انا عايز نصيحة في تغيير نور السيارة عشان ضعيف اوي ؟
عرض للطباعة
انا عايز نصيحة في تغيير نور السيارة عشان ضعيف اوي ؟
انا عندي عربية سيريون 2009 و عايز اعرف احسن حاجو نور واطي و عالي عشان معنديش مكان للفوج و النور عندي وحش اوي.......... و هو ده بيركب ازاي ؟
ممكن حضرتك تشوف لمبات فيلبس او اوسرام اعقد هتكون افضل
ضعف الاضاءه ليه اكثر من سبب ممكن يكون توجيه الاضاءه مش مظبوط ومحتاج اعادة توجيه وممكن بتركيب كتاوت النور يزيد قوته بنسبة 40% وممكن تغير لمبات وتجيب اي نوع تفضله ممكن تجيب واط اعلى او فيليبس او زينون زي ماتحب فيفضل انك تروح لكهربائي الاول ويكشف على العربيه وممكن يبدا معاك الخطوات دي خطوه بخطوه لحد ماتوصل للنتيجه المطلوبه
احسن حاجه لمبات اوسرام نورها تحفة جدا
يليها لمبات فليبس اكستريم باور 55\60 وات
ولو عايز نور محصلش هات فيلبس رالي بس ده هيحتاج كتاوت اضافي
ولا انصح شخصيا بتغيير في الكهرباء بتاعة العربية
حضرتك في مكان في الاكصدام للفوجات لان عربيتي سيريون برضه ومفيش سيريون نزلت بدون
فوجات او طبة سوداء مكانها وليها مكان زرار في التابلوه وموجود في التوكيل وموجود عن الاسلاميه في وسط البلد
هو اللمبات اللي نازلة مع العربية ممكن تكون عندك ضعفت او الكشاف محتاج تنظيف او حد لعب في مسامير ضبط توجيه الكشاف او اتفك الكشاف واتركب غلط
لان ده اول مرة اسمع ان حد بيشتكي من اضاءة السيريون
تقبل مرروري وتحياتي من قسم الديهاتسو سيريون
طب يا جماعة اسعار الحاجات دي ايه ؟ و دي عالي و واطي ولا ايه ؟
الاسعار في حدود 110 للفليبس
اوسرام اغلي شويه بس مش كتير
الرالي في حدود 100 جنيه
اللمبه اسمها h4 وده بتبقي عالي وواطي
اذيك با
</B>potter2006
انتا كنت سالتنى فى الصفحة بتاعت اسعار الزينون
http://www.nilemotors.net/Nile/241153-a-7.html
بص يابشا
نصحتى لو عايز تقوى الاضاءة وتكون تمام تعمل الاتى
1 تشترى كتاوت نور((نوعها اسمة *الطيب* صناعة تركى مع لمبات نرفا 200/260 المانى اصلى )) وشوف واحد كهربائى يوصل الليله دى مع بعضها وهتحسن بفرق جامد جدا جدا
اما لو عايز تختصر اديها زينون بوش عالى وواطى او عالى زينون وواطى اصفر عادى والى يريحك
وواحد من الى اتنين هيختصرولك بدل متوجع دماغك .....
ولو محتاج اى استفسار ابعتلى على الخاص