استفسار عن صيانة الالف الأولي في الفيرنا

**mm_champion** · 11-10-2011 04:49 PM

السلام عليكم
إن شاء الله انا خلال الايام الجاية هعمل صيانة ال 1000 للفيرنا , وعرفت ان فيه مركز لغبور في قليوب وواحد في ابو رواش
فكنت عايز استفسر
هو لازم المركزين دول يعني اقصد ان فيه كذا مركز معتمد لغبور زي ابو غالي ومودرن سرفيس وغيرهم هل ممكن عمل عندهم صيانة الالف زي ابورواش او قليوب ولا فيه فرق في كدة , ولو كان لازم هل الصيانات التاية بتاعت 5000 لازم برضه في المركزين دول , ياريت الافادة يا جماعة عشان انا معنديش خبرة في الموضوع ده لأنها اول عربية

**menshawy** · 11-10-2011 08:32 PM

انا رحت النهاردة صيانة 1000 كيلو دخلت الساعة 8.30 خرجت الساعة 11 وممكن كنت اخرج 10 بس اعمل اية المهندس اتخر ساعة على ماجالى

**mpop** · 11-10-2011 09:20 PM

عادي ممكن تروح مركز معتمد انا عملت صيانة الالف في اسكندرية عادي جدا :)

**Ashraf_Ibrahim** · 11-10-2011 11:55 PM

اي مركز معتمد مفيش مشاكل بس احتفظ بالفواتير عشان هي الاثبات بتاعك عشان الضمان او خليهم يختمولك كتيب الضمان لو معاك

**mm_champion** · 12-10-2011 01:04 PM

شكرا ياجماعة على الردود
بس اصلي سمعت ان أول صيانة لازم اروح قليوب أو أبو رواش , وانا الصراحة مش عايز اروح المسافة البعيدة دي كلها ,,, بس لو لازم هضطر اروح ,
يعني يا اشرف انا معايا كتيب الضمان عادي لو روحت مثلا ابو غالي اللي في العبور في صيانة الألف الأولي ينفع ؟؟؟

**Eng_Mostafa_89** · 12-10-2011 09:20 PM

عادى يا باشا بتروح اى مركز خدمة معتمد من هيونداى
صيانة الالف اللى بيتم فيها تغير الزيت والفلتر وتربيط عافشة ولو الهند عيزة تترجلش بتترجلش
ولو انت ليك اى ملاحاظات على العربية قولهم عليها بيعملوا
مصنعية الصيانة الاولى بتبقى مجانية مبتدفعش غير اسعار سعر الزيت والفلتر بس

**AutoTycoon** · 13-10-2011 01:28 AM

72 الف كيلو ولا اعرف التوكيل فين
مراكز الصيانة احسن و بتنجز وقت جداً

**Ashraf_Ibrahim** · 13-10-2011 02:02 AM

عادي جدا انك تعملها في مركز صيانة معتمد
مفيش اي مشاكل
مودرن سيرفيس او ابو غالي او او تكنو وان اللي يعجبك فيهم
يختملك بس على كتاب الضمان انك عملت صيانة واحتفظ بالفاتورة بس كدة انت في الضمان يا باشا
وربنا يحفظهالك يا رب