العربيه بتستهبل

**mohmoh61** · 10-10-2011 11:06 PM

يا جماعه ال ار بي ام ما بين 2500-3000 بينزل ويطلع لوحده حد عنه فكره ده ممكن يكون ايه ارجو الرد من زوى الخبره انا اتجننت والعربيه بتترجرج ساعتها بس لما بكبس و انا ماشى كل ده بيروح ما بيحصلش الا لما السرعه بتثبت عند العداد ده

**ahmedsadek82** · 10-10-2011 11:14 PM

المشاركة الأصلية كتبت بواسطة mohmoh61

يا جماعه ال ار بي ام ما بين 2500-3000 بينزل ويطلع لوحده حد عنه فكره ده ممكن يكون ايه ارجو الرد من زوى الخبره انا اتجننت والعربيه بتترجرج ساعتها بس لما بكبس و انا ماشى كل ده بيروح ما بيحصلش الا لما السرعه بتثبت عند العداد ده

الMAF sensor (الAIR MASS) عايز يتنظف , او الcrank shaft speed sensor بس ابدأ باMAF و نظفه او جرب واحد تاني لو التنظيف منفعش

**hero200451** · 11-10-2011 01:56 AM

دة يا باشا id (اى دل) الماتور عايز يندف بس جرب تندف وقول ايه النتيجه

**farahat** · 11-10-2011 02:42 AM

العربية موديل كام والماكنة إيه ؟

**mohmoh61** · 11-10-2011 02:37 PM

العربيه e46 2005 و المكنه n46b20

**farahat** · 11-10-2011 08:46 PM

طبعاً يا ريت لو فيه تفاصيل أكتر عن المشكلة عشان يكون التشخيص أحسن ، لكن على قدر المعلومات إلي حضرتك قلتها ، هقولك وجهة نظري

إحتمال كبير يكون حساس الكرنك ، ولو كدة هيكون عندك لخبطة أحياناً في الدوارة ، هل في أي شكوى من الدوارة في أي وقت ؟

الإحتمال التاني يكون حاجة في مجرى السحب يعني حساس الإيرماس أو البوابة ، ودول محس هيبان على جهاز الكشف، بس تنضيفهم سهل قوي ومش مكلف.

النصيحة السريعة جرب تنضف الإيرماس أو حتى تفصل فيشته وتشوف العربية حتمشي ازاي ، وبعدين نضف البوابة ، ويا ريت لو فيه إمكانية تكشف بالجهاز عند أي حد وهيبان إيه المشكلة .

**mohmoh61** · 12-10-2011 10:51 AM

انا شاكر على الاهتمام يا باشا بس العربيه بتدور بسرعه من اول تكه سواء بارده الصبح او خلال النهار و هى سخنه مش بتاخر خالص فا انا مستبعد حساس الكرنك و لكن اعتقد انه الاير ماس او حساس البوابه لانى لسه مغير بوجيهات وفلتر بنزين و المشكله هى كلاتى بالضبط لما بتوصل العربيه عند سرعه من 80 -100 و الار بي ام بيكون عند 2200-3000 لفه تبداء المشكله تبتدى العربيه تترجرج و الار بي ام يسقط 200 او 300 لفه ويرجع تانى و بعد ما بعدى 3200 لفه و السرعه توصل 105او اكتر كله يبقى تمام و طبيعى هى دى المشكله بالتفصيل الممل على فكره العربيه مش بتبطل وهى ماشيه او واقفه طبيعيه فى الدواره عموما انا رايح اغير الاير ماس النهارده و هبلغكو بالنتيجه انشاء الله و يا رب تكون خير