السلام عليكم،
شباب الهوندا، انا كنت عايز اعرف نصيحتكم في شراء السيارة هوندا سيفيك الجيل الرابع، انا بأدور في موديلاتها 1987-1991 !
رأيكم ايه، بالنسبة لقطع الغيار، وأعطالها، واستهلاك بنزينها، وأداءها !! بصفة عامة عن السيارة ! وخاصًة ان دي اول سيارة !
شكرًا جزيلاً
:)
كعادة هوندا السيارة جميلة , ثابتة محركها جيد جدا بالنسبة لل1500 كربراتير او المحرك الاقوى ال1500 double carb ودة رائع
العربية اعتمادية جدا , صيانتها عادية بس هية يعيبها ان بعض الاكسسوارات الخارجية غير موجودة الا نادرا , زى مثلا الكابوت الرفارف الاكصدام هما موجودين بس هتدور شوية على حاجة نظيفة وسعرها هيبقى غالى بعكس الموديلات الاحدث
* اما الاجزاء الميكانيكية موجودة بوفرة وايضا العفشة و سعرها عادى جدا
* لا يوجد للسيارة اعطال معينة او عيوب صناعة
* استهلاك البنزين على حسب المحرك لان لو المحرك مش مظبوط لانة طبعا كربراتير هتاكل معاك بنزين لكن لو مظبوط هيعمل 180 فى الصفيحة
شكراً يا سمسم
semsem kane
بس عندي سؤال، سعر السيارة (وده طبعاً حسب الحالة) من موديل 89-91، يتراوح من كام لــ كام ؟؟
سعر السيارة يتراوح من 26.5 ودية الفاضية الى 32 الف ودية الفول اوبشن , والحالات النادرة ممكن 35 الف جنية