تيدا - كورسا - كروز - فلونس

السلام عليكم يارجالة المنتدى

بصوا ياجماعه انا معايا بتاع 127 الف وكنت بصراحه راسي اني هجيب تيدا والفلوس الحمد لله جايه كمان يومين ونزلت قعدت في الرينو فلونس في المصريه وعرفت انهم عاملين تخفيض عليها بقت ب 126 و بصراحه شدتني اوي قعدتها حلوه وشيك ومريحه نفسيا بس انا خايف جداااااااا من قطع الغيار
الكورسا قالولي شكل جديد والماني وي الفل بس سمعت ان فس قطع غيار مش موجوده وكمان قطع الغيار غاليه
الكروز عاملين عليها خصم 2011 لحد 133 الف هاي لاين عربيه معقوله بس كوري وانا معايا النترا 2011 ومتعقد من الكوري كله
التيدا انا عاشق للعربيه دي بس في حاجتين مزعلني منها : اولا التابلوه بحس انه فقير جدا مقارنة بالفلونس ثانيا الشكل الجديد ممكن ينزل السنه دي او الجايه او اللي بعدها بالكتير وبالتالي هحس اني راكب عربيه قديمه زي ماحصل معايا في الالنترا

ارجو اعرف رايكم من العربيات دي فقط لاغير مع العلم انه اللي يهمني في العربيه بالترتيب مصاريف دوريه (عدا البنزين مش فارقه ) والحوادث لاقدر الله هكون مأمن مع اليانز - عمر افتراضي ( اعتماديه ) وتستحمل الطرق المكسره والسفر كتير ده طبعا بالاضافه الى الامان واعادة البيع مش فارق معايا كتير لاني مش ناوي ابيع غير بعد 5 سنين عالاقل
اسف للاطاله

الفلوانس متقلقش من قطع غيارها ف التوكيل سعرها مناسب حخش ع منتدى رينو و شوف المواضيع المثبتة حتلاقى اسعار الصيانات و قطع الغيار.

التيدا عربية منتشرة بس شكلها حيتغير قريب ف بلاش .

الكورسا عربية لا غبار عليها بس تغور من وش منصور

الكروز برة اللعبة خااالص

انا خرجت الفوانس من المقارنه دلوقتي بقا الكلام علاتيدا والكروز والكورسا ايه رايكم ياجماعه؟؟؟؟؟؟

انت خرجت احسن عربيه فيهم http://i167.photobucket.com/albums/u...opyofmajd4.gif

opel corsa

لو عاوز عربية منتشرة و توكيل محترم بعد م شيلت الفلوانس يبقى التيدا
لو عاوز عربية وهم بجد بس تستحمل منصور يبقى الاوبل

اقتباس:

---

المشاركة الأصلية كتبت بواسطة m.alaa92

لو عاوز عربية منتشرة و توكيل محترم بعد م شيلت الفلوانس يبقى التيدا
لو عاوز عربية وهم بجد بس تستحمل منصور يبقى الاوبل

---

طب هو عيب منصور انه اغلى نسبيا فقط ولا في قطع غيار مش موجوده اساسا
واخبار اعاده بيع الاوبل ايه؟
ومايه عيوب الكروز ياجماعه؟

تيدا

اول عربيه لازم تطلع بره المقارنه دى هى الكورسا

عربيه بالحجم دا والموتور دا مينفعش تبقى ب 133 خالص , فى حاجات ارخص واحسن

العيب الاكبر فى الكروز هو ضعف الموتور لو بتحب الجرى والشد مش هاتنفعك

اقتباس:

---

المشاركة الأصلية كتبت بواسطة togo

انا خرجت الفوانس من المقارنه دلوقتي بقا الكلام علاتيدا والكروز والكورسا ايه رايكم ياجماعه؟؟؟؟؟؟

---

السلام عليكم
إنت خرجت احسن عربية فيهم و أحسن توكيل كمان
أصل ما فيش و جة مقارنة اصلا بين توكيل رينو و توكيل منصور مثلا"
أنا كان معى كورسا و شفت الويل مع توكيل منصور لكن مع رينو بألى 3 سنوات فى متعة مع التوكيل و تعاملاتة

اقتباس:

---

المشاركة الأصلية كتبت بواسطة megane

السلام عليكم
إنت خرجت احسن عربية فيهم و أحسن توكيل كمان
أصل ما فيش و جة مقارنة اصلا بين توكيل رينو و توكيل منصور مثلا"
أنا كان معى كورسا و شفت الويل مع توكيل منصور لكن مع رينو بألى 3 سنوات فى متعة مع التوكيل و تعاملاتة

---

هو عيب الفلونس بالنسبالي مصاريف الصيانه ولو لاقدر الله احتجت قطع غيار اسعاره كل الناس بتقولي غاليه خصوصا انا معايا النترا 2011 ومصاريفها اغلى منها بكتي غير انه اعادة بيعها مش تمام خالص

