الموضوع: صيانة العشرين ومشلكة التكيف والرتاتير و الكهرباء

السلام عليكم

اولا انا معايا نيسان صني مانوال 2011 abs

بعد ما قمت بعمل صيانة الالف لم اجد اي مشاكل ولكن عند ال 3000 وجد تعليق بسيط في الار بي ام على 2 وحدثت كذا مرة ولكن كان يعلق شوية و يقفل

بعد ما قمت بعمل صيانة العشرة الالف ذات التعليق والمؤشر لا يتحرك لاسفل غير لما افصل السيارة

وعند ال 16 الف كيلو مرة واحدة وانا ماشي بالعربية اصبح الجو حر جداً ببص على التكييف لاقته مش شغال غير على سرعة 4 بس ( لو عملته على 1,2,3 مافيش مروحة ولا برودة )

روحت مركز السبع قبل العيد بيومين قابلتالمهندس / محمد غالي عمالي طلب شراء بلاور تكيف و ضفيرة كهرباء

وكل ما اتصل بيهم في المركز يقولوا ان في تاخير في الطلبات ولما هيجوا هنتصل بيك كل ما اتصل بيهم يقولولي الاسبوع اللي جاي ويقولوا اصل الضفيرة احنا كنا بتستوردها ياباني ونركبها قطع غيار دلوقتي باقينا ناخدهما مصري من المصنع فلسه شوية لما تيجي اصل عليها طلب كبير بعد اكتر من شهر محدش اتصل وكنت زهقت قولت الاسبوع اللي جاي هتصل بنيسان واعمل شكوى ولكن

يوم الاتنين اللي فات وانا راجع من الشغل افاجي ان كمبيوتر العربية بينور ومرة واحدة لاقت مؤشر الحرارة على الاخر والعربية بدأت تقطع والماتور ابتداء يفصل روحت راكن على جنب

وقولت ابص اشوف اللي حصل لاقت خرطوم الرتاتير اللي رابط الماتور بالرتاتير واقع تحت العربية

روحت استنيت لما العربية بردة وركبته وزوتها مياه عادية وكلمتهم وحدد معاد تاني يوم

وانا رايحلهم حصل نفس الموقف تاني ركبته تاني بس المراتي كنت عامل حسابي وجايب معايا ازايز مياه كتير وكل شوية كنت اقف وابص على الرتاتير وازوده مياه زي ما اكون جايب عربية 128 قديمة

روحت طالع على مركز السبع وهناك طلب اقابل المهندس / محمد غالي ويشوفلي المشاكل دي كلها

قالي الرتاتير هعملك عليه "افيس" وازوتها مياه خضراء و التكيف موجود وهغيرهولك

والضفيرة العربية هتعقد مش اقل من ساعتين علشان اكشف عليها ولو هتتغير هنقولك
بعد كده قالي احنا ظبطنا الكمبوتر بتاع العربية ظبطنا شوية حاجات والضفيرة مش هتعلق تاني ولو علقت يبقى دي مشكلة ضفيرة وهنغيرها
والحمد لله لغاية جلوقتي ما علقتش

وعلمت صاينة العشرين

رجعتلهم على الساعة 2 لاقته خالصها وحاسبني على 10 جنية "افيس" و 55 مياه ما ان دي مفروض انها تكون جوه الضمان لانه عيب من المصنع مش كفاية البهدلة اللي حصلت

قالي دي مكونات وماقادرش اعمل حاجة قولتله مش مشلكة والحمد لله انها جد على قد كده ودفعت تمن صاينة العشرين تقرياً وصلت القيمة ل 650 جنية

بس انا حاسس ان استهلاك البنزين زاد انا عملت بيها 356 كم واخدت 56 لتر

كده الاستهلاك كويس ولا عالى

اولا انا بشكر المهندس/ محمد غالي جداً وعلى اهتمامهم بالعربية واهتمهم اللي زاد اكتر بالعميل
ومركز السبع كان بقالهم فترة بيظبطوا فيه وعملوا نظام صيانة اكسبريس لصيانات الدورية يدخل على طول
واللي عندهم مشاكل ومش حاجزين بيتاخروا شوية

وعملوا كافية اسمه cinnzeo واخدت كوبون خصم ب 15 جنية

بس اسعاره زي كوستا وسلنترو وبينوس

معرفش ليه عاملين كافية هو انا هاجي باصدقائي نتفسح عندهم يعني ولا اية
..........

---------------------
ممنوع الكتابة باللون الاحمر .. لانه مخصص للمداخلات الادارية
يرجى مراجعة قواعد وقوانين المنتدى

مشرف القسم
1ب