السيراتو اتسرقت ورجعت مدمره ( صور )

**wael ahmed** · 10-10-2011 08:26 PM

السلام عليكم

اولا الحمد لله على كل شئ ... اخويا امبارح كان مسافر القاهره وعند كافتيريا فى طريق المنصوره بنها بالتحديد فى بلد اسمها اجا نازل يشترى حاجات وكان لوحده ... موتسكيل دخل على الكافتيريا راكب عليه 3 معاهم آلى خدوا الفلوس اللى موجوده وخدو العربيه منه وجريوا اتنين ركبوا العربيه وواحد على الموتوسكيل ... اخويا كلمنى ومش عارف يعمل ايه انا كنت فى القاهره .. نزلت مش عارف انا رايح فين شويه ولقيت تليفون غريب بيكلمنى ( عسكرى من المباحث) لقوا العربيه مخبوطه الحمد لله ... بس العيال ولاد التيت سرقوا عربيه تانيه ( مرسيدس موديل حديث على حد كلام العسكرى ) صاحبها نزل يشوف الناس اللى جوا العربيه بمبدأ حسن النيه اللى محدش عمره يتوقع ان العربيه تكون مسروقه لكن نقول ايه بس ... طلعوا عليه سبتوه وخدوا عربيته ....

المهم رحت انا والدى القسم والعربيه باظت خالص الحمد لله ولسه هنستلمها بكره بعد النيابه دلوقتى مش عارف اعمل ايه اليكم الصور :---

دلوقتى العربيه باسم والدى وعليها اقساط وشاريها من اباظه متأمن عليها مع شركه اسمها (المصريه للتأمين التكافلى ) تبع اباظه ووالدى الحمد لله كان لسه دافع القسط والتأمين بس الرخصه هتنتهى كمان 10 ايام ..

اودى العربيه التوكيل علشان انا شايف العربيه محتاجه نص كده ولا اعمل ايه علشان بجد محتار العربيه لسه مكملتش سنه وماشيه 15 الف ... فياريت تنصحونى اعمل ايه والدنيا هتمشى ازاى ؟؟؟؟ علشان انا منمتش من امبارح وجاى من القاهره على اعصابى والله .. بس الحمد لله على كل شئ ....

فياريت اى حد يقدر ينصحنى بحاجه ميبخلش عليا يا رجاله علشان انا كلمت واحد من التأمين قالى انت تودى العربيه التوكيل وهيتعمل مقايسه وبعد كده تجيب المقايسه وصوره رخصه العربيه ورخصه الوالد وصوره المحضر وكده انت مهمتك خلصت هل الكلام بالسهوله دى ....
انا مش مقتنع بالكلام ده بصراحه ... واسف انى طولت عليكم ومستنى ارائكم علشان انجر فى الحوارت دى قبل انتهاء الرخصه ...

**eng.m7md.ali** · 10-10-2011 08:36 PM

ياساتر يارب
ربنا يعينك ويعوضك خير ان شاء الله
الحمد لله مجاتش في اخوك ويخربيت ابو الحرمية دول
بس هو ايه اللي حصل علشان العربية يحصلها كدة وتتقسم بالطريقة دي؟؟
وعمتا شركة التامين هتحسبها اهلاك كلي

**ehab_osman** · 10-10-2011 08:39 PM

الف سلامة ليك وللعربية ... والحمد لله الذي لا يحمد علي مكروه سواه ......... انت تعمل بالظبط زى ما قاللك مندوب التامين ...... حتاخد وقت ..... بس خير ان شاء الله ...

""انت تودى العربيه التوكيل وهيتعمل مقايسه وبعد كده تجيب المقايسه وصوره رخصه العربيه ورخصه الوالد وصوره المحضر وكده انت مهمتك خلصت هل الكلام بالسهوله دى .... ""

**ahmedsrs** · 10-10-2011 08:43 PM

العربية كده اهلاك كلى والتامين هو الى هيشيل الخسائر متشلش هم

**yasserelsayad** · 10-10-2011 08:55 PM

يا ساتر يا رب دى خبطة وحشة جدا
والحمد لله على سلامة اخوك كان ممكن لقدر الله يعملوا فيه حاجة
بس انت متعرفش هما دخلوا فى ايه ولا عملوا كدا فى العربية ازاى ؟؟؟؟

**mazher_m** · 10-10-2011 08:59 PM

الحمدلله علي كل حال
قدر الله وما شاء فعل

**Ahmed.Ali** · 10-10-2011 09:06 PM

بس هل شركه التأمين هتعامل العربيه معامليه عربيه عامله حادث ولا هتعتبرها سرقه و مش هتعوض؟

**aly_hosny** · 10-10-2011 09:11 PM

لا حول ولا قوة الا بالله
كويس ان اخو حضرتك مامن على العربية
حاول مع بتوع التوكيل يسجلو العربية Total loss لان استحالة يرجعوها زي الاول
الحالة دي افصل لحضرتك عن ما العربية تتصلح
و خلي بالك من موضوع الرخصة و اسال لو انتهت في مشكلة ولا لا
و خلي معاك صور من المحاضر و الاوراق متسجل عليها التاريخ

**MITSUKERO** · 10-10-2011 09:39 PM

ربنا يعوضك خير و الحمد لله انها جت علي قد كده

كذا سؤال لازم تعرف اجابتهم الاول قبل اي حاجة :

اول حاجة : هل التأمين هيصرف تعويض في حالة حدوث حادث اثناء السرقة ؟ و هل المحضر اتثبت فيه ان اخوك كان سايب مفتاح العربية جواها ؟ لو المحضر اثبت كده يبقي ضاع عليك التعويض

تاني حاجة : لازم تشوف مهندس تأمين اخلاصه ليك يقولك علي الخطوات لان مهندس شركة التأمين ممكن يخدعك و في الاخر يقولك ملكشي حاجة عندي

-

الموضوع: السيراتو اتسرقت ورجعت مدمره ( صور )

LinkBack

أدوات الموضوع

عرض

السيراتو اتسرقت ورجعت مدمره ( صور ) - انشر الموضوع فى :

-

انت تعمل بالظبط زى ما قاللك مندوب التامين -

-

-

-

المواضيع المتشابهه

عربيتى السيراتو اتسرقت

عربيتي السيراتو اتسرقت قدامي وكان الحرامي معاه المفتاح

عربيتي السيراتو اتسرقت قدامي وكان الحرامي معاه المفتاح

(موضوع كوميدي) عربيتي النيسان .. اتسرقت و ضاعت ورجعت

السيراتو اتسرقت..حد عنده أي أفكار؟

الكلمات الدلالية لهذا الموضوع

المفضلات

المفضلات

ضوابط المشاركة