بص يا سيدى
انا من كام يوم حلمت حلم غريب ( بجد و الله )
خير اللهم اجعله خير
::::: انا واقف فى شارع طويل عريض ..... مستنى ايه مش عارف ؟؟؟
ركن جنبى موتوسيكل ( جاوا ) ........ بصيت لصاحبه و قلتله تبيع قالى ماشى
بكام يا عم ؟؟؟ قالى بـ 2800 جنيه ....... قلتله لأ انا ح ادفع 2500 جنيه بس
قالى موافق و اديتله الفلوس و مشى
.
.
المهم ..... ركبت الموتوسيكل ( الجاوا ) و أنا فرحان بالصفقة دى
لقيت رجلى ( ركبى ) طالعة من قدام و عدت الفانوس كمان
طبعا انا خفت احسن رجلى تتخبط خاصة ( الركب )
و انت عارف ان انا عندى رباط صليبى مخوفنى من ركوب الموتوسيكلات
فا قررت انى امشى بالراحة .....
بدور على دراع البنزين مش لاقيه و مع ذللك الموتوسيكل فضل ماشى
و الشارع كان فاضى قوى بس فى اخره ظهرت عربية نص نقل حمرا
حاولت انى افاديها معرفتش ....... قمت مكلبش فى الفرامل الامامية
برضه فضل ماشى بيا ......... قمت دايس فرامل امامية و خلفية كمان لحد ما وقف
بعد كده حبيت اشوف اخر سرعته ايه ؟؟؟؟؟
و دورت على البنزين منين لحد ما عرفت ازود بنزين
زودت بنزين ع الاخر و برضه الموتوسيكل كان ماشى بطئ و العداد ما بيتحركش
هو بس كان عامل صوت عالى ( عننننننننننننننن ) من غير ما يجرى
و فجأة لقيت شقة دور ارضى ..... و انا عاملها مكتب ليا ( مش عارف مكتب ايه ؟؟؟ )
المهم ركنت الموتوسيكل فى الشقة جوة و جالى ابن البواب بتاع العمارة
و بص على الموتوسيكل ( الجاوا ) و قعد يضحك ....!!!!!!!!!!
قالى يا باشا انت ايه اللى ركبك الموتوسيكل ده ؟؟؟؟
ده ما خلاص راحت عليه و دلوقتى بيشيلو عليه انابيب و لبن بس
قلتله طيب اركب ايه يعنى ؟؟؟
قالى انت ما يليقش عليك يا باشا غير ( الدايون )
قلتله بكام الدايون ده ......... قالى بـ 2800 جنيه
قلت ماشى ...... خد ( الجاوا ) ده و بيعه و هاتلى واحد ( دايون ) يليق بيا
.
.
.
و بس ........
:::::::::::::::::::: قولى بقى يا فكيك يالى بتجاوب على كل الأسئلة :::::::::::::::::::::
1 - ليه انا حلمت بـ ( جاوا ) و محلمتش بـ ( ريس أو كاستم ) ؟؟؟؟
2 - هو نوع البايك بيختلف فى الحلم مابين حلم بايكر عنده خبرة و تانى معندوش ؟؟؟
3 - هل الـ 2500 جنيه اللى دفعتهم مناسبين للجاوا و لا اضحك عليا ؟؟؟
4 - الجاوا فى الحلم ما كانش عليه نمر ....... هل كده يعتبر ( إفراج ) ؟؟؟
5 - هل الأحلام بتكون بالألوان ولا أبيض و اسود ؟؟؟
6 - ليه الموتوسيكل كان ماشى من غير ما ادوس بنزين ؟؟؟
7 - ليه الموتوسيكل ما وقفش لما دوست فرامل أمامية ؟؟؟
8 - ليه الموتوسيكل ما كانش بيجرى مع انى كنت دايس بنزين ع الأخر ؟؟؟
9 - مين أحسن كأداء و برستيج الجاوا ولا الدايون ؟؟؟
10 - انت بتحبنى ولا بتكرهنى ؟؟؟
11 - انت ليه بتضحك دلوقتى ؟؟؟
12 - ليه إنت شرير ؟؟؟
13 - طيب لو انت مش شرير .... ليه ناوى تكتب اجابات تخلى الناس تضحك عليا ؟؟؟
14 - أعلى سرعة بالبايك إنت جبتها فى الحلم كانت كام ؟؟؟
15 - عمرك حلمت ببايك غير الهوندا ؟؟؟
16 - طيب ليه انا أحلم بجاوا و انت تحلم بريس ؟؟؟
17 - انت عارف انت بتكلم مين ؟؟؟
18 - انت ليه بتشتم دلوقتى ؟؟؟
19 - لو انا ماكنتش لابس سيفتى فى الحلم و حصلت حادثة ايه اللى ممكن يجرالى ؟؟؟
.
.
.
جاوب بقى يا حلو و ورينى عبقريتك
تحياتى
برازيلى