الموضوع: متشكر يا رجالة نيسان علي حسن المعاملة

اهدوا شويه يا جماعه مكنتش كيت يعني و حتى تمنها مدفعش

[gdwl]
الحكاية يا جماعة كالاتى ....

جالى تليفون من حوالى تقريبا 3 اسابيع فرة اول فترة موضوع انسف ريموتك اللى كان عامله حسين فى البداية ومحمد الشناوى قبل ما كنت اتدخل معاهم فى تنسيق الموضوع
التليفون كالتالى مكالمته
ايوة يا احمد انا شريف صاحب طارق مومو
اهلا وسهلا يا شريف اخبارك ايه .
طارق كان عايز ريموت
قولتله الموضوع مش انا اللى عامله .. وشايف ان الاعضاء بتدخل تحجز بمشاركة
خالى طارق يدخل يحجز
قالى اصل طارق مش عايز يدخل المنتدى اصلا
ليه خير فى حاجة هو زعلان من قسم نيسان فى حاجة او زعلان منى شخصيا عشان كدا مش كلمنى وخالاك كلمتنى
فشريف قالى ابدا هو زعلان بسبب تانى خالص

(وطبعا انا مش هقدر اقول السبب ياريت هو يدخل ويقول ايه السبب اللى مزعله ومخليه ميهتمش بالقسم ولا بالاعضاء ولا يشارك باى فعالية ولا يساعد الناس
ويهتم فقط بمصلحته وبما يمكنه الحصول عليه فقط)

فقولت لشريف حتى لو حنقول انه زعلان من المنتدى بس احنا اصدقاء وكان مفروض يدخل ويشارك مع اصدقائه او يكلمنى ويقولى
فقالى انت عارف طارق بقااا
قولته ما علينا على العموم خاليه يدخل بس يكتب اسمه

الريموت وصل وعملنا حوالى كذا موضوع عشان نشوف مين اللى جى وانتوا تابعتوا معانا كل الموضوعات اللى نزلناها .. وكنتوا كمان بتابعوا وصول الشحنة لاى بلد كمان برقم الشحنة اللى معاكم

محمد الشناوى طبعا مكنش مفروض يتابع مع الناس ويكلم واحد واحد ويجرى ورا الناس لما الحاجة جت .. لان مفروض الناس هى اللى تجمع نفسها وهى اللى تتصل بمحمد او اللى مش معاه رقم تليفون محمد تبعتله على الخاص ..

محمد فضل يشوف مين اللى فى الجدول اكد اسمه وفاضل مين ماكدش عليه انه جى فى المعاد .. محمد وجد حوالى 5 اسماء مش عارف هما مين من الاعضاء

فضلنا نشوف مع بعض مين الناس دول .. وكنت عارف منهم ناس فعلا .. زى محمد فوزى واحمد علاء وقولتله اه عرفهم ومعايا ارقامهم وحكلمهم .. وده اللى حصل

فسالنى على العترا ده مين قولتلهم حقيقى انا معرفش مين ده
وفعلا انا كنت فاكر بعد نهاية مكالمتى مع شريف ان طارق حيدخل يشارك باسمه مش شريف اللى اسمه العترا .. لانى اعرف شريف اه بس اسم العترا معرفش انه اسمه لانه مش بيدخل عندنا كتير ومش بيشارك زى مثلا طارق مومو وزى اى عضو عندنا قديم ومعروف .. لان اسماء الناس القدامى هى اللى بتعلق فى راسى وبحفظها بحكم نشاطها معانا ووجودهم باستمرار

وانا فى دماغى انا وحسين ومحمد ان الناس مفروض متابعة بشغف الحاجة .. ومفروض تاكد على طلبها فى الموضوع

مش ذنبنا ان طارق زعلان من المنتدى او مش بيدخل ومش بيتابع او الكلام ده كله .. مفروض ان فى حاجة جاية وبتابع الموضوع ومفروض لو مش عارف محمد يكلمنى وياكد عليه انه جى فى المعاد

زى الناس اللى بتكلمنا من اسوان واسيوط والفيوم واسكندرية ومحافظات مصر وبتابع معاه وعندها ظروف كبيرة ومع ذلك بتدخل وبتابع وبتاكد حضورها او بيتابعوا عشان يشوفوا مين مش جى عشان ياخدوا مكانه الحاجة
ولو الحاجة مش مهمة مكنش حد تابع !

