هل تُقلل استهلاك سيارتك بسبب البنزين

**OlaOsman** · 17-05-2008 01:17 PM

المشاركة الأصلية كتبت بواسطة karim_monir

انا غيرت طريقة سواقتي فقط
ومابقتش احرق على البنزين او اشد وقللت استهلاك التكييف للحد الادني

كلها أقل من شهرين و هانشوف مين اللي هايصمد في رطوبة شهر 7 و 8 و ما يشغلش التكييف

**elpasha009** · 17-05-2008 01:18 PM

المشاركة الأصلية كتبت بواسطة karim_monir

انا غيرت طريقة سواقتي فقط
ومابقتش احرق على البنزين او اشد وقللت استهلاك التكييف للحد الادني

نفس اللي عملته بالظبط وجاب نتيجة كويسه يعني توفير 20% تقريبا.

**Akram** · 17-05-2008 01:30 PM

انا بحاول اقلل من استخدام العربية و مش أي مشوار آخدها و كمان اتفقت مع واحد زميلي و ساكن جنبي اننا نروح مرة بعربيتي و مرة بعربيته ,
لكن مش عارف الموضوع ممكن يستمر لإمتى , يعني الواحد دلوقتي مستغلي البنزين لكن بعد شوية ممكن نتعود على ارتفاع السعر ده و نرجع لعادتنا في السواقة .....

**P_R_I_N_C_E** · 17-05-2008 05:01 PM

المشاركة الأصلية كتبت بواسطة karim_monir

انا غيرت طريقة سواقتي فقط
ومابقتش احرق على البنزين او اشد وقللت استهلاك التكييف للحد الادني

+111111111

**volcano12** · 17-05-2008 05:20 PM

عشان مقدرش اني استغنى عن التكيف والحر ووجع الدماغ ....
حازم خضر ربنا يخليه قالي إن ينفع بنزين ٨٠ مع الإكسيل ف بكدة أبقى وفرت فلوس كتير أكتر من الأول وكمان أعرف أمشي عادي بتكيف فالحر.... وموضوع تغيير العربية إتشال من دماغي عشان أن بحب ألف بالعربية كتير أوي !!!! سواء مشاوير أو حتى لف بيها بعتبره فسحة!!

دنا أخر مرة مفول ب-٥٠ جنيه ماشي بيهم ١٦٠ كيلو بس !!!

**BomBom** · 17-05-2008 05:39 PM

كلها أقل من شهرين و هانشوف مين اللي هايصمد في رطوبة شهر 7 و 8 و ما يشغلش التكييف

+100000000000000

**MoToRiZeR** · 17-05-2008 06:38 PM

انا شايف ان التغيير ده مؤقت .. يعني كمان شوية اما تبقي الأسعار دي "أسعار عادية"و اتعودنا عليها مش "السعر الجديد" .. كله هيحرق و يعمل مشاوير ملهاش لازمة عادي

**دموع الثلج** · 17-05-2008 10:21 PM

التغير ده وقتى بس لحد ما نتعوووووووود على الاسعار الجديده

وبعدها يبقى الموضوع عادى ومتعودين عليه بس المشكله بئه مش فى سعر البنزين

الكارثه فى الزياده والزحمه اللى هنشوفها بالصيف وخصوصا من السياح والطلبه بعد الامتحانات والمدارس انا حاسه ان القاهره هتنفجر فى شهر 7 و8 و9 واللى هيروح مشوار هيكره نفسه من الزحمه ومش هيقدر يستغنى عن التكيف طبعا

**Ghamrawy** · 17-05-2008 11:02 PM

على رأى عبلة كامل
نسيت تاكل ؟ نسيت تشرب ؟؟؟
مش ممكن طبعا لان الواحد بينزل للضروريات اساسا فاقلل ايه اكتر من كده و كمان علشان اركب تاكسى يبقى حابات فى القسم علشان ممكن اعور سواق التاكسى و مش حاركب ميكروباص لحد ما الناس تعرف تستحمى ازاى و ازاى تغسل هدومها و للاسف عربية ب سى سى صغير مش نافعة و الا حتتاكل و حتلاقى امة لا اله الا الله بتكسر عليك و تديك على قفاك .
الحل هو الهجرة للوادى الجديد و الواحد يجيب جمل و لا حتى حمار و اهوه لما يجوع ياكله