الموضوع: الهيونداي .. البروتون ... البرودا ...... كيا .... الدايو او الشيفروليه

برغم ان البرنامج متحيز كما قال الاخوه الاعضاء

السؤال بقه " مع كامل احترامي لك "

ايه لازمه الموضوع ده اساسا

ياريت توضيح

يا جماعه الناس مش هابله وساذجه للدرجه اللي انتم بتقولوا عليها
البرنامج له شهره عالميه
ولا احنا بقه اللي بنفهم وبقيت العالم هو اللي معندوش ادنى فكره عن الهبل ده

لأ طبعا هما بيفهموا بس بيعبروا عن رايهم و بيفرضوا رايهم بطريقة مستفزة و الناس و منهم انا بيتفرجوا على البرنامج علشان الانبهار بالعربيات اللى بيجبوها و كمان الابتكارات اللى بيعملوها و التجارب زى مثلا مرة عملوا عربية صاروخ و كمان هما كويسين فى مجالهم اللى هى عربيات السباق و العربيات اللى زى الفيرارى و اللمبورجينى و البوجاتى و كل العربيات اللى زيهم بس العربيات العادية ملهمش فيها و اديه اهو فى الفيديو قاعد بيقرا اسم الريو يعنى اول مرة يسمع عنها!

و بعدين احب اوضحلك ان البرنامج كله تمثيلxتمثيل يعنى كل السباقات و المقارنات و الكلام دا تمثيل بدليل كل حلقة بيجيبوا 3 عربيات و كل واحد بيقول دى عجبانى و التانى وحدة مختلفة و التالت التالتة و بيمثلوا انهم بيسابقوا و هما باصين للكاميرا و تهريج.
الناس بتتفرج عليه علشان هو مثير مش اكتر و كمان هما يفتوا بمزاجهم فى البرنامج و يقولوا اللى عايزينو عن العربيات لان مفيش حد من المشاهدين عمره هيجيب عربية منهم(بكلم عن العربيات اللى بمثلا مليون و لا اتنين مليون دولار).
يعنى فى حلقة جايبلك بيعملوا عربية ليموزين قال يعنى هما اللى عملوها كل شوية يوريك مشاهد اكنهم بيشتغلوا و فى الحقيقة ناس تانية اللى عملت كل حاجة عاملين زى هالة سرحان كدا بالظبط (شوف كان لها جمهور اد ايه و ناس كتير كانوا بيتفرجوا على البرنامج و طلعت نصابة ) عادى خالص؟
يعنى كل المشاهدين سذج؟ اكييد معظمهم كان متوقع ان كل دا تمثيل طب بلاش فى البرامج المصرية كل الجمهور بيبقوا كومبارس بيدفعولهم فلوس مش اكتر !!!
عادى جدا الكلام دا فى البرامج .
و بعدين الجاجور بره مصر زبالة اساسا متتقارنش حتى مع نفسها علشان هتخسر , عربية جودتها سيئة و سعرها غالى جدا و سببت خسائر كتييير اوى لفورد فباعوهاو وعدوا يحسنوا جودة العربية و هما بيعرضوا عربية جديدة فى معرض عربيات قام النور بتاعها طفى لوحده اهو عندهم امل فى الxf تنقذهم من الخسارة!!!!

لو قالوا عنها انها شبه عربية كويسة يبقوا بيضحكوا على الناس بهبل!

واظن انهم ركبوا عربيات بعدد شعر راسهم يعني متهيال الواحد منهم لما يحط رجله في العربيه بيعرف العربيه دي فين بالظبط

