حادث في الجهة المقابلة لاكاديمية الشرطة
بسم الله الرحمن الرحيم
السلام عليكم و رحمة الله و بركاته
انهاردة الصبح و انا ماشي ع الطريق الدائري بين اكاديمية الشرطة و معرض هوندا كأني رايح ع التجمع الخامس
لقيت 3 عربيات مقلوبين ورا السور اللي ع اليمين و محروقين
مش عارف اذا كان تم نقلهم ورا السور مخصوص عشان الطريق ميعطلش و لا هم من الحادث اتقلبوا جوة لكن من الترتيب اللي محطوطين فيه اعتقد انه تم نقلهم جوة
و الارض طبعا معلمة من اثار الحادث و شكل العربيات مرعب و فيه شرطة واقفين هناك
و للأسف لم يتسني لي الوقت اني اسأل ايه اللي حصل بالظبط او امتي عشان كنت مستعجل لكن من الواضح انها لسه طازة من الاثار في الارض و الشرطة واقفين عندهم
و الله اعلم حصل ايه للركاب
لو حد معدي من هناك هيلاقي الاثار في الارض و هيلاقي العربيات ورا السور اللي في الجهة المقابلة للاكاديمية في اتجاه التجمع الخامس
و مقدرتش اصور للأسف اليوم اللي نزلت من غير الكاميرا لقيت الكلام ده غير الحوادث الاخري ع الطريق اللي طالع فوق الجزيرة و اللي مدمر من قدام الناس بقت سواقتهم سيئة و كله بيعاند في كله
ربنا يستر طريق الجميع
و بالتوفيق للجميع ان شاء الله
