الاسكندرية المأمون أم مجدي شاهين؟ تجربة شخصية
السلام عليكم
أنا سيارتي لانسر بومه غيرت مقصات فظهر صوت صفارة عالي أوي عند الرجوع للخلف
سألت ٌالولي روح للمأمون رحتله فقابلني راجل معووج جدا و دار الحوار التالي:
- عندي صوت صفارة جامد أو مع المارشدير
- حضرتك سمعت عننا منين؟
- أنتوا معروفين
- معروفين بالأصوات يعني و لا ايه؟
- !!!!!!!
- العربية دي بتعمل صيانة فين؟
طبعا قفلت منه فقلت
- مبتعملش
- يعني انت مستعد تغير تيل ب 540 جنيه ده مركز صيانة وانت مركب حاجات مش أصلية و أنا مقدرش أحط إيدي في حاجة زي كده.
طبعا كنت راكب عربيتي و سيبته ومشيت
أنا إعتراضي كله على العوجان أنا بقوله شكوتي من العربية إيه الغلط في كده؟ و بعدين مش المفروض يكشف وياخد ثمن الكشف و يسيبلي القرار و لا هو مستغني؟
لا أظن إن اليومين دول في حد مستغني و كل ميم من أي زبون بيفرق
علي العموم خدت العربية و طلعت على مجدي شاهين
إستقبال محترم و اتفضل حضرتك في الاستراحة
كشف و ربط العفشة وقاللي المقصلت محتاجة تتغير دي سيئة جدا
كام يا هندسة؟ 1450ج بالمصنعية
حروحلو و حادفعهم و أنا مبسوط
اسف للإطالة بس كان لازم أنصحكم علشان الأسلوب ده مينفعش لو عايز تشتغل و تفضل في السوق والحكم ليكم