فاكرين انهم بيسمعو الميت القرآن
عرض للطباعة
فاكرين انهم بيسمعو الميت القرآن
والله انا مش ببالغ
الناس كانو بيحطوا صوابعهم في ودانهم
وناس كانت سادة ودانها بالمناديل
وناس قامت مشيت في نص القراءة
...
احنا كدة....... مبالغين في افراحنا واتراحنا ... مش بس مبالغين ....... متطرفين
كويس انت حضرتك يا حج احمد فتحت الموضوع ....
لأن انا لي تعليق على طريقة قراءة القرآن نفسها عند القراء
اولا فيه كلمات او جمل ضمن بعض الآيات بيقعدوا يكرروها كتير و ساعات يزود كلمة ولا كلمتين و بعدين يرجع يكرر
بالنسبة لموضوع القراءة بصوت هادئ و مرة واحدة تلاقي المقرئ على صوته مرة واحدة مش عارف ليه
بيقفوا كتير
دي تعليقاتي على طريقة القراءة في العزاء
مش عارف مالها طريقة القراءة الهادية زي ما بنسمعها في الكومبيوتر او في الراديو بتحببك في سماع القرآن
ربنا يهدينا أجمعين
عشان كدة بحب القاعات بتاعة القوات المسلحة والقاعات المغلقة الجيدة التجهيز .. برغم إعتراضي أساسا على إسلوب العزاء بهذا الشكل الذي ليس له أصل
حتى التجويد له أصول وقواعد وأغلبهم يعلمها ولكنهم لا يلتزمون بها ... وأغلبهم يعلم بحرمانية ما يفعل ولكنهم لا يرتدعون ... ومعظمهم أصبح عبيدا للمال وفقط تجد المقرئ الواحد يطلب ما يزيد على الألف جنيه في الليلة الواحدة وبحد أدنى اربعمائة جنيه "وياريته بيقرا عدل"
فكرتوني بموقف حصل مع خال مراتي كان في عزاء وكان برده الشيخ من اللي بيعلو ويوطو صوتهم ويقرب ويبعد وينفعل ويتوغل وكان بيقرا صورة يوسف وجه عند الأيه: اذهبو بقميصي هذا
وعمال يشاور بصباعه بقدام والعزاء كان في الريف وطبعا عمال يكرر الأيه قام الراجل اللي فاعد في وشه قايله دي جلابيه ياعم الشيخ