انا بقول اكيد منصور احسن من غبور اللي بعاني منه

واضح محدش مرتاح مع توكيله بس شايف الناس بتشكر فى توكيل الرينو

ادخل قسم الرينو وشوف اسعار قطع الغيار للفلوينس
اعتقد انها فى حدود المعقول مقارنة بفئتها

اقتباس:

---

المشاركة الأصلية كتبت بواسطة togo

هو عيب الفلونس بالنسبالي مصاريف الصيانه ولو لاقدر الله احتجت قطع غيار اسعاره كل الناس بتقولي غاليه خصوصا انا معايا النترا 2011 ومصاريفها اغلى منها بكتي غير انه اعادة بيعها مش تمام خالص

انا بقول اكيد منصور احسن من غبور اللي بعاني منه

---

السلام عليكم
دى أسعار الصيانة و قطع الغيار للفليونس

أسعـــــــــــارالصيانـــــــــــــــــــ ـــة

اولا الصيانة الفردية 5000، 15000 وهكذا حتى نهاية الضمان مجانية

ثانيا الاسعارتشمل العمالة و قطع الغيار ولا تشمل 10% ضريبة المبيعات و تمن زيت الموتور

* صيانة 10.000 كمـــــــــــــــــــــــــ ــــــــــــــــــــــ 203.00 جم

* صيانة 20.000كم ـــــــــــــــــــــــــ ـــــــــــــــــــــــ 537.00 جم

* صيانة 30.000 كم ـــــــــــــــــــــــــ ــــــــــــــــــــــــ 382.00جم

* صيانة 40.000 كمـــــــــــــــــــــــــ ــــــــــــــــــــــــ 537.00 جم

* صيانة 50.000 كم ـــــــــــــــــــــــــ ـــــــــــــــــــــــ 222.00 جم

* صيانة 60.000 كم ـــــــــــــــــــــــــ ــــــــــــــــــــــــ 1740.00جم

ثم يتم تكرار الاسعار ثانيا



أسعـــــــــــــــــارقطع الغيــــــار الأصليـــــــــــة:

* تيل فرامل أمامىـــــــــــــــــــــــــ ـــــــــــــــــــــــ 460.00 جم

* تيل فراملخلفى ـــــــــــــــــــــــــ ــــــــــــــــــــــــ 395.00 جم

* ديسكاتأمامية ـــــــــــــــــــــــــ ـــــــــــــــــــــــ 1050.00 جم

* ديسكات خلفية ـــــــــــــــــــــــــ ـــــــــــــــــــــــــ 1240.00جم

* فلتــــر هـــــــواءـــــــــــــــــــــــــ ـــــــــــــــــــــــ 195.00 جم

* فلتربنـــــــــزيــن ـــــــــــــــــــــــــ ــــــــــــــــــــــ 65.00 جم

* فلتــــــر زيــــــت ـــــــــــــــــــــــــ ـــــــــــــــــــــــ 30.00 جم

* المساعد الامامى ـــــــــــــــــــــــــ ـــــــــــــــــــــ 660.00 جم

* المساعد الخلفىـــــــــــــــــــــــــ ـــــــــــــــــــــــ 550.00 جم

* مقص أمامىـــــــــــــــــــــــــ ـــــــــــــــــــــــــ ـ 800.00 جم

* بوجيهـــــــــات ـــــــــــــــــــــــــ ـــــــــــــــــــــــــ 88.00جم

* طلمبة ميـــــــاه ـــــــــــــــــــــــــ ــــــــــــــــــــــــ 495.00 جم

*إكصدام أمـــامىـــــــــــــــــــــــــ ــــــــــــــــــــــــ 2600.00 جم

* إكصدامخـــلفى ـــــــــــــــــــــــــ ــــــــــــــــــــــــ 2500.00 جم

* فانـــوس أمامى ـــــــــــــــــــــــــ ــــــــــــــــــــــــ 1330.00جم

* فانوس خــلفى ـــــــــــــــــــــــــ ـــــــــــــــــــــــــ ـ 1090.00 جم

* فوانيـــس شبورةـــــــــــــــــــــــــ ــــــــــــــــــــــــ 395.00 جم

* بـــابأمــــامى ـــــــــــــــــــــــــ ـــــــــــــــــــــــــ 3000.00جم

* بـــاب خلفــــىـــــــــــــــــــــــــ ـــــــــــــــــــــــــ 3000.00جم

* رفرف أمامىـــــــــــــــــــــــــ ـــــــــــــــــــــــــ ـــ 1100.00جم

*زجــــاج أمامى ـــــــــــــــــــــــــ ــــــــــــــــــــــــــــــ 995.00 جم

* زجاج خلفىـــــــــــــــــــــــــ ـــــــــــــــــــــــــ ـــــ 1165.00جم