العربيه استرا 2000 في السلانسيه البطىء اوي او لما الطريق يكون واقف وتقف كل شويه لما بدوس فرامل واكبس بحس كما لو كان زلطه جت تحت الكاوتش وبتدي زي خبطه في الطاره ومش عارف من ايه
عرض للطباعة
العربيه استرا 2000 في السلانسيه البطىء اوي او لما الطريق يكون واقف وتقف كل شويه لما بدوس فرامل واكبس بحس كما لو كان زلطه جت تحت الكاوتش وبتدي زي خبطه في الطاره ومش عارف من ايه
وفي مشكله تانيه اذا سمحتم في رجه عندي في الطلعه وجامده اوي يعني وانا دايس دبرياج لازم ازود بنزين اوي علشان العربيه تمشي لان لو مزودش بنزين قبل ما اشيل رجلي من علي الدبرياج بتبقي الرعشه جامده ومش عايزه العربيه تمشي بس انا عندي قاعده الفتيس شايلها عشان عايزه تتغير وكان الاويل سيل بتاع الكوبلن اليمين اللي ماسك في الفتيس كان باظ وفضلت من غير ايل سيل يوم كامل والراجل مازودش زيت فتيس وغير الاويل سيل لانه كان مرشح زيت والعربيه بقلها سنتين معايا ومزودت زيت الفتيس فهل له علاقه وانا عملت الاختبار بتاع طقم الدبرياج اللي هو ادوس دبرياج وادي العربيه غيار وادوس فرامل واشيل من علي الدبرياج سنه سنه بقت تبطل وسامحوني للاطاله:majd(4)::majd(4)::majd(4):
اسطوانة الدبرياج ضعيفة وشوف قاعده الفتيس
وكوبلن داخلى جاب اخرة
شيك على الحاجات دى وروح لعفشجى وميكانيكى
بس انا كنت عند بتاع العفشه من شهرين وكانت الحاجات دي موجوده برده هو ظبط كل حاجه وقالي مش فاضل غير القاعد فخليها وقت ماتقدر تشتريها وهاتها اغيرهالك لانه ساعتها انا دفعت عنده كتتير
وانا بعمل ضبط زوايا قلي الرجه اللي في الطلعه دي من القاعده وعشان كده فكيتها عشان اجيب واحده تانيه وخايف مايكنش منها والرجه موجوده في الطلعه علي الاول وجامده قوي قوي لوطلعت علي التاني كما لوكان حد ماسك الموتور وبيحركه مش بيرعشه
طقم الدبرياج انتهى وجاب الأخر ولازم قاعدة الفتيس تركب علشان حموله الموتور حتبقى على قاعده واحده حتروح مقطوعه هى كمان ..
الدبرياج (الاسطوانه والديسك)
شكرا للساده المحترمين علي الاهتمام والرد
ولكن انا عرفت ان اختبار طقم الدبرياج بيبين والعربيه كانت بتبطل مجرد ان الدواسه تطلع للنص فهل هذا مش مقياس علي مدي صلاحيه
وياريت راي الاستاذ طناني وله جزيل الشكر ويارت يقرأ عنوان الموضوع والرد بتاعي اللي تحته لاني موضح شويه فيه وجزاه الله خير
1- زود زيت الفتيس والأحسن انك تنزله وتحطه من اول وجديد (صلاحية زيت الفتيس سنتين)
2- الكوبلن الداخلي رايح في داهية
بعد الأتنين دوول ركب قاعدة الفتيس
وارجع اختبر اسطوانة الدبرياج بس غالبا لو من سنة 2000 يبقي اكيد لازم تغير الطقم بالكامل (اسطوانة وديسك وبلية)
والله المستعان
،
،
معلشى انا تعبان شوية
فمش باخش النت اليومين دول
و الزملا اللى يفهموا اكتر منى
قالوا اللى فيه الفايده
القاعده لازم تتغير
الكوبلن يتغير و مش هتلاقيه جديد هتجيب طقم كوبلن استيراد خارجى و داخلى
هى العربية فيها ايه بى اس و لا لأ ؟
طبعاً زيت الفتيس كان لازم تزوده وقتها عشان متموتشى الفتيس و يتحرق و تضطر تغيره
طقم الدبرياج لازم يتغير عشان ما ياخدشى الفلام فى سكته و ساعتها هتبقى ضربة جامده
انا شايف من وجهه نظرى شوية عك مع الصنايعية
في حاجات تستنى و حاجات لا
مينفعشى استنى على قاعده مقطوعه لغاية ما الاقى الموتور وقع
و تبقى المصيبه اكبر
مش كده