ده غير اننا مش عارفين مين العترا عشان نكلمه وانا مجاش على دماغى انه شريف صاحب طارق موومو .. لان قولت اكيد طارق حيدخل يسجل اسمه وطبعا كمان صاحب الموضوع الشناوى ميعروفهوش زى ما ذكرت من قبل

افرضوا سين من الناس غير طارق مجاش
احنا ايش عرفنا بقا ان فلان ده حيجى الا من خلال تاكيد حضوره
ولو كان حسين جمال نفسه ماكدش حضوره وقالى انه جى .. كان الريموت مش حيستلمه

وبعدين محمد مفروض نلم فلوس الحاجة مرة واحدة ونعطهاله .. او حد يدخل يقوله انا معلش مسافر واصبر عليه او عندى ظروف ومشغول وحقابلك بعدين

ده شريف كلمنى يوم مقابلة تسليم الحاجة .. وكلمنى بعد الساعة واحدة الظهر وبردوا غريبة ان طارق مش كلمنى

فشريف قالى انا عايز اقابلك فى الهرم عشان انا اعرف انك ساكن فى الهرم ومشوار اكتوبر بعيد عليه
قولته انا مش قاعد فى الهرم يا شريف واكتوبر جنبك مش بعيدة
ده فى ناس جايين من بنها ومن محافظات كتير ومن اماكن بعيدة عشان الموضوع ده !!!

قالى اصل عندى جامعة فى القطامية وحخلص 7 ... فقولتله احنا قاعدين لبعد 7 كمان
بس كلم محمد ليكون اتصرف فى الحاجة

وفعلا كلم محمد محمد قاله الحاجة اتصرفت فيها
ساعتها بقا هنا ظهر صاحب الشان بعد كل ده وهو الاستاذ طارق مومو وكلمنى وكان شاهد عليه فى الكلام والرواية دى ووقت تليفونه كمان حسين جمال
وكان سامع

قالى مش مفروض ان الحاجة دى انا كنت حاجزها وقولتلك
قولتله اللى قالى شريف ولما دخل شريف انا معرفش ان اسمه العترا وكان مفروض يحجز باسمك ولو كان اسمك مكتوب كنت كلمتك زى ما بكلمك فى مقابلات نيسان وبقولك انت جى ولالا
فقالى اصل مش معقول يتصرف فى الحاجة اللى حد حجزها من فترة ويديها لناس مش حجزت
( على اساس ان الاعضاء اللى كانت حجزة قبل كدا ماكدة بفلوس مثلا )

المهم قولتله محمد استنى حد ياكد عليه ان حيجى اليوم ده او عنده ظروف
وعملنا كذا موضوع ننبه على الناس .. قالى ما انا كان عندى ظروف
ومش كل شوية حدخل اكد .. لاننا مش عيال

بقا ده رد بعد التعب ده كله .. يتقالنا كدا !!

والحمد لله كنا رجالة مع الاعضاء ومحمد اتحمل بما فيه الكفاية وكمان اعتقد انكم عارفنى كويس انى خدوم بالدرجة القصوى .. ومش حقصر مع حد ابدا الا لو غصب عنى فعلالالا ولكن مش بقصد وغلط متعمد

قولته يا طارق باشا مفروض انك تاكد عشان مفروض اننا نرد الحاجة لمحمد فلوسها فى اقرب فرصة .. لان محمد دفع الشحنة بالكامل وكتر خيره
فطارق قالى مش حتفرق انا كان ممكن ادفع تمن الشحنة بالكامل لو كانت 3000 جنيه او اى عضو تانى
قولتله ايوة مش بتفرق معاك ولا تفرق معايا بس ممكن ظروف حد تانى تفرق معاه

وعلى فكرة اقسم بالله محمد الشناوى على قد مش فارق معاه الفلوس .. على قد ما فارق معاه تقدير الاعضاء .. وتدخل تقوله انا معاك وحقابلك بعدين

لان الراجل سهر ليالى يخاطب الشركة ويتفق معاههم للاعضاء وعنده ظروف زينا تمام وممكن اكتر مننا ومع ذلك تحمل عشان يسعد الناس
وكمان اتحمل حرق الاعصاب لانه اول مرة يعمل الموضوع ده ومش عارف الحاجة حتوصل ولالا .. وفى الاخر منقدروش ونهاجمه بالطريقة دى


دى كانت اصل الحكاية
وده اللى حصل بالظبط

واسف على الاطالة بس حبيت اوضح الصورة للناس عشان الكل يكون متشارك فى الموضوع والحكم وفاهم القصة كانت ماشية ازاى

وانا اسف اذا كنت نسيت طارق
بس زى ما هو بيقول ان مش شغل عيال ادخل كل شوية واكد
على كدا

فاياترى اللى احنا بنعمله ده شغل عيال .. واللى عملوه الاعضاء شغل عيال .. لما تكاتفوا مع بعض وجمعوا بعض وساعدوا محمد !!!!!!

