عرض للطباعة
السلام عليكم يا جماعه
انا عايز ابيع الموبيل بتاعي و هو نوكيا 6303 كلاسيك
الموبيل متفتحش خالص او اتصلاح قبل كده انا محافظ عليه الحمد الله ومعاه البطاريه بتاعته الي جايه معاه و الشاحن بتاعه و السماعه الهيد فون بتاعته و كارت ميموري 1 جيجا كل الحاجات ديه الي جي معاه يعني الشاحن و السماعه و البطاريه اصلي و الموبيل صنع في كوريا مش هندي او صيني
وطالب فيه ان شاء الله 550 جنيه وتمنه جديد دلوقتي 850 جنيه
http://img41.imageshack.us/img41/8064/nokia2t.jpg
http://img695.imageshack.us/img695/4061/nokia1e.jpg
اخي تمنه جديد 695ج راجع سعرك
لا ياريت حضرتك تتاكد من السعر الي حضرتك بتقوله
وده سعره جديد 825 جنيه
::RAYA Shop::Products
وياريت حضرتك تتاكد من الاول من بلد الصنع الصين ولا الهند والكوري
لاني لما كنت هاشتري كنت هاجيب الهندي بس روحت موبيل شوب و لقيت الكوري بي 999 جنيه و الفاتوره معايا
سعره جديد عند الشناوي 725 ج
NOKIA 6303i ( CAMERA 3.15 MP) ( 2000 NAME )
طيب حضرتك ممكن تروح تشتريه من عنده حتي هايكون احسن لحضرتك حتي تليفون جديد مش مستعمل وياريت تشوف صنع فين
و انا هابيعه علي 550 جنيه لاني عارف حالة الموبيل و عارف بلد المنشاء واي هري تاني انا كاني مش شايفه
سلام عليكم
بلد المنشأ بتفرق في التمن فعلا
وبتفرق كمان في الجمارك وخلافه
غير معايير الجودة وعن تجربه سابقة لجهاز نوكيا كوري ومثيلة الصيني كان الفرق كبير جدا
بالتوفيق في البيع
بس خليك اهدي شوية يا بيزو :-)
روستخ
يا استاذي صناعة الصين متعيبش الموبايل لان المصنع اللي بينتج ده تبع شركة نوكيا الموضوع ده حضرتك مش خبير فيه علشان تحكم عليه لان خط انتاج بيكون تحت شروط دولية ومقاييس وغير كده خط انتاج الصين موجه لدول الشرق الاوسط وافريقيا.
وتقبل تحياتي
ملحوظة صغيرة:
اي منتج الكتروني موجود في السوق من اكبر ماركة لاصغر ماركة صناعة صينية امثلة توشيبا ديل نوكيا باناسونيك ايفون جيجابايت انتل 3كوم سوني سامسونج(مع انه كوري بس اغلبيته دلوقتي صيني) .......الخ وما تعدش.
وفرق الثمن بيرجع لسبب ان الصناعة في الصين ارخص من اي بلد اخري دخل العمالة ارخص من اي دولة والمكونات بتكون اعلى مستوي وبارخص ثمن من دول اخري.
يا اخونا انتم زعلنين ليه الراجل عارض سعر اللى عاجبه يشترى موفق فى البيع باذن الله
انا باقول الكلام ده ليه يا جماعه انا لسه اخويا جايبلي c5 العادي و c2 التاتش من دبي و c5طلع كوري الحمد الله و c2 هندي التلفون السماعه بتاعته الي جايه معاه تركب عليه تسمع الناس و الناس سامعه دوشه غيرت السماعه بواحده تانيه برده نفس المشكله
فعلشان كده بقول الكوري هو الاحسن عن تجربه فا التلفون الي بابيعه و الله العظيم سنتين محصلش فيه مشكله الحمد الله
وانا بقول الكلام ده مش علشان ابيع التلفون انا بقول الكلام ده عاما علشان تاخد بالها وهي بتشتري اي موبيل نوكيا جديد يكون كوري ولا يكون صيني او هندي