ارجو الرد من خبراء الالنترا
انا معايا النترا 2006 لما جبتها من شهر 6 كنت بقعد من اسبوعين ل ثلاثة بدون تزويد مياه وبعدين ممكن ازود حاجة بسيطة بعد كده
مره غسلت دورة المياه عند واحد غبى ده اقل وصف ليه و الغبى ركب الخرطوم فى الراديتير بعد الغسيل و نسى يربط جامد الافيز بتاع الخرطوم المهم بعدها الخرطوم فك منى على الدائرى وانا مش دريان وفجاة الموشر وصل للاخر روحت مبطل على طول وسبتها تهدى وزودت مياه و ربطت الخرطوم كويس وروحت العاشر من رمضان ورجعت كمان من العاشر روحت للميكانيكى بتاعى قالى متخفش العربية مجبتش جوان لان لو جابت جوان اول لما افتح الراديتر هيطرطش مياه وكمان الزيت مطحنش يعنى مفيش مياه على زيت وماشى بيها لغاية دلوقتى
بس فيه مشكلة كل يومين او يوم ازود مياه حاجة بتاعة كوبين مياه حاجة تقرف طبعا ده السيينا كانت معايا قبلها مكنتش بتعمل كده خالص
روحت لبتاع راديتر قالى مفيش خرطوم مخروم او حاجة و راح لحم كام خرم فى الراديتر وقالى هتبقى تمام
وبردو بزود ميه كل يوم او يوم بعد يوم
وحاجة كمان عايز اقولها مهمة الموشر بتاع الحرارة صحيح هو تحت النصف بحاجة بسيطة اوى بس مش زى مااشترتها خالص مش عارف اعمل ايه
هل ده جوان وش سلندر بس يقعد معايا شهرين كده والعربية ماشية ولا ايه بالضبط ؟
ارجوكم عايز حل اوحد يوصف لى مركز متخصص يحل المشكلة دى مع انى من عشاق الالنترا بس تقريبا هبدا اكرها
واسف على الاطالة و لكم جزيل الشكر