهيألنا أنهم أغنياء و العيشة هناك مننعنشة أنهم نظاف و شوارعهم نظيفة
إنما العيشة هناك صعبة جدا لكل الناس (90 % منهم ) بس هما نظاف و مش باين عليهم الفقر لأسباب كتيرة
مش بيخلفوا كتير و بالتالي تلاقيه بيصرف على نفسه بس و كمان بيتجوزوا متأخر و بالتالي مش بيشيل الهم بدري


و دلوقتى إلى بيحب يشترى عربيه كبيره بيشتريها ديزل من بنزين عشان يوفر الموضوع دة كله زى الشيفروليه بليزر كدة
فهمت بقى وجهة نظرى !؟

---

العربيات الكبيرة هناك المستعمل منها ببلاش تقريبا و محدش بيشتريها علشان
أسعار الضرائب
أسعار التأمين الاجباري
أسعار الوقود
صعوبة قيادتها لضيق الطرق هناك (أنا بتكلم عن أنجلترا )

و أدي يا ستي أسعار البنزين و الديزل النهاردة في أنجلترا
الديزل أغلى من البنزين
http://i55.tinypic.com/9u2gxx.jpg

على فكرة الأسعار بالبنس و الجنيه الاسترليني فيه 100 بنس
يعني لتر البنزين 130 بنس و الديزل 135 بنس (تقريبا علشان الأسعار هناك بتختلف من محطة لمحطة لأنهم بيدفعوا ثمن البنزين الفعلي و مش مدعم زي هنا )


=========================

اقتباس:

---

المشاركة الأصلية كتبت بواسطة tutankhamoun

على فكرة الأسعار بالبنس و الجنيه الاسترليني فيه 100 بنس
يعني لتر البنزين 130 بنس و الديزل 135 بنس (تقريبا علشان الأسعار هناك بتختلف من محطة لمحطة لأنهم بيدفعوا ثمن البنزين الفعلي و مش مدعم زي هنا )


=========================

---

استاذ توت
انا معجب جدا بتفكريك و ارائك

بس سعات بحسك اشتراكى شويه فى الميول :)))

اقتباس:

---

المشاركة الأصلية كتبت بواسطة tameraast

استاذ توت
انا معجب جدا بتفكريك و ارائك

ده شرف عطيم يا أستاذ تامر


بس سعات بحسك اشتراكى شويه فى الميول :)))

---

بس ايه اللي بيخليك تحس كدا
ده أنا من أكتر كارهي الأشتراكية ؟؟
و من مُشجعي الرأسمالية بدرجة معينة و لكن لغاية 95 %

يبقى أزاي أشتراكي ؟

اقتباس:

---

المشاركة الأصلية كتبت بواسطة tutankhamoun

بس ايه اللي بيخليك تحس كدا
ده أنا من أكتر كارهي الأشتراكية ؟؟
و من مُشجعي الرأسمالية بدرجة معينة و لكن لغاية 95 %

يبقى أزاي أشتراكي ؟

---

يبقى لخبطت معاىا انا راس مالى قلبا و قالبا :)

اقتباس:

---

المشاركة الأصلية كتبت بواسطة tutankhamoun

العربيات الكبيرة هناك المستعمل منها ببلاش تقريبا و محدش بيشتريها علشان
أسعار الضرائب
أسعار التأمين الاجباري
أسعار الوقود
صعوبة قيادتها لضيق الطرق هناك (أنا بتكلم عن أنجلترا )

---

أنا مش عارفة أنجلترا أوى أية نظامها بس على ماأظن كندا و رومانيا الأسعار فيها فل و كان فيه موضوع واحد بيقول أن صاحبه شغال فى بنك و قال أسمة و محاسب و مرتبة 15 ألف يورو يبقى أزاى مرتباتهم مش كويسة :arab: هدورلك على الموضوع لو عايزة
هنا أغلب خريجين تجارة شغالين أية !؟
و كمان المواضيع إلى أنا جيبتها بالأسعار دى من ولايات فى أمريكا على ماأظن

اقتباس:

---

المشاركة الأصلية كتبت بواسطة tameraast

استاذ توت
انا معجب جدا بتفكريك و ارائك

بس سعات بحسك اشتراكى شويه فى الميول :)))

---

إلى عاجبنى فيه أسمه و صورتة الرمزيه و توقيعة :ilikeit:



و هوا يعنى أية أشتراكى و رأس مالى معلش عشان نسيتهم بسبب الدراسة بتاعة أحفظى عشان تمتحنى دى يمكن أطلع حاجة معاكم فى الأتنين دول

هنروح بعيد ليه يا جماعة خلينا فى السعوديه إلى جمبنا برضة مفيش عندها أنتاج سيارات مستقل بالرغم من المحاولات فى غزال و الكلام دة بس يتهئ لى غزال دى لسه متمش عمل خط أنتاج ليها كامل و بيعها
شيفروليه أمبالا موديل 2002 بـ7 ألاف ريال سعودى
بورش كايين موديل 2008 بـ32 ألف ريال سعودى

تنبيه بمخالفة القاعدة رقم 6 بند أ
ممنوع إستخدام اللون الأحمر حيث أنه مخصص للمداخلات الإدارية
الرجاء مراجعة قوانين المنتدى
مشرف عام 3

اسعار تحرق الدم على اللى احنا فيه

اقتباس:

---

المشاركة الأصلية كتبت بواسطة MaNoLa

شيفروليه أمبالا موديل 2002 بـ7 ألاف ريال سعودى
بورش كايين موديل 2008 بـ32 ألف ريال سعودى

---

طيب ما هو ده العادى يا فندم بالنسبة للشيفروليه........بس البورش كايين أشك ان فيها مشكلة أو لسه عليها أقساط..........سعرها فى الإمارات مستعمل حوالى 160 ألف درهم هـــــنــــــــــــا

