الباب كان أتخبط عندي و استعدل علي البارد ومن بعدها لما بمسح العربية او اسند علي الباب بلاقي الباب بيلب معايا ؟؟؟؟ ايه السبب وإية الحل
عرض للطباعة
الباب كان أتخبط عندي و استعدل علي البارد ومن بعدها لما بمسح العربية او اسند علي الباب بلاقي الباب بيلب معايا ؟؟؟؟ ايه السبب وإية الحل
علشان الخبطه بتعمل تمدد فى الصاج ولما بيترد بيضعف ولما بيتسمكر على السخن بياخد حموات بالاكسجين فى الاماكن الضعيفه علشان يلم التمدد اللى حصل من الخبطه وميلبش
ان شاء الله لما تنوى ترش كله بيتصلح ويبقى زى الفل ان شاء الله وربنا يعوض عليك
يعني هتتصلح إزاى ؟؟؟
و تتعالج أزاى في الوقت الحالي
??????????????????????
علشان يتصلح عايز يتسمكر على السخن بس هتضطر ترش الباب على الاقل لو اللون عادى والجنب كله لو ميتالك علشان ميفرقش اللون وبالتوفيق ان شاء الله
شكرا يا أستاذ إبراهيم علي الإهتمام و جزاك الله خيراً
العفو ياباشا ده واجب علينا وجزاكم ايضاً خيراً ويارب اكون افادتك وبالتوفيق
الله ينور عليك يا استاذ ابراهيم
بعد اذن صاحب الموضوع
لو فى خدوش فى اللون الميتالك فى اكتر من مكان
بس كلها حتت صغيره ينفع تترش ولا لازم العربيه كلها طبعا مشكلة لانى العربيه لم ترش من قبل
والمشكلة انا نقره فى السقف -وخبطة فى احد الابواب وتقريبا كل رفرف واخد له بوسه اقصد خربشه
ومش عايز ارش --- فينفع اللون الميتالك يتلقط
العربيه لادا ولونها الازق السماوى الميتالك