الموضوع: حادثة جامدة فى الميرغنى

المشاركة الأصلية كتبت بواسطة Hassan Khalil

اعتقد يا بشمهندس انه ممكن يجيبها لو واخد الشارع من اول السبع عمارات .. و طلع بسرعته الكوبري .. و بعدين نزل ناحية سينابون .. في المكان ده ممكن يجيب سرعة عالية جدا .. و في المكان ده .. ممكن بسهولة يفقد سيطرته علي العربية لان الشارع بيلف يمين قليلا ..
ده ممكن يكون سيناريو .. لكني بالطبع معرفش اللي حصل و لا الحادثة كانت فين ..
و ربنا يرحم موتانا جميعا

الراجل ده بيتكلم صح جدا. و الدليل انا
انا معايا 504 و كان فى اهتزاز شديد بيحصل فى الدركسيون ما بين ال80 و 100
فا رحت عملت ترصيص للعجل الامامى و بعدها بقيت المشكلة الاقى فين مكان فاضى اجرب فيه؟ كل اللى كنت محتاجه انى اجيب ال 90 لثوانى عشان اشوف نتيجة الترصيص
و بالفعل ذهبت الى مدان سفير و منه الى بداية شارع النزهة و قبل ما اتوغل فى النزهة دخلت يمن و اصبحت فى شارع الميرغنى. و انا كنت عارف ان من بداية الشارع و الكبرى و بعد ما تنزل الكبرى لحد قبل بنزينة موبل ب 50 متر منطقة جرى و الطريق واسع و منور و واضح و كانت الساعة 12. و بالفعل قرصت حبة على العربية عشان اجمع سرعتى فى مسافة اقل و على ما وصلت لمنتصف الكبرى كانت سرعتى 110 ( و كان هذا يكفينى لاتاكد ان العيب قد زال بعد الترصيص) و لهذا لم ابقى على هذه السرعة الا كام ثنية و قبل ما انزل من على الكوبرى كنت هديت سرعتى تانى.

الغرض من الحكاية دى ان انا تمكنت من تجميع سرعة 110 فى مسافة قصيرة برغم ان عربيتى ال504 ثقيلة و قديمة و صعبة المراس، فما بالكم بعربية جديدة و خفيفة و بتجرى
اضف الى هذا انه متهور و ساب نفسه اكيد مستمر فى الجرى لمسافة اطول من اللى انا جريت فيها و عشان كده فى وجود كل العوامل ديه و سوء تقديره اللى خلاه بيبالغ فى الجرى الى حد المجازفة . كل ده يخلينا نصدق ان واحد زى ده ممكن يوصل ل 180 بسهولة فى الظروف و المكان ده

المشاركة الأصلية كتبت بواسطة smsmbakr

ياجماعة كفاية لوم عليهم وادعولهم بالرحمة

يا باشا ده سؤال اتسال" هل ممكن الوصول الى 180 فى الظروف دى؟" و احنا اتناقشنا و ردينا على السؤال. لوم ايه اللى انتا بتتكلم عليه؟؟؟
و بعدين اذا ماكناش نتكلم فى الحكاية و نحللها و نفهم ليه و ازاى،
هانتعلم و نتعظ و نستفيد ازاى؟؟؟
و ربنا يرحمهم