الموضوع: عداد السرعة مجنني

المشاركة الأصلية كتبت بواسطة meno2000

السلام عليكم يا شباب عندي عداد السرعة في عربيتي النوبيرا2 بقالو يومين مهيس شوية يشتغل و شوية يقف و شوية يقف عند اخر المؤشر و شوية يقف عند الصفر
ده ممكن يكون من ايه هل في حساس للسرعة افحصه ولا اعمل ايه ارجو مساعتدكم

انا مش فاهم حضرتك تقصد ايه بنهاية المؤشر...قصد حضرتك نهاية عداد السرعة؟؟
لو قصد حضرتك ان المؤشر ساعات بيصفر وانت ماشى وساعات بيقرا السرعة الحقيقية فدى كانت عندى وطلع حساس سرعة اما لو حضرتك تقصد حاجة تانية الله اعلم :)
وان شاء الله الاعضاء يفيدوك فيها :)

المشاركة الأصلية كتبت بواسطة meno2000

هو فعلا ده اللي بيحصل فياريت تقولي فين حساس السرعة وازاي اغيره او اصلحه

دا كان اول عطل عندى فى العربية من كاااام سنة فمش فاكر هو مكانه فين بالتحديد او جمب ايه بس هو كان فى الكبوت تحت من ناحية صدر العربية ويتشاف لما تفتح الكبوت عادى هو حاجة بالظبط فى نفس طول وعرض صباع السبابة والوسطى جمب بعض ولونه اسود وهيبقى مترب شوية وللاسف ماعرفش بيتغير ازاى:)
لوحضرتك تستنانى لبكرة زى دلوقتى ممكن اصورهولك واشوف سعره لانى حاطط القديم فى العربية هو والفاتورة بتاعته
وعموما حضرتك اشترى حساس سرعة نوبيرا ودور على الشكل بتاعه تحت زيت الفرامل تقريبا بس تحت شوية
لكن بافضل تشوف اراء الاعضاء الاول يمكن يكون فيه مشكلة تانية ليها نفس الاعراض
وانا فاكر ان لمبة التشيك عندى كانت بتنور ايام ما العداد كان بايظ

شفت ...نسيت اساسا انى كنت عامل الموضوع دا...وتقريبا كان دا اول موضوع ليا فى المنتدى وكنت مبهور جدا بالمنتدى ده والناس اللى فيه ومازلت :)
http://www.nilemotors.net/Nile/88465-a.html
لو دا الى عند حضرتك يبقى حساس سرعة ان شاء الله