أولا أهلا بيك فى نايل موتورز
بحكم إحتكاكاتى الكثير مع الوكيل و مع بروتون ماليزيا أنا راسلتهم كثير قبل كده و قابلتهم لما نزلوا مصر و إتكلمت معاهم و ليا تجارب معاهم كثير بقالى حوالى سنتين أهو
المهم بروتون مش هاتسحب عمرها من عز العرب الوكاله - دى شيلها من الإحتمالات و الأمانى كمان و ماتسألنيش ليه بس همه بيعاملوه كأن العقد بينهم غير قابل للفسخ تحت أى ظرف و إن إللى بيحصل ده أمر واقع و يتصلح مع مرور الوقت
و حقيقة تقال هو التوكيل إتحسن عن زمان كثير بس عمره ما هايوصل لدرجة توقعاتك وده حال 95% من توكيلات مصر من أول البفارية و مرسيدس و أعتى الشركات فى بلدنا العظيمة
نادرا لو لقيت توكيل تقول عليه كويس مش ممتاز ذى تويوتا أو مصرية أو عبد اللطيف جميل أو نصير
و هاتلاقى إن كل التوكيلات ليها سقطات سواء فى الأسعار النار - أو فى نقص قطع الغيار - أو فى المعامله السيئة للعميل - أو فى تأخير المواعيد أو إهمال الفنيين ....
نرجع لموضوعنا إنت فاتح الموضوع هنا عشان الناس تشجعك على الجين 2 ولا عشان تقارنها بالصنى و الياريس و اللانسر و الأوبترا ؟
لو هاتقارن هاقولك هات الجين 2 لو عندك بال و وقت تروح التوكيل كثير أو مش بيفرق معاك الرفايع فى التقفيل أو صوت تزييق فى التابلوه و ما إلى ذلك و يهمك آداء قوى و جرى و ثبات و صاج محمل و كماليات
لو عايز تركب و تشترى دماغك هات الصنى أو اللانسر أو الياريس (بنفس الترتيب)
لو نويت على الجين 2 متقلقش من موضوع قطع الغيار و كده كده إنت آخرك تغير العربية بعد 5 سنين بس بتخصر جامد فى إعادة البيع لو هاتبيع فى مده أقل من 5 سنين
و مبروك مقدما و أرجوا إنى أكون أفدتك
المفضلات