اهمال مراكز الخدمة المعتمدة

**polandy** · 12-10-2011 12:29 PM

طبعا طبيعي احنا في مصر متوقعين الناس هيبقوا كويسين في شغلهم لاطبعا محنا عارفيين هنقول ان التوكيل تقريبا يعتبر كويس اما عن مراكز الخدمة المعتمدة فهي ضحك علي العقول تماما

الحكاية اننا رحت اوفر واكسب وقت وكنت مسافر رحت لمركز معتمد عملت صيانة 20000 ولما خلاص قلتله التيل الفرامل اخباره ايه راح فاكك الجلة الشمال ونده للبشمهندس قاله لا تمام وقفل فوجئت بعدها بي اسبوع ان العربية لما افرمل من سرعة عالية العربية بتعمل صوت ضبدضبد بطريقة مقلقة قلت لا بقه ده شكل الموضوع في حاجة كانت الصدغة اننا علي كوبري الجيش 4.5 كم كنت علي سرعة 80 قلت هضرب فرامل ومكنتش متوقع تماما انها هتعمل كده العربية لقيتها لفت لليمين وفقدت السيطرة وسبحانه قادر علي كل شي نجاني والعربية لمتها ومشيت براحة

انا مش هسكت علي الاهمال ده وقررت اننا اعمل حملة علي المراكز المعتمدة
يتبع...

**elgohary** · 12-10-2011 04:10 PM

ممكن نعرف عملت صيانه فين وبعض التفاصيل والديتيلز عشان كلنا نتجنب مركز الصيانه ده

**gamela** · 12-10-2011 08:38 PM

فعلا عند حضرتك حق وكمان لما يكون فاتح جديد (فرع سموحة) انا كنت بعمل صيانة 5000 اول صيانة والعربية كانت لسة ماعملتش 5000 بس علشان عدى 6 شهور وكانت عندى ملاحظة انا بتحصل رجة لما اشغل التكييف وبعد شوية وانا فى الاستراحة القى المهندسة جاية وجايبة معاها رجل من قاعدة الريداتير بتقولى لقانها مكسورة ولازم الريداتير يتغيير ولازم نستنى لحد مانشوف موجود ولا لا ياكده ياحانطلب وبلغى التامين يتصرف قولى العربية اتخبطت لان التكلفة عالية حاتعدى 5000 وبسرعة الا المياه حاتتسرب للماتور طبعا انا خفت جدا المهم بعد مابلغت شركة التامين وجاه المهندس بتاع التاميين علشان يعاين قال ان الخدوش اللى كانت موجودة فى العربية مالهش اى علاقة بالريداتير وان التوكيل هو المتسبب فى كسر قاعدة الريداتير طبعا واجهت التوكيل وركبوا قاعدة للريداتير على حسابهم

**polandy** · 12-10-2011 09:02 PM

المشاركة الأصلية كتبت بواسطة elgohary

ممكن نعرف عملت صيانه فين وبعض التفاصيل والديتيلز عشان كلنا نتجنب مركز الصيانه ده

فرنش موتورز الرحاب
كانوا كشفوا علي التيل بالنظر اتاريه خلاصان ومشيت عليه لحد بقه حديده داه المفروض الصيانة ال 20000
امال ال 60000 هيعملوا ايه

**frhateg** · 14-10-2011 05:24 PM

مركز سموحه توكيل مش مركز صيانه . زيه بالضبط زي اللي في العامريه .

**ahmscu** · 16-10-2011 03:12 AM

ياجماعة افضل مركز صيانه للوجان على الاطلاق هو العبور،ناس محترمة جدا وفاهمه شغلها كويس والكل بيشكر فيهم،ابعدوا خالص عن المقطم

**korkor** · 16-10-2011 10:11 AM

انت قلقتنى اوى انا لسه عامل صيانه ال 20000 الف فى الميكانكيون العرب من اسبوعين وماجبوش سيره التيل وماعرفش بصوا عليه ولا لأ , امبارح فجأة الفرامل نعمت يعنى لازم ادوس جامد علشان تمسك مش عارف ده من ايه بص هاروحلوهم ولو طلع التيل هاولع فيهم علشان مابصوش عليه ومش هاروحلهم تانى .