ازاى اروح مصنع الامير لسيراميك بالعاشرة من دائراى المرج الجديدة انا معايا عربية وشكرااااااااااااا
عرض للطباعة
ازاى اروح مصنع الامير لسيراميك بالعاشرة من دائراى المرج الجديدة انا معايا عربية وشكرااااااااااااا
ايه المنتدى اللى محدش بيعبرنا فيه ده الرد بياجى بعد اسبوعين مثلا ولا ايه
هو مفيش حد بيرد ليه كلو بيدخل يبص ويمشى حد يعبرنا بقى
بص يا سيدى
حضرتك هتاخد دائرى المرج لحد نفق السلام
تنزل النفق وبعد النفق بحوالى 1 كيلو هتلاقى يوترن
تلف وتاخد يمينك وتنزل النزلة بتاعة طريق الاسماعيلية الصحراوى
(خد بالك ان النزلة دى عبارة عن ملف وهو غبى شوية وفيه عربيات بتقع من فوقه - خده على سرعة هادية)
بعد كده هتفضل ماشى على طول اتجاه الاسماعيلية لحد العاشر من رمضان
هتلاقى اول كوبرى تعديه وتانى كوبرى برضه تعديه
بعد تانى كوبرى بحوالى 5 كيلو هتلاقى الشركة على اليمين
قبليها فيه شركة اسمها ايماس وبعدها سيراميكا الامير وبعديه السويدى للحديد
طريق الرجوع بقى ازاى وشكرا ياريس على ردك
54 ش حسن المأمون
المنطقة السادسة , مدينة نصر, القاهرة ازاى اروح العنوان ده من دائرى المرج هوفين فى مدينة نصر
حسن المأمون هو الشارع اللى فيه النادى الاهلى فى مدينه نصر ... معرفس 54 فين .... فى اى علامه مميزه للعنوان؟
انا عايز مكتب سيراميك الامير هناك
بص انا ساكن هناك بس مش متأكد فين بالظبط ...
عامة و انت جاى من دائرى المرج هتعدى نفق السلام و تكمل بعد المطار تنزل نزلة الماظه يمين و تكمل هتطلع كوبرى و بعد كده هتعدى من تحت كوبرى الاوتوستراد و تلف يوترن و ترجع تخش فى الاوتوستراد يمين من جنب الكوبرى ... هتفوت اول يوترن و تاخد التانى و تخش يمين فى حسن المأمون .... هتعدى النادى الاهلى و تقاطع سوبر ماركت مترو و كمان 2 تقاطع و هتلاقى بنزينة كالتكس على اليمين ... على ما اعتقد هو بعد البنزينه لأن كل اللى قبل كده مفهوش معارض سيراميك ... اوصل عند البنزينه و اسأل