سرقة المفتاح ثم سرقة السيارة
السلام عليكم
واحد صاحبى كان فى كافيه (بينوس فى مكرم عبيد) , وراكن عربيته بره و قافل قفل الدركسيون , و حاطط ميدالية المفاتيح قدامه فى الكافيه
جاله واحد طلب منه انهم يبدلوا اماكن عشان عايز يقعد جنب الفيشة و يشحن اللابتوب , صاحبى وافق و بدلوا اماكن , بعديها الراجل ده قام
بعدها صاحبى اكتشف ان المفاتيح مش موجودة و العربية كمان مش موجودة !
وجب التحذير يا جماعة يا ريت خلوا المفاتيح فى جيوبكم , ربنا يعدى الايام دى على خير
صاحبى عمل بلاغ , و بعد كده الحرامى كلمه و بيفاوضه على مبلغ عشان يرجع العربية , صاحبى شاكك ان الحرامى له حد فى مديرية الامن !! , على اساس انه عرف نمرته من البلاغ !! , مفيش اى طريقة تانية يعرف بيها نمرته , و حسبنا الله و نعم الوكيل
رجاء الدعاء يا جماعة ربنا يفك كربه , وربنا ميحكمش على حد , و خلوا بالكم