الموضوع: يا جماعه أنا شفت النهارده منظر بشع ... من كتر الغل اللي جوايا حبيت أقوله

حسبنا الله ونعم الوكيل
من لا يرحم لا يرحم

للاسف الانواع القذرة دى موجود منها كتيير فى البلد و ده بسبب ان الدين فى حتة و المعاملات الانسانية فى حتة تانية و مرة امام الجامع عندنا قال ما معناه ان كل مخلوق عنده كبد حرام تعذيبه و التمثيل بيه و و لا يجوز قتله الا لدرء خطر مؤكد و محقق الوقوع و طبعا الراجل ده ربنا مش حايسيبه فى الدنيا و لا فى الاخرة و انا عن نفسى لو كنت شفته كنت ربطه فى العربية و سحلته .
عارفين المشكلة اللى كانت بينا و بين استراليا بسبب الخرفان ؟؟؟ استراليا منعت تصدير الخرفان لمصر بسبب ان الخرفان بتتعامل معاملة غير انسانية و لكن تم حل الموضوع اخيرا يمكن من اسبوع كده و ذلك بعد اعطاء الحكومة المصرية ضمانات كافية للحكومة الاسترالية .

المشاركة الأصلية كتبت بواسطة Nader

بغض النظر عن واقعة قتل الكلاب بالطريقة البشعة دي

الا اني مخنوق جداً من انعكاس الفكر الغربي بصورة بشعة

جداً علينا كعالم ثالث.


بيخلونا ننشغل بحقوق الحيوان ويمولوا جمعيات للرفق بالحيوان

ورعايتة.


احنا عندنا الكلاب اللي هما بيدافعوا عنهم دول بيشاركوا الناس

الفقراء والمشردين صناديق ومقالب الزبالة في الاكل، والله وبلا

مبالغة شوفتها مرة بعيني!!


احنا شعوب تحت خط الفقر ومتخلفين عن الدول المتقدمة بما لا يقل

عن 50 .... دة طبقاً لحسابات الغرب لكن في نظري اننا ما زلنا

في العصر الجليدي بالنسبة لهم ولكن عندما بس غطا سوليفان

متغلفين بة لنداري واقعنا المرير.


يعني الناس اللي بياكلوا من الزبالة وبياخدوا لقمتهم "الفاسدة في الغالب"

من بين انياب كلاب السكك مش اولى ان الجمعيات اللي بنتفشخر بيها دي

تهتم بهم وتوفر لهم عنابر حتى زي اللي بيوفرها للكلاب الضالة؟؟!!


احنا بالنسبة للغرب Inferior race والكلاب اهم مننا!!

وهما استطاعوا بطريقة غير مباشرة باجبارنا على التفكير بنفس

اسلوبهم ودة ظاهر عند عدد كبير من زوي الثقافات الاجنبية.



الناس دلوقتي ممكن يرموا لقمة عيش لكلب او قطة ... انما هيفكر

مليون مرة قبل ما يرميها لبني ادم نايم تحت الكبري.


الناس ممكن يصعب عليهم قطة صغيرة وشكلها حلو فيخدوها ويربوها

انما لو شافوا طفل صفير هيدولة بالجزمة ... دة جربان!!

انا معاك في الكلام ده ,
الناس بقت بتقرف من أطفال في الشوارع و كأنهم جربانين (آسف للفظ ده) ,
بس حقيق ببقى مش عارف أعملهم إيه ,
نفسي الواحد يساعده بس مش بشوية فكة , لكن لو فيه جمعية لأطفال الشوارع الواحد يروحلها و يشوف يقدر يساعدهم إزاي ,
انا عارف ان الموضوع اتحول من الكلاب الضالة الي الأطفال الضالة .....

المشاركة الأصلية كتبت بواسطة karim_monir

عن ابو هريرة رضي الله عنة قال
قال رسول الله صلى الله علية وسلم
ان امرأة دخلت النار في هرة ربطتها فلم تطعمها ولم تدعها تأكل من خشاش الأرض
مستوعبين
قطة دخلت انسان النار
فما بالكم بالانسان ده عقابة ايه

تسلم يا كريم علي الرد الوافي

بجد انسان منه لله