المفروض يكون فى تقدير اكتر من كدا .. واذا نسينا حد وبالاخص .. انا.. .نسيت حد فاكيد مش مقصود .. لان محمد مالوش ذنب فى الموضوع ابدا .. ولا اى حد يقدر يلومه

محمد الشناوى محترم جدا مع الاعضاء واسالوا الناس اللى اتعلموا معاه .. وشخصية فى منتهى الادب والذوق والاخلاق .. واقسم بالله بعتبره اخ بمعنى الكلمة ليه بجد.. وغالى عندى جدا .. فيه نفس صفات الرابطة والمجموعة اللى بتحب قسم نيسان واصدقاء داخل القسم وخارجه .. اخلاق طيبة ادب ذوق احترام .. حبه للاعضاء والمنتدى جدااااا .. ياريت كل الاعضاء زى محمد فعلا

والغلط مش من عنده عشان هو ميعرفش مين العترا ده .. ولا يعرف اغلب الاعضاء زى .. ومع ذلك انا اللى مفروض اعرف الاعضاء كلهم .. مجاش على بالى ان العترا هو ده شريف .. والا كنت بعتله رسالة على الخاص او كلمت طارق مومو اللى معايا رقمه

وعيب تقديرنا بالاسلوب ده من قدامى الاعضاء

وحسيب ليكم الحكم

واتمنى تقرائوا تفاصيل الحكاية مرة واتنين وتلاتة وتركزوا مع الاحداث
تحياتى
منسق القسم
[/gdwl]

بصراحة مش حسين بس اللى شايف .. اوان كمان شايف .. ولو عملتوا تصويت واخدتوا اراء الاعضاء حتلاقوا كلهم شايفين كدا
ايه المطلوب مننا تانى يا طارق ويا شريف !!!!!!!!!!!!
انا معنديش استعداد كصديق واخ لمحمد وكاعضاء اننا نخسر انسان زيه
انسان متعاون وخدوم باقصى درجة .. ومغلطش مع حد ابدا .. بامانة وكل الناس بتشهد بكدا معايا
محمد الشناوى بدل ما حضرتكم ماسكين واصلة تقطيع فيه برغم ان الغلط عندكم ومصممين
وتقدموا شكر .. او كنتوا تشاركوا فى الموضوع وتساعدوا معانا فى لم وجمع الناس .. الا انكم داخلين بتعابونا عشان قصرنا .. قصرنا فى ايه معرفش
مع اعضاء مش بتدخل القسم ومش بتشارك ولا بتهتم بالاعضاء الموجودة
وانا من هنا ورايح
محدش حياخد اى خدمات الا الاعضاء اللى نشطة واللى قلبها على القسم والمكان وعلى الاعضاء اللى فيه وعلى وحدة الترابط اللى بينا
لكن عضو يبعتلى عضو ومكسوف يكلمنى عشان زعلان من المنتدى .. وفى الاخر يهاجمنا
وحتى يدخل يقولنا اصل شغل عيال .. لما اتابع كل شوية .. لا عيب
ولو حد فى حضانة كان عايز الكيتات دى كان حيحترمنا فى طريقة النقاش .. وبصراحة
لو من طفل الى اكبر واحد سنا لو كان عنده 80 سنة مالوش حق يلوم محمد ابدااااااااااا

يمكن حسين وضح واتكلم وحكى .. وانا حكيت لطارق اى محمد عايش هنا فى مصر وميصحش لازم نجمع الفلوس وكفاية اللى عمله .. ورده عليه .. مش مشكلة الفلوس !!! .. لما قولتله لا مش حيفرق معاك بس يفرق مع غيرك

واقسم بالله العلى العظيم .. ان محمد الشناوى قالى .. مش فارق معايا الفلوس .. على قد ما فارق عندى ان حد يدخل يقولى معلش عندى ظروف وحاجة اقابلك بعدين .. تقديرا لمجهود محمد .. وان يكون متابع معانا

اظن الرحمة بجد

الموضوع اتعرض على ادارة المنتدى .. وقريبا حيكون فى رد فى الموضوع باذن الله من الادارة
وححكى على تفاصيله .. لان الموضوع ده ميفنعش يتحكم عليه من المنتدى فقط لان ليه احداث خارجية بره المنتدى
وانا كنت طرف فيها .. وححكيها .. لان فعلا حرام الافتراء ..
اومال لو كان الواحد دافع فلوس كان اللى حصل فينا

هو اللى بينا كدا يا جماعة

بصراحة انا كمنسق القسم .. وكعضو عادى وبصفتى احمد مصطفى

يهمنى اتعرف على اشخاص مثل محمد الشناوى .. ويهمنى القسم يبقا ماليان محمد الشناوى بالاخلاقه وتعاونه مع الجميع

والواحد ليه شرف انه بيعرف انسان زيه .. وكمان المنتدى ليه الشرف وجود عضو مثله .. بيبص على مصلحة اخوانه الاعضاء