تجديد ترخيص الماروتى ل 3 سنوات قادمة

**sab3aawy** · 14-10-2011 11:43 PM

المشاركة الأصلية كتبت بواسطة micromoud

هندسة انا عندى الكربية فيها شرخ بسيط جدا فى الفانوس الورانى ولمبة بايظة فى السهارى دول مشكلة فى الفحص الفنى والطفاية القديمة السن بتاعها اللى فوق انكسر والبودرة وقعت دى حلها ايه؟

تتوقف على مهندس المرور، لو هو من النوع اللى بيتراضى يبقى ريال فى ايده وخلصنا، بس القانوس كامل وش وضهر ب 50 جنيه واللمبة السهارى ب5 جنيه، غيرهم وخلص نفسك، بالنسبة للطفاية لو المهندس غتت استحالة تعدى، عندنا فى مدينة نصر مهندس الطفاات حقانى اوى ومبياخدش قرش من يوم ما عرفته ، حسب المرور بتاعك، الطفاية آخر مرة اشتريتها كانت ب 110 ، معرفش بكام حاليا

**aymanay32** · 16-10-2011 11:54 PM

الطفاية دلوقتى ب 121 فى مرور فيصل البافاريا و صمم اشترى واحدة جديدة علشان التاريخ بتاع طفايتى قديم مع انها ما استعملتش و شغالة
بالنسبة للانوار محدش هيتكلم لان الفحص بيكون بالنهار و ما بيطلبش منك تولع النور

و فى مرور فيصل المتبع الجديد ان العربية لو دخلت الصبح بدرى بتدخل ترفع البصمة و تخرج و ترجع بالورق للمهندس بدون العربية يملاه و يختمه من غير ما يشوف العربية

**micromoud** · 17-10-2011 01:56 PM

شكرا يا بشمهندس سبعاوى وشكرا يا استاذ ايمن :)

**LORD.ADeL** · 17-10-2011 02:03 PM

المشاركة الأصلية كتبت بواسطة aymanay32

الطفاية دلوقتى ب 121 فى مرور فيصل البافاريا و صمم اشترى واحدة جديدة علشان التاريخ بتاع طفايتى قديم مع انها ما استعملتش و شغالة
بالنسبة للانوار محدش هيتكلم لان الفحص بيكون بالنهار و ما بيطلبش منك تولع النور

و فى مرور فيصل المتبع الجديد ان العربية لو دخلت الصبح بدرى بتدخل ترفع البصمة و تخرج و ترجع بالورق للمهندس بدون العربية يملاه و يختمه من غير ما يشوف العربية

ياحلاوة يعنى اللى عايز يفحص يبيت جنب مرور ويقف اول واحد من فجر هناك ياخد بصمه ويطلع يجري بالعربيه هههههههههههههههه ويرجع بالورق من غير ما يفحص حاجه ويوشف العربيه

لول

**micromoud** · 15-11-2011 07:20 PM

رخصت النهاردة بعد عناء 3 أيام مابين الشبابيك وتحريك الملف وسماجة الموظفين بجد ربنا ما يورى لحد العناء اللى انا شفته بس فى حاجه الضريبة اللى دفعتها كانت 331 جنيه عن الثلاث سنوات مع العلم ان الرخصة كانت منتهية من شهرين يعنى أقل ماللى دفعه الاستاذ سبعاوى بالنسبة للفحص مبصش اصلا عالعربية يدوب مضى الورق وكان عندى وش الطفاية مكسور فاشتريت واحدة ب 121 والحمد لله المثلث وشنطة الاسعافات اتلغوا المخالفات طلعوا 320 جند لما بصيت عليهم لقيت واحدة سنة 2010 مقدارها 300 جنيه ال ايه تعطيل مرور !! والتانية انتظار صف تانى 20 جنيه برضه من 2010

**Lion_Heart** · 16-11-2011 12:28 AM

المشاركة الأصلية كتبت بواسطة micromoud

والحمد لله المثلث وشنطة الاسعافات اتلغوا

و الكلام ده فى كافة وحدات المرور و لا ايه ؟؟؟

**hamaza81** · 16-11-2011 11:01 PM

والله موضوع الضريبة دا محير
انا رخصت العربية لما كانت زيرو في أغسطس 2010
دفعت الآتي
شهادة بيانات 5
تأمين اجباري 155
طفاية 121
ضريبة 460
تأمين لوحات 150

نفسي افهم بقى
يعني سبعاوي دفع ضريبة 440
وmicromoud دفع ضريبة 331
وأنا دفعت 460

سبعاوي دفع تأمين إجباري 235
وأنا دفعت 155

هو كل مرور ماشي بمزاجه واللا إيه
والأظرف بقى لما كنت بمضي الورق بتاعي كان في واحد قدامي اشترى الطفاية وقالوله لازم تجيب المثلث وشطنة الإسعاف - انا دخلت وراه على طول وكنت عامل زيه بالظبط مشتري الطفاية بس راحوا ختمولي الورق بدون مثلث ولا شنطة ولا رشوة ولا وسطة

المرور دا تساهيل