ازيك يا جماعه
انا دي اول مشاركه لي في المنتدي ويا ريت مش تكسفوني
اولا الي عرفني علي المنتدي واحد كنت واقف معايا وانا بعمل كهربة العربيه وقالي انا لما بيكون عندي مشكله بعرضها في المنتدي هنا وفي ناس كتيره محترمه بتحاول تحلها معايا وان شاء الله يطلع كلامه صح
مشكلة بدأت من اسبوع بظبط
انا معايا سكودا فليشيا 95 عربيه جميله جدا والحمد لله سنتين ونص العربيه بجد جميله او يمكن عشان دي اول عربيه ليه بالنسبالي عربيه كويسه بتستحملني شوية ومش بتحرك بيها كتير
العربيه اشتريتها كانت سقفها فبريكا وباقي الاجزاء رشه نظافه زي ما بتقولو المهم اشتريت العربيه عن طريق واحد كنت بعتبره زي اخويا الكبير كلمته ثقه بالنسبالي والعلاقه بيني وبينه فوق 20 سنه هو اكبر مني في السن
المهم روحنا لواحد تاجر صحبه وبيتعامل معاه بليل واتفرجنا علي العربيه وقبل ما اروح قالي انا اتفرجت علي العربيه العصر سليمه 100 % بس رشة بره نظافه بس وسقفها فبريكا قولتله يعني خلاص قالي الراجل عايز 28 الف وانت خلي فلوسك معاك واصبر شوية ننزل من سعرها قولت مفيش مشكله وصلنا الراجل اتفرجت علي العربيه من بره كانت حالة الدهان كويسه جدا السقف فبريكا فعلا الصالون حالته كويسه جدا فسألته علي الماتور قالي ممتاز المهم دخلنا شربنا الشاي المعتاد وقعدنا عرفني علي الراجل وعرف الراجل بيه وقاله ده قريبي وعايز العربيه الفليشيا الي بره قاله عيني وشوية كلام كده المهم قعد معاه شوية ووصلت العربيه 25 الف دفعنا 20 الف وقال 5 عند التسجيل قولتله اوك مفيش مشاكل
روحنا سجلنا وخلصنا والعربيه معايا تمام وزي الفل سحب ومشي وبهدله
بداية رحلة الكفاح
غيرت اول حاجه الكبالن كان في واحد بيتكتك(شريها كده)
غيرت الفتيس كان بينقط زيت بعد لما لحمته بردو (شريها كده)
وسكت علي كده فتره طويله اكتر من سنه او اتنين وبعدها بدأت اغير قطع الغيار الي هي عمرها الافتراضي انتهي طبعا من استعمالي
من اسبوع بظبط كنت ماشي في امان الله وطريق سريع وانا ماشي برحتي60-80مع ان يوميا في نفس الطريق بمشي 120-130 المهم واحد بتاع تاكسي شاهين وقف قدامي فجأه وانا بظبط الصوت بتاع الكاست وحظي جت في حته كان فيها شوية تراب دوست فرامل وخبطه نزلت من العربيه وسواق التاكسي نازل وقبل ما يتكلم وانا عارف ان البلد زبادي في الخلاط قولتله حساب تصليح عربيتك عندي ولو في حاجه خزنة انا مستعد اتحمل الخساره الي هتخسرها في البيع المهم جت سليمه وطبعا الشاهين عليه فانا اخبطه بالشبكه وكلبس الاكصدام الشمال فك بس انا بقئ عربيتي ولي الهوي بس هو الفانوس الشمال والشبكه وتخزينه في الصدر والكبوت مخزن شوية المهم روحت لواحد يعملها فتح العربيه وقالي خلاص مش تحمل هم هظبط العربيه ظبط العربيه وهو بيظبط العربيه ببص لقيت في معجون في الحته الي عند الفانوس اليمين اتجننت بكمل بص وره لقيت ان بعدها في معجون في الحته الي عمله زي البطيخه الي بيكون فيها المساعد قولت للسمكري متشوفلي الحتت الي مرشوشه في الحوض قالي ان الحتتين دول والناحيه التانيه الي عند القربه بردو مرشوشه بس دي عشان برومه قولت كده تمام وزي الفل بص يا باشمهندس علي الشنطه فك الفرش لاول مره في تاريخها معايا بصينا لقينا بردو الحته الي شبة البطيخه الي فوق العجل مرشوشه بس عشان برومه النحيتين طبعا بدات علامات العصبيه تظهر واتخنقت من العربيه وبعديها قالي في حتت فيها برومه في الحوض من النحيتين عند البطريه والحته الي قصدها قولت بس كده كملت
طيب انا سالت علي سعر العربيه كده سمعت ارقام جميل الي قالي 20 الف والي قالي 23 الف
جينا لسؤال الحلقه ...... امسك العربيه انضفها كلها اطلع الماتور واعمل البرومه واظبطها واخليها معايا 3-4 سنين ولي وابيع ولو بعت 25 الف اشتري بيهم ايه!!!
انا اسف ان انا طولت عليكم بس بجد انا من ساعتها وانا :_Alshmokh08[1]: زي الحاج ده بظبط