أنا من اسكندرية وحجزت عربية سيراتو ex موديل 2011 زيرو عشان عليها خصم كويس، ولكن معظم الناس خوفتني من موضوع السرقة دي، بجد مش عارف اعمل إيه، ودي أنسب حاجة في الفئة السعرية دي
عرض للطباعة
أنا من اسكندرية وحجزت عربية سيراتو ex موديل 2011 زيرو عشان عليها خصم كويس، ولكن معظم الناس خوفتني من موضوع السرقة دي، بجد مش عارف اعمل إيه، ودي أنسب حاجة في الفئة السعرية دي
بسيطة عندك كذا طريقة
1- تجيب قفل داخلي (قفل دريكسيون او للفتيس او الدواسات ) ودا مالي الدنيا وكلو ب 80 ج
2- تركب انذار صوتو عالي زي wolf , spy
3-ودي الاهم تركن العربية في مكان كويس (متركنش في حتة مقطوعة او حته منظرها لبش وكدا)
قل لَنْ يُصِيبَنَا إِلَّا مَا كَتَبَ اللَّهُ لَنَا
صدق الله العظيم
اولا الف مبروك وربنا يديك خيرها ويكفيك شرها
تانى حاجة قدر الامكان تأمن نفسك وتركنها فى جراج مضمون
وقدر الامكان حاول تعمل عند الكهربائى زرار خفى يفصل بيه الكهربة عن العربية علشان محدش يعرف يدورها
بس يكون الكهربائى ده بعيد جدا عنك ولا يعرفك ولا تعرفه واتاكد ان مفيش حد ماشى وراك بعد متمشى من عنده
ولو مفهاش انذار اشترى واحد وركبه لو مكنش هيخرجك من الضمان
وبقيت الاخوة ينصحوك ان شاء الله
وربنا يكرمك وتستمتع بيها
احسن حل هو الجراج مهما كان بكام
أنا فعلاً كنت ناوي إن شاء الله أول حاجة هجيبها هو القفل بتاع الدركسيون ده
أما بالنسبة للإنذار هركبه في التوكيل إن شاء الله، عشان مش حابب حد يلعب في الكهربا بتاعة العربية من أولها كده وكمان عشان الضمان
صدق الله العظيم، والله أنا صليت أكتر من خمس مرات استخارة ، والواحد هيحطاط ويأخذ بالأسباب، وفي النهاية لا يوجد ما يمنع القدر، فربنا يستر إن شاء الله
بالنسبة بأه لموضوع الجراج ده، انا اعرف واحد عربيته اتسرقت من الجراج نفسة :))
وده بيحصل في إحتمالتين:
1_ حرامي يدخل يسرق المفاتيح من غرفة السايس والعربية إللي تنور معاه ياخدها ويهرب ، طبعا مابيكونش لوحده
2_ ممكن سايس الجراج نفسه يطلع نسخة من المفتاح ويكون بايعه لحد تاني أو متوانس معاه، وساعة السرقة، انا ماليش دعوة يا بيه ماهو المفتاح موجود
أشكرك يا أستاذي الفاضل ولكن زي ما جاوبت موضوع الجراج برضه مش مضمون
السؤال إللي انا عاوز أتأكد منه بأه، هل فعلا موضوع سرقة المفتاح الماستر ده إللي سمعنا عنه من فترة؟؟ ولا إيه الحكاية بظبط؟؟
توكل علي الله و اعمل اللي عليك (قفل و انذار و جراج) و عايز اقلك ان كل العربيات بتتسرق مش السيراتو بس.... الفيرنا و الافيو و الهوندا القديم .... كله.... عايز اقولك انا الشهرين اللي فاتوا اعرف 3 اتسرق منهم عربيات (سيفيك موديل 95 و فولفو (موديل التسعينات ديه) و المفاجأة جولف 6 !
فيعني توكل علي الله و اعمل اللي عليك و مش بس السيراتو اللي بتتشقط.... ربنا يسترها معانا جميعا!