عفواَ
...................... مكان وصلة البنزين في الكربيراتير أو توصله في ال MANIFOLD .....
:):)
عرض للطباعة
عفواَ
...................... مكان وصلة البنزين في الكربيراتير أو توصله في ال MANIFOLD .....
:):)
لو عايز تعمل جهاز التحليل في بيتك بخامات موجودة ادخل شوف ال VIDEOS دي :
http://www.youtube.com/watch?v=kqL5Sur7LtE
http://www.youtube.com/watch?v=uTf45ulIyEc
http://www.youtube.com/watch?v=busFhbGwPLw
http://www.youtube.com/watch?v=d9ZIeuDprkI
http://www.youtube.com/watch?v=FYxqvhzVie8
http://www.youtube.com/watch?v=bZBOwoss1Ms
http://www.youtube.com/watch?v=iPXaPTDhNCo
http://www.youtube.com/watch?v=hagXR_BkWOI
:):)
المشكلة مش في كدة المشاكل
1- الموضوع لسة مش كل الناس مقتعة بيه بسبب ان كمية الهيدروجين المنتجة ضعيفة جدا لان اساسا الهيدروجين انتاجه صعب
2 - عمر الموتور مع الوقود الغازي قصير يعني العمرة هتكون بدل 6 سنين هتبقي 3
الموضوع مش بالسهولة دي .... لو العملية كده بلاش يا عم عربية اعمل موقد هيدروجين ووفر فاتورة الغاز
حرق الهيدروجين في الموتور مش سهل كده .... دا انت عشان تغير من 90 ل 80 محتاج تظبط كهربة العربية ده لو كان ضغط داخل الموتور يستحمل
فيه مشاكل كتير ..... يا ريت ندرس الموضوع ده كويس عشان هو فعلا جامد جدا ..يعني انا مبسوط جدا بحاجه زي كده بس محتاجين ندرسها كويس
الله يا جماعة الموضوع يفرح شوية وبيدى امل فى المستقبل بدل ما كل واحد شايل هم سعر البنزين
بس الفكرة صعبة شوية وعاوزة تفسيير زيادة
كل اللي بيحصل يا سيدي أنك بتعمل تحليل كهربي للمياه عن طريق قطبين الأنود و الكاثود و بتأخذ الهيدروجين اللي بينتج عن العملية دي و نحقنه في الإسطوانة بدل البنزين أو الديزل ..
:):)
ماتنسوش انة لازم يتغير نظام العادم كلة
يعني يبقي مواسير لاتصدأ لأن نتيجة حرق الهايدروجين
ستكون كمية كبيرة من بخار الماء يعني سيؤدي للصدأ
داخل المحرك وخارجة كمان
بعد اذنكم وقبل ان نخوض فى التفاصيل المنظومة دى ليست اكثر من منظومة هزلية
يوجد نوعين من المنظومة الإلكتروليتية
النوع الأول هو الكترولايت ينتج طاقة كهربية ، وده بيتكون من قطبين من المعدن من نوعين مختلفين يسبق احدهما الآخر فى المتسلسلة الكهروكيميائية (كنا ندرس هذة المتسلسلة فى المدرسة الأعدادية وكنا نحفظ ترتيب عناصرها الشهيرة وكانت كالتالى من الأقوى للأضعف: بوتاسيوم صوديم كالسيوم ماغنسيوم الومنيوم زنك حديد رصاص هيدروجين نحاس زئبق فضة بلاتين ذهب) موضوعين فى محلول ملحى، مثلا قطب من النحاس وضب من الزنك فى محلول كبريتات نحاس يؤدى لتولد فولطية كهربية بين قطبي البطارية
النوع الآخر هو إلكترولايت التحليل الكهربى وهذا النوع يستخد لفصل عنصرى ملح ما عن بعضهما ، لكن لا بد من كهرباء لفصل هذين العنصرين، يعنى اجيب الواح ستانللس زى ما انا عايز واحطها فى بيكنج باودر زى ما انا عايز ، طوال ما انا ماديتلهاش طاقة كهربية، والله لو قعدت جنبيها سنة لا هتبقلل ولا هتطلع اى حاجة
هنروح بعيد ليه يا عم ، هات 92 معلقة ستانلس من درج المطبخ وحطهم فى مية مقطرة مدوب فيه 50 كيس بيكينج بودر، وابقى قابلنى لو طلعت حاجة ، اما لو تهورت وجبت بطارية عربية 12 فولت ووصلت طرفها الموجب بمعلقة من المعالق وطرفها السالب بمعلقة تانية هتلاقى المعلقة اللى فى الموجب بتتراكم عليها بقاليل بتاكل فيها وتتبوظ سطحها والمعلقة اللى فى السالب بتسود وتبقلل، وهذا لأن الملعقة اللى فى الموجب تراكم عليها الصوديوم الناتج من تحليل كربونات الصوديوم وبملامسته للمياه ذتب فيها وتحول الى هيدروكسيد صوديوم (صودا كاوية) والتى تأكل الستانلس ستيل، اما الناحية السالبة فقد جذبت الكربون والهيدروجين، يترسب الكربون على الملعقة ويتصاعد الهيدروجين لأعلى ، بس عموما الخمسين كيس دول مش هيطلعو كمية هيدروجين تكفى لتحريك قبقاب باتيناج مسافة صالة بيتكم ، ناهيك طبعا عن كمية الطاقة الكهربية المستخدمة لفصله، طب ماهو انا اسهل من كدة استخدم الكهرباء فى تحريك السيارة مباشرة بدلا من تضييعها فى تحليل البيكينج باودر واهدار فواقد تضيع فى شكل حرارة
يا شباب ، العلم مافيهوش فصال وغير قابل للتزحزح عن مكانه، تحريك سيارة مقابل مقاومة الهواء ومقاومة الإحتكاك يتلطب طاقة مهولة ، لا يتوفر واحد على ألف منها فى كيس بيكنج باودر ولا فى الطاقة الكهربية اللزمة لفصل مكونات ملح الكيس الى مكوناتها
حلم المحركات دائمة الحركة حلم مات الكثير فى سبيل تحقيقه لكنه حلم مستحيل فيزيائيا، لكن من الواضح الآن ان هناك من يتكسبون من هذا الحلم بخلق traffic على مواقع تقدم صورا لمجموعة من العاب الحواه التى تداعب هذا الحلم المستحيل ، مثلها فى ذلك مثل رسائل "انشرها وسوف يحدث لك كذا وكذا" سيئة السمعة، لكن العلم بعيد عن هذا المزاح
شكراَ على الإيضاح م/ سبعاوي باشا ..
:):)