و لسه واحد صاحبى جايب هامر من 10 أيام.....النسخة ال 5 سلندر مش ال 8 موديل 2007 كاملة ب 65 ألف درهم

جولف جى تى أى موديل 3 أو 4 سنين فاتو فى حدود ال 50 إلى 60 ألف درهم

كل ده عادى......بس احنا فى مصر عندنا الجمارك للعربيات اللى فوق ال 1600 سى سى بتوصل ل 200% من تمن العربية الأصلى..........يعنى بفرض عربية زيرو فى الإمارات ب 100 ألف درهم بيتاخد عليها جمارك تقريباً حوالى 320 ألف جم..........دى جمارك بس......لسه سعر العربية نفسه حوالى 160 ألف كمان يعنى تقف بحوالى 480 ألف جم على الأقل.

بس هو الموضوع مش كان على الفرنساوى ؟

الكورولا هنا ال 1600 سى سى بتتباع أبتداء من 62 ألف درهم إلى 67 ألف درهم

الفليوانس من 53 ألف درهم إلى 64 ألف درهم......1600 برضه.

نركز بقى مع سعر أعلى فئة فى الأتنين....
كورولا 67 ألف درهم و فليوانس 64 ألف درهم
فى مصر بكام ؟
كورولا 167 ألف جم
فليوانس 150 ألف جم

يعنى فرق 3 ألاف درهم يعنى 5 ألاف جم بين سعر الأتنين فى الإمارات
و فى مصر الفرق 17 ألف جم.

و فروق الكماليات مش عنيفة قوى عن اللى بينزل مصر لو وجدت أصلاً.
أنا معايا ميجان 2007 أعلى فئة هنا....و مش فارقة حاجة عن أعلى فئة فى الميجان اللى بتتباع فى مصر.

القصة كلها فى مصر فى الجمارك........مش فى التوكيل فى أغلب الأحوال
التوكيلات اللى هنا بتكسب برضه زيها زى مصر إن مكنش أكتر.

رومانيا أيه يا فندم ... رومانيا دولة فقيرة و أفقر مننا بس هما عددهم صغير .

كندا وضع مختلف
و بعدين حضرتك الأول كنتي بتتكلمي عن أنجلترا و بعدين رجعتي قلتي كندا و رومانيا

أنا يا أتي الفاضلة هاقولك على بعض المرتبات هناك (أنجلترا )
مرتب محاسب لسة متخرج و شغال في بنك (بيقبض بالسنة في العقد ) حوالي 18000 أسترليني و بيزيد مع الوقت و ممكن يوصل ل 35 ألف أسترليني لما يكون خبرة .

جراح بيقبض حوالي من 40 إلى 50 ألف أسترليني ( و بيدفع مبالغ رهيبة تأمين علشان العمليات اللي بيعملها و ده تأمين أجباري )

طبيب أسنان دخله برضه في نفس الحدود

الفئات دي فئات قليلة جدا في المجتمع

جزء كبير من فئات المجتمع في أوروبا و أمريكا و كندا
بيأخدوا حاجة أسمها الدخل الأساسي اللي هو بيكون حوالي 6 أسترليني أو 6 دولار
دول بقى الناس اللي بتشتغل في الآتي
المطاعم - الشوارع - محلات البيع - الكاشيرات . الفنادق ........... الخ

نيجي بقى للناس اللي في النص
ممرضات بتقبض حوالي من 13 إلى 25 ألف في السنة


المهم بيت القصيد
أن الناس هناك مش بتقبض فلوس كتيرة زي ما أنتي متصورة و نسبة البطالة و نسبة الفقر موجودة عندهم و ناس تعبانة فعلا .
أحنا بس اللي باصين للكام سايح اللي بيدخلوا البلد (و أغلبهم برضه متوسط الدخل ) لأن الرحلة لمصر مش بتكلفوا أكتر من 400 جنيه أٍسترليني (علشان الجنيه بتاعهم له قيمة )

بالنسبة لدول الخليج .... مقارنتنا مع دول الخليج لا تجوز أطلاقا
لا هما زينا في عدد السكان ........ و لا أحنا زيهم في توفر البنزين ........ و لا أحنا عندنا نظام زيهم و لا عندهم ضرايب زينا
قارني مصر بدولة مشابه في الظروف (وجود ضرائب - البنزين سلعة متوفرة لكنها ليست مياه - عدد سكان مُقارب )
يبقى نتقارن بأنجلترا ...... المغرب مثلا - فرنسا - الجزائر - كندا أو أمريكا مثلا .

دول الخليج معنهومش مشكلة مرور إلا الامارات .
يبقى الحل مش في العربية الرخيصة ..... الحل زي السويد و سويسرا في مواصلات عامة محترمة توصل لكل مكان علشان الناس ما تحتجش عربية أصلا

عدد عربيات أقل = محروقات بترولية أقل - بيئة أنظف - شوارع أهدى و أسرع - الطرق هاتبقى مريحة للركن و القيادة عليها .

مش لازم نتساوى بحد .... بنشوف ظروفنا الأول تسمح بالشئ ده و لا لاءة

مناقشة جميلة الواحد مستمتع بيها وخصوصا الاستاذ توت والاستاذة منولا
وفعلا العرببيات في اوربا وخصوصا المستعملة رخيصة جدا لكن تكاليف امتلاكها غالية جدا والوقود غالي جدل عكس امريكا الي فيها العربيات والوقود سعرهم رخيص جدا زي الخليج.
مصر طبعا حالة مختلفة علشان الجمالرك بس هانت كلها 7 سنين.

سبع سنسين .........
ابقى قابلنى