السلام عليكم
فيه حد عنده فكرة عن الإنترنت الفضائي، الشركات اللي بتدعمه والأسعر ومستوى الخدمة؟
عرض للطباعة
السلام عليكم
فيه حد عنده فكرة عن الإنترنت الفضائي، الشركات اللي بتدعمه والأسعر ومستوى الخدمة؟
هوة موجود ف مصر اصلا !!!!!!!
سمعت ان شركة أوربت للقنوات االفضائية بتدعم الخدمة دي
بس خلي بالك انها غير مصرح بيها في مصر ولو اتمسكت هيتعملك قضية ومشاكل
والله المستعان
،
،
الخدمة موجودة في مصر عادي وفي شركة في عمارات العبور واخدة توكيلها وعندها ترخيص
http://www.egyptsat.net/
أنا معرفش لسه شغالة ولا لأ، لأن اخر تعامل ليا معاهم كان من أكتر من 4 سنين
يا ريت يكون حد عنده معلومات تانية...
دائما الانترنت الفضائي بيكون أقل بكتير من الارضي، بسبب المسافة الرهيبة بين الطبق والقمر الصناعي ، فبيخللي ال delay time يكون كبير جدا مقارنة بالارضي. يعني في الفضائي عادي جدا انك تلاقي الديلاي أكبر من 500-600 مللي ثانية في أحسن الحالات. وطبعا كله shared media زيه زي ال DSL يمكن نسبة المشاركة فيه أعلى كمان.
الاستخدام الوحيد للنت الفضائي بيكون في الاماكن الغير مغطاه بأي وسيله أرضية
سعرهم بصراحة مش فاكره قوي، بس على ما أعتقد كان حوالي 6000 جنيه لسرعة ال 1 ميجا، طبعا في الشهر.
انا كلمت ايجيبت سات و قالوا لي ان الخدمة مازالت غير مرخصة للافراد في مصر و في خلال اسبوعين هيخلصوا التراخيص
و سعر الهاردوير هيكون حوالي 2500 جنيه و الاشتراك في حدود 150 جنيه لسرعة 2 ميجا
بقي الناس بره بتتكلم في 50 ميجا وإحنا لسه بندور علي ال2 ميجا ؟؟