انا رأيي تاخده معاك الشغل ارخص
عرض للطباعة
انا رأيي تاخده معاك الشغل ارخص
هيبوظ كل حاجه
انا معنديش مشكله انه يقعد في البيت بس هو لما كنا في الأسكندريه كان بيروح حضانه ويلعب مع العيال وده اللي احنا كنا عايزينه
لو علي العلام فوالدته اصلا خريجة تربيه طفوله يعني ده تخصصها وتعلمه كويس بس اللعب مع الاطفال مش هيلاقيه في البيت
بس انا اعرف ان الحضانات الغاليه دي بتعلم كويس سواء في الأسلوب او انجليزي وحساب وكده يعني
ولا انا فاهم غلط وهي غاليه من اجل الغلاء وخلاص ؟
لآ الحضانة مش بتعلم زى ما انت متخيل كدة
الغلو فى السعر علشان نظافة و مستوى الحضانة فية حضانات بها حمام سباحة صغير و شوبة العاب حلوة علشان كدة بتبقى غالية
بص فى ظهر مامورية ضرائب مدينة نصر الى فى شارع مكرم عبيد فية حضانة اسلامية و بيعلمو فيها قران بس مش عارف سعرها
و فية حضانات كتير جدا جدا جدا فى مدينة نصر باسعار معقولة نسبيا و فية حاجة اسمها استضافة يعنى بتدفع اليوم بيومة مش بالشهر
بص عارف شارع الطاقة الشارع الى فية النادى الاهلى فية كذا حضانة فى المنطقة دى اسال و اتفرج على الحضانات و فى عمارات الشروق فية حضانة سعرها معقول جدا جدا مش فاكر اسمها بس لو سالت حا تعرف توصل لها ممكن ابقى اجيبلك اسمها و تيلفونهم بكرة ان شاء الله
يعني مفيش فرق بينها وبين الحضانه اللي كنت بدفع فيها 40 جنيه لانها برده كانت نظيفه وكانو بيتعملو اناشيد وبيدهم حساب وكان في العاب وحمامات بس مفيش سباحه
امري الي الله هبقي اشوف كده
متشكر ليكم جميعا
في حضانة في عمارات التوفيق عند السوق على شارع الطيران مقابل وزارة الدفاع تقريبا لو شغلك قريب من هناك هتبقي كويسة ليك وما اظنش انها ب 400 والارقام دي
هسالك فى الموضوع دة لانى انا كمان داخل على الموضوع دة وساكن فى نفس المكان بتاعك
الحضانات في مدينة نصر الي في اماكن رئيسية (قريبة من مكرم عبيد - عباس العقاد - الطيران) بتبقى غالية جدا ..
كنا بندور على وحدة لبنت اخت مراتي ... و كان في واحد نضيفة جدا جدا في شارع متفرع من كابول (مشهورة نسبيا) اسمها Sesame Street اعتقد او حاجة كدة .. بس كانت 950 جنيه تقريبا.
40 جنيه في الشهر بجد ؟؟؟؟
يبقي جزاك الله كل خير
النهارده وانا نازل قدرا لقيت يفطه لحضانه في العماره اللي جنبي عايز ابقي اسال فيها وطالما كله مش بيعلم يبقي اهو مكان يلعب فيه وخلاص
اللي عايز اسال عليها الموضوع بتاع التنسيق لاني كنت بشوف في الأسكندريه عند نادي المعلمين في سموحه ناس كتيير قوي واقفه وزحمه غريبه عشان تنسيق رياض الأطفال وفي واحد زميلي كمان كان بيعمل الموضوع ده عشان تقريبا في مدارس معينه بتشترط ان الولد يبقي في حضانه وبتنسيق كمان
حد عنده فكره عن الموضوع ده؟
انا شغلي في المنطقه الحره ومش عايز ابعد قوي عشان لو مقدرتش اروح اجيبه مامته تعرف
وبجد كاننت ب 40 جنيه ومكنتش بوجع دماغي يروح ولا لآ لانها في الأخر 40 جنيه لاني كنت كل شويه اروح اقعد عند اهلي بالشهر لكن مش هدفع 1000 جنيه عشان ميروحش وميتعلمش حاجه كمان في الأخر
الحضانه كانت مقسمه حسب العمر وكانو بيعلبو علي مراجيح ويطلعوهم بره واخر شهر راح كان بياخد واجب ونذاكرله كمان وكانو بيحفظوه اناشيد وحاجات حلوه
طبعا مش احسن حاجه بس مقابل 40 جنيه حلو قوي