رأيكم ف امبلفير سوني 500 وات اكسبلود .. موش موش موش

**nicegypt** · 11-10-2011 03:29 AM

اولا احب ارحب بالاخ موش ومتأكد انة هيدخل الموضوع حالاَ :)

ويهمنى رأية بصفتة خبير استراتيجي ورئيس قسم بيولوجي هههههههههه

اية رأيكم ف امبلفير سونى اسكبلود 500وات لونة نبيتى وسعرة عالى ف بي تك عامل 444

وفية سونى اسكبلورد تقريبا 800 وات مش متأكد عامل 650 ج لونة اسود

انا عارف انة قديم .. اية الجديد وافضل حاجة اية ؟ واية الاسعار ؟

هركبة على 4 سماعات بيضاوي بايونير 400 وات دبل بيز وممكن اشغل 2 بس لو صوتهم عالى وجامد

وبعد كام سنة كدة ممكن اجيب صباية صغيرة وخلصت

او هجرب سماعة عندى كبيرة هحاول اشغلها بيز بس عن طريق الكاسيت " فية زيرو باور مدمج ف الاوبشنز

فمحتاج حاجة تقومها هى صيني مكتوب عليها 350 وات راكبة ف صب زينون الاحمر الكبير

عاملين زى الساوند بتوع الافراح كبار 2 سماعة قطر كبير + ايكوليزر + توتيرات

عندى 2 هاخد واحدة منهم واسيب التانية للكمبيوتر اللى هيكون فيها الامبلفير الخاص بتاعها بالفيشة

محتاج رأيكم ف انهى فيهم الاحسن ؟ وانهى ف السوق الافضل والاسعار

**beetleMOSH** · 11-10-2011 05:33 AM

ههههههههههههههه
جامد اوى الكلام ده
" خبير استراتيجي ورئيس قسم بيولوجي "
ضحكت ضحك السنين والله هههههههههه
تسلم والله يا كبيير على الدعوه دى
ربنا يديم المعروف d:

بص بقى يا عمى
اولا كده عشان اكمل و انا مرتاح
سيبك من موضوع السماعه و الصبايه الصينى و الكلام ده

طالما هاتركب 4 سماعات و جى ام
هاتسمع صوت هايعجبك
و السماعه دى ممكن تبوظلك الصوت

تمام كده

نيجى بقى للسماعات
ايه موضوع البايونيير ال 400 الدبل بييز دووول d:
بايونيير بتنزل منتجات من ورايا ولا ايه ههههههههه

المهم يعنى لو قصدك على البايونيير ال 400 وات البيضاوى ال 6 ف 9
او البايونيير ال 500 وات او ال 600 وات

او الكينوود ال 400 وات
6 ف 9 برضه
او حتى يا سيدى الكينوود ال400 الدبل بييز ال 7 ف 10

ف جى ام سونى 600 وات 4 تشانل و عامل حوالى 650 بلبل
او كينوود 720 4 تشانل و عامل حوالى 750 جنيه

هايقوم بالواجب
و هاتسمع صووت حلو و اخر منجهه d:

خصوصا لو ال بايونيير ال 600 وات
صوتها حلو و عالى

بس الكاسيت عندك ايه ؟

**potter2006** · 11-10-2011 09:28 AM

خصوصا لو ال بايونيير ال 600 وات
صوتها حلو و عالى

ايوه اسألني انا 4 سماعات 600 بايو مقولكش علي كينود 720 اداااء بس انا هجبلهم السوني بصراحة انضف من الكينوود

**beetleMOSH** · 11-10-2011 12:38 PM

المشاركة الأصلية كتبت بواسطة potter2006

خصوصا لو ال بايونيير ال 600 وات
صوتها حلو و عالى

ايوه اسألني انا 4 سماعات 600 بايو مقولكش علي كينود 720 اداااء بس انا هجبلهم السوني بصراحة انضف من الكينوود

طيب ليه بتقول كده
يعنى عايز اعرف لمجرد تبادل وجهات النظر ايه اللى حسيته فى السونى احسن من الكينوود

**nicegypt** · 11-10-2011 01:28 PM

اية رأيك لو شغلنا سماعتين بس على سونى 250 وات 2 شانيل ؟ الاداء هيكون اية ؟
عايز امبلفير اقل من 500 بولبل اخوك مطحون .. تنصحنى بأية ؟

انا عجبنى الـ 500 وات سونى اكسبلود .. ب 444 ف بي تك .. ف التوفيقية تعتقد رنج سعرة هيكون كام ؟
وهل سونى بيهنج ويسخن والكلام دة ؟

بالنسبة لنوع الكاسيت jvc مش فاكر رقمة كنت كتبت عنة من فترة بس هيد هيوند ممتازة وصوت رائع

**potter2006** · 11-10-2011 01:32 PM

المشاركة الأصلية كتبت بواسطة beetleMOSH

طيب ليه بتقول كده
يعنى عايز اعرف لمجرد تبادل وجهات النظر ايه اللى حسيته فى السونى احسن من الكينوود

هقولك ياموش حاجتين باينين اوي نقاء الصوت في السوني اعلي و كمان السوني لما تعلي مايعملكش دوشة خالص مع العلم اني ظابط ال gm صح يعني مش معلي الجاين للأخر و كده

**ahmad--ezzat** · 11-10-2011 04:45 PM

يعم سيبك...هو جى ام سيمفونى 400 وات مع بازكا 1000 وسماعتين كينوود 400

**beetleMOSH** · 12-10-2011 04:01 AM

ممكن سماعتين سونى على جى ام سونى 350 هايبقى احسن
و ال 600 برضه هايبى احسن من ال 500
عشان الوات بتاعه على ف هايبقى فلوس ف حاجه تستفيد بيها
و تحس بفرقها عن الكاسيت