السباقات و الكلام دا بيعملوا الناس بتوع البرنامج هما بس بيطلعوا قدام الكاميرا راكبين العربية و ماشيين بيها و السلام و عامة كلها عربيات سباق ايش دخلهم فى الفرنا ارخص عربية فى انجلترا و ليه يعملوا موضوع عن عربيات رخيصة اساسا؟؟؟ علشان يتريقوا عليها و اهو بيسلو المشاهدين؟؟
ليه مقالوش بديل يعنى قالوا الفرنا وحشة (من ناحية الperformance بس مش اكتر) طيب مجابوش ليه بديل و جربوه و قالوا دا حلو؟؟ علشان فى الفئة السعرية دى كل البدائل هى العربيات اللى كانت موجودة اللى قالوا عليها زبالة!!!!
طيب ايه الكويس؟؟ لو انا دا المبلغ اللى معايا مثلا اجيب اييه؟؟ مفيش
بعدين اسالك سؤال بذمتك عمرك شفت البيكانتو فى برنامج مصرى زى اوتوموتيف شو مثلا؟؟
و لا الفرنا و الريو؟؟ محصلش خالص و لا حيحصل!!!
ليه؟ علشان دول عربيات اقتصادية مش عربيات سباق و لا عربيات غالية و لا فيهم امكانيات مميزة و تكنولوجيا رهيبة مثلا هيستعرضوها.
انا عند رايى البرنامج دا يخليه فى التمثيل بتاعهم و عربيات السباق و ادينا بنتفرج و نتبسط بس لو قصد حضرتك من الفيديو اثبات ان العربيات دى وحشة و الكورى و الماليزى وحش يبقى دا مش اثبات خالص

بصراحة الراجل بتاع توب جير ده عبارة عن مهرج لا أكثر.
و لا بيفهم أى حاجة.
من فترة كان برنامج عن الفيات 500, و كانت التجربة سباق بينه و بين اتنين راكبين عجل(هذا يتكرر كثيرا), المهم قعد يجرى وراهم و يطلعولو عالكبوت و فى الأخر اتزنق فى اشارة و سبقوه, أى هبل فى هبل عشان يضحك الناس عليه و خلاص, و يجيبلوا اعلانين و فل أوى كده.
حتى مجلة توب جير, موجهة أساسا بالاعلانات, مثلا, لاقيت مرة مقالة بتمدح و تهلل لسيارة هوندا 4*4, و قلبت الصفحة, كما توقعت اعلان بطول الصفحة عن سيارة هوندا.
و فى نفس العدد, مقالة عن البى ام فى فئة 1, و كان ينتقدها بشدة, و تعجبت عن كيف واتته الجرأه لانتقاد سيارة من بى ام فى, طبعا ان عرف السبب بطل العجب, قلبت المجلة من أولها لأخرها مفيهاش و لا اعلان عن البى ام فى.
مش عشان بيتكلم انجليزى و شعره أصفر يبقى بيفهم فى العربيات, ده مهرج عامل زى اللمبى كده و معلوماته عن العربيات مش أكتر من اللمبى برضو.

هو لما إتكلم عن الفيرنا قال هات فيستا أو جولف USED أحسن يعنى قال بديل !!!!

لأا لما يعد 10 دقايق يتريق على عربية لازم يجيب بديل و يقارنوا بيها و بنفس الفئة السعرية و يقارن الامكانيات و يورينا تسارعها مش يقول هات الفيستا و خلاص.
و بعدين

أعتقد ده بيكون واضح لأى مشاهد واعى

يعنى لما انت بتتريق طيب تقدر تقولنا ليه مجبش الفيستا و ورانا مميزتها؟؟
اقولك علشان هو شغلته اراجووز عايز يجيب العربيات و يتريق عليها مش جايبها علشان مثلا ينصح المستهلك ولا فعلا بيوضح وجهة نظر , فين الفيستا؟تمنها كام؟ نفس السعر؟نفس الفئة؟ كل دا مش مهم المهم التريقة على الفاضى

و لما كان بيقول Kia هو مش عبيط عشان يستهجا الكلمه و مش من صعوبتها لأ هو بيسخر من الإسم و أعتقد ده بيكون واضح لأى مشاهد واعى

يعنى شغال أراجووز علشان يضحكنا؟؟
ايه المشكلة فى الاسم؟ ريو ؟
بالعكس انا شايفه اسم حلو و اسم مشهور جدا يعنى مش كلمة افتكاسة زى توكسن.
يعنى لازم يبقى موضوعى مش يتريق على ارخص عربيات فى البلد و خلاص و يحاول يفتى فى اى حاجة قال ريو قال , مهو لو مش عارف يقراها يبقى اهبل و لو بيتريق يبقى اهبل اكتر لان مفيش حاجة مضحكة فى